انا بنت عندى 19 سنه وطالبة جامعية بشتغل ف عيادة بالليل اتعرفت على واحد عنده 29 سنه صارحنى من اول يوم انه مطلق من 7 اشهر وعنده ولد وبنت بقالى معاه شهرين وحبيته هو كمان حبنى وتصرفاته كلها بتدل على كده هو نقيب جيش فى حراسات كبار رجال الدولة بجد مش عارفه اكمل معاه ولا لآ هو مفهوش ولا عيب غير انه مطلق واكبر منى بس بجد احنا الاتنين نفسنا نتجوز بسرعه ارجوكوا قولولى رايكم فى الجوازه دى
بصي موضوع الانفصال ده نصيب ووارد حدوثه لاي أحد ومش عيب في حد ذاته بس المهم تحاولي الوصول للاسباب الحقيقية للانفصال لان ده ممكن يقودك لانهاء الموضوع فورا لانه غير مناسب أو لعيب قاتل في شخصيته.حاولي الوصول للاسباب بكافة السبل .وبعدين أولاده هل هم مع الام أم معه واذا كانوا معه فهل تتقبلين تماما وجودهم معك بعد الزواج أم لا؟ وطبعا استشيري أصحاب الحكمة والمعارف المخلصين واستخيري رب العالمين وتوكلي علي الله سواء بالرفض أو القبول.
اختي الكريمة
أرجوا منك ان تقرأي ما تفضل به الأخ النبيل شارل
إضافة الى ما تفضل به الأخ نبيل شارل
يجب عليك أيضا ان تدعي العواطف بعيدا للحظة وتفكري بما يلي :-
كيف لرجل ان يطلق إمرأة وقد أنجب منها ولد ؟!
وفي المستقبل هل سيكون مصيرك كما هو مصير زوجته الأولى ؟ التي هي حبه الأول ؟
يا اختي الكريمة
انت حاليا في سن أشبة بمنعطف خطر عليك الإنتباه جيدا لما هو امامك
لا يغرك من هان عليه حبه الاول فأنت مهما تكوني بالنسبة له لم ولن تكوني مثل حبه الاول .
بنت في سنك ( زهور الشباب ) حتما حتما حتما ستجدين من تكونين حبه الاول .
فلا تتسرعي بقرارك بأمور مثل هذه . فقد تدفعين شبابك ثمن هذا القرار .
نقل فؤادك حيث شئت من الهـــوى ما الحب إلا للحبيــــــــب الأول
كم منزل في الأرض يألفه الفتــــى و حنــــينه أبـداً لأول منــــزل
انا مشى شايف اى غرابه فى الموضوع ازا كان هوه بيحبيك وانتى بتحبيه اتوكلى على الله
طيب اساليه ليه طلق مهو اللى يهون عليه يطلق كده ويبيع بسهوله وفى البيعه دى كمان ولاد لحمه يعنى ممكن يعمل كده مع مع واحده لوحدها انتى بس هتموتى عليه ممكن تكون رغبه عبيطه وبتروح بعد متتجوزو ولكن تروح السكره وتيجى الفكره زى مابيقولو مع العشره ايه اللى خلى مراتو متكملش والست معروف بتيجى على نفسها كتيرررر علشان ولادها اللى خلى اللى قبلك ترحل بولادها وتطلب الطلاق لو كان ده شخص كويس ايه اