السلام عليكم ورحمه الله وبركاته
انا بحب انسان من على النت بس بجد انا متعلقه بى اوى ومش قدره استغنى عنه حولت كتير بس مش قدره
هو بيقول انه بيحبنى وانا بحس ده من كلامه بس المشكله بقه
انه مش بيسال عليا خالص الى من خلال النت بمعنى لو غبت يوم او يومين مش بيفكر انه يتصل بالفون ويطمن ولما اساله ليه مش بتسال يعتذر باى شئ فانا مش عرفه اعمل ايه هو كده بيحبنى فعلا زى ما بيقول والى ايه ارجوكم سعدونى انا فعلا بتعذب
كلهم كدابين وما يغركيش كلامهم الحلو دى اسطوانات مشروخه ونفس الكلام بيتكرر مع كل واحده شويه وفى الاخر تلاقيه خطب واحده قربته ويقولك انا عمرى ما فكرت انى اتجوز من ع النت
كلهم كدابين واساتذه فى التمثيل والكلام المعسول حتى الجواز ع النت بيكون اغلبه فاشل
اختى الفاضله الشاب لا يمكن يثق بانسانه حتى لو محترمه مثلم وبنت ناس اتعرف عليها بسهوله من النت لانه بيعتقد انها زى ما عرفته بسهوله هاتعرف غيره بطريقه اسهل بمعنى ان الثقه هاتفضل بينكم معدومه للابد حتى بعد الارتباط والجواز لو انتى شوفتيه قاعد على الكمبيوتر هاتعتقدى انه بيشات مع واحدة والعكس صحيح معاكى مع احترامى ليكى لا يوجد حب عبر النت او معرفه النت وانصحك يا اختى تتقربى من الله وتحاولى تشغلى نفسك بشئ مفيد احسن من تضييع الوقت على الشات وغيرهوربنا يوفقك ويهديكى للخير يارب
بسم الله الرحمن الرحيم
وبه نستعين
هذا الموضوع مهم جدا ويجب ان تنتبه اليه كل فتاه
ما هو الحب
هل يوجد حقا شىء اسمه الحب ولو يوجد فهل ممكن ان يكون الحب خلف جهاز الكمبيوتر دون ان يرى الشاب الفتاه
فنحن الان نعيش فى عصر التكنولوجيا وكل شىء تطور حتى الحب بقى بأسلوب جديد حب على النت
شىء جميل اوى قبل هذا التطور كان الشاب يمشى مع واحده واتنين وتلاتة ولكن الان فأنه يمشى مع الاف البنات
وللاسف ان البنات تصدق حكايات الحب الذى يقولونها ولا يتعلمون من غير هم ويتزايد الشاب فى اكاذيبه
ومن هذه الاكاذيب الذى تصدقها البنات
– حبيبتي تدرين والله انا ماعندي حركات الشبااب .. ماكلم بنات.. اصلا ماحب هالحركات
– مادري حبيبتي احس اني اعرفك من زمااان
– حبيبتي احس انك غير عن كل البنات احس انك مختلفه وغير عنهم
-حبيبتي والله احس في اشياء كثيرة انا وانتي نتشابه فيهااا .. كأننا شخص واحد
– حبيبتي حطي في بالك ترى انا اذا حبيت حبيت من كل قلبي
– لما اشوف رقمك في جوالي قلبي يفز من مكانه
– حبيبتي ابغا صورتك اخليها عندي عشان قبل ما انام اشوفها واحطها تحت راسي وانام
– امس مانمت… طول الوقت افكر فيك… اخذتي عقلي حبيبتي
وللاسف انكم تصدقون هذه الاقاويل السخيفة التى يحفظونها ويقولنها لكل بنت يتعرفون عليها
هذا تحزير مش كل ما واحد يقول لكى انه يحبك يبقى صادق وتقعى فريسة له
وهو لن يخسر شىء بل انت الذى ستخسرين كل شىء
انتبهى فتاتى العزيزة حتى لا يغرك هذا الكلام
وفى نهاية كلامى اريد ان اقول لكل شاب ” عامل تعامل ” فأن الله لا يغفل ولا ينام
وسوف يأتى اليوم الذى تندم فيه على كل ما فعلته بكل بنت
انا مابعرف كيف انتوا بتقولو مافي حب عالنت وهي بتقول بتحبو ومتعلقة فيه حبيبتي الحب موجود بكل مكان ولا تسمعي لحدا اسمعي لقلبك وارجعي لربك وادعي انو يهديكي للصواب واكيد رح تنفرج معك وانا متلك بحب عالنت
يا بنت الكرام ربما لا يسأل عليكي لانه فعلا لا يحبك وربما لا يسأل عليكي لانه لا يريد ان تشعري بأهميتك عنده فأحيانا نحن الشباب نرى انه من الضعف ان نتابع البنت ونسال عنها يا بنت الكرام الحب احساس وتعامل انتي تستطيعي تقييم حبه لك بأبسط الاشياء فكري وستجدي الاجابه عندك
من وجهه نظرى ان هو مش بيحبك حولى تبعدى عنه لان ده افضل ليكى سورى انا عرفه ان كلامى قاسى شويه وصعب تنفيزه بس حولى
اقولك بصراحة مفيش حب اصلا من على النت…ازى انتى ترضى تجبى حد بمجرد انك بتكلمية عاى النت..ولو افترضنا انة بيحبك طب مايجى يخطبك ..بلاش ديا طب ما يسال عليكى ولا هو مستنى انتى الية ترجعيلة فى الوقت الية هو عايزة؟؟لو كان بيحبك مش كان هيقدر يستحمل يوم من غير ما يسال عليكى والله…زاصلا هو قالك انة هو بيحبك ولا انتى الية فرضتى حبة علية؟؟
بصى واله انا مريت باللى انتى بتقوليه وكان فى بنات اعرفها وعجبانى وهى متقبلة ذلك بس والله لما فكرت فيها لقيت انه مش حينفع ولابسط الاسباب اذا كان مش بيحبك مش حيسال تانى عليكى وحيسيبك محتاره .!طيب تعرفى لما رفضت انى امشى فى الموضوع ده والله والله اللى ليا فيها النصيب جات لغاية عندى وقلتلى بحبك انت موافق قلتلها سيبينى افكر راحت قلتلى ياريت توافق لما فكرت لقيتها بتحبنى بجد واستمريت معاها حتى الانزانا بحكيلك ده كله علشان تعرفى انه فى ناس بتحبك بس مستنيا الوقت المناسب علشان تقولك .وللعلم ان حبيبتى كانت بتحبنى من قبل ما تقولى باربع سنين لما سالتها عن ده قالتلى كنت مستنيا الوقت المناسب اقولك.
واخيرا ادعو من الله التوفيق لك وحل مشاكلك ان شاء الله وخدى عبرة منى.
انا وجهة نظري الشخصية
التعود علي شاب مش ممكن نسميه حبا
ومادام انه مش بيسال عليكي ديما يبقي دا دليل انه مش مهتم حتي
ونصيحه مني الشات مع ولاد حاجه خطا
دا حتي لو بيحبك بلاش تكوني علي اتصال معاه لان دا مش مستحب
سوري للاطاله
اولا السلام عليكم ورحمة الله .. انا ملاحظ ان موضوع حب النت لو جاز لى التعبير ان اسميه حب ولكنه لا يندرج تحت الحب اطلاقا انه انتشر جدا فى هذه الايام .. من وجهة نظرى وانا مررت بتجربة تعارف من خلال النت ان الموضوع لا يزيد عن كونه عملية تعود للحديث مع شخص معين ليس الا ولا يصل الى مرحلة الحب نهائيا .. الحب شعور واحساس ومعنى فكيف لنا ان نشعر بذلك من خلال شاشة كمبيوتر وسلك نت وماذا لو انقطعت الكهرباء او فصل النت اليس من الممكن ان حدة الحب تخف الى ان تعاودوا حديثكم ثانية .. من وجهة نظرى ان موضوع التعارف من النت وليس الحب موضوع فاشل بكل المقاييس ويسبب مشاكل كثيرة لا يتسع المجال لذكرها وشكرا لكم .. اسف على الاطالة
مظنش ان ده حب لانه الي بيحب مش معقول يفضل كتير ميسالش علي الي بيحبه ويطمن عليه علي الاقل يوميا مثلا وبعدين هو اكيد عنده وقت يطلبك لانك بتقولي انه بيكلمك علي النت مظنش ان ده حب او ممكن نسميه برود عاطفي وده برده انا عن نفسي ان الحب هو تعبير عن كل مابداخل الحبيب لحبيبته عن كل المشاعر التي بداخله
اختى العزيزة فى البداية احب اوضح معلومة يمكن تكون كانت تايهه عنك ….
انا امكانية تحقيق موضوع الحب من خلال النت لا تتعدى ال3% وذلك لاسباب اكيد انتى عارفاها
ثانيا :انا معرفش ان كنتى شفتى الشخص ولا لا بس على العموم فى كلا الحالات لا تحكمى على تعلقك بهذا الشاب بانه حب وتتاكدى من ذلك لان الكثير منا يتعلق باشخاص عن طريق النت ولكن تعلق يسمى اعجاب اى اعجاب بالشخصية نفسها او اعجاب بطريقة التفكير
ولكن سؤالى لكى كيف حكمتى على هذا التعلق بانه حب هل عن طريق كلمة قالها هذا الشاب لكى وهى انه يحبك ام كيف فسرتيه بالحب ؟
سيدتى لا تحكمى على الامور بظاهرها وتاكدى ان الحب الحقيقى لا ياتى من خلال النت وان اتى لن ياتى بمثل هذه الطريقه …
اما وجهة نظرى التى لا يستطيع احد يجبرك ان تاخذى بها ولكنها فى النهاية وجهة نظر
ان هذا الشاب لا يحبك اعذرينى على صراحتى ولكن مما اوضحتيه فهو ما سميته لكى بموضوع التعلق وليس اكتر … وهذا الشاب لا يعير الموضوع اى اهتمام سوى انه تعارف على النت سياخد فترته ويزول لاى سبب
اعذرينى مرة اخرى على تدخلى وصراحتى ولكن مثل هذه الامور التى تجرى على صفحات الانترنت يجب عليكى اختى العزيزة ان تحكمى عقلك ودينك قبل ان ينطق قلبك …
تحياتى لكى
دمتى بود
يا حبيبتى ازاى تحبى واحد أقصى حاجه بينكوا هى شاشه الكمبيوتر
انتى متعرفهوش حتى لو كنتى بتتكلمى معاه 24 ساعه ع النت ف اليوم
انتى بس متعلقه بيه أو نفسك تحسى الاحساس بتاع الحب والغيره
متستعجليش الحب هيجيلك لغايه عندك بس بالطريقه الصح
واللى أهلك والمجتمع اللى حواليكى يتقبلها
وربنا يارب يوفقك
طبعا بيشتغلك لان مش مهتم بيكى
والله انا تعبت من جنبي من حب الشباب عل النت مااعرف كيف اتصدقون بهذا الحب الغريب والي يحب كما اقولها مئات المرات يجي يخطب حتى تتاكدي من حبوليكي مو تبقين سنين معاه وبالاخر يطلع بيلعب عليكي وحافظي عللى نفسك وسمعتك الي هي اغلى شي عندك واتقي الله الحب مو كلشي في هذي الحياه
وعليكم السلام ورحمة الله وبركاته
بصي هو للاسف كده مش بيحبك
هو ممكن يكون معجب بشخصيتك مش اكتر
وبيكون اعجاب مؤقت
يعني ع النت بس
بيفتكرك لما يشوفك مش اكتر
فياريت تبعدي قبل ماتتعلقي بيه اكتر
او ابعدي عنه فتره كبيره لحد مايتصل
مش تكلميه نت ولا فون
مش تخليه يشوفك ع الميل خالص
ولا يشوف رقمك عنده
لو اتصل هو بيكي
قولي مكنتش عاوزه اعطلك وقولت رقمي عندك لو افتكرتني اكيد هتتصل
وطبعا على كلامك مش هيتصل الا بعد فتره طويله
وبما انك متعلقه بيه اوي كده هيبقا صعب عليكي تصبري
وهتتضعفي وتكلميه
بس معلش استحملي وحاولي تشغلي نفسك بأي حاجه لحد مايكلمك
وحتى لما يكلمك مش ترجعي تكلميه زي الاول كلميه يعني كل فتره كده
لو بدأ يقرب منك يبقا فعلا بيحبك وعاوزك
غير كده يبقا معلش هو مش بيحب
فيبقا تنسيه افضل
ان شاء الله ربنا يوفقك ويكتبلك اللي فيه الخير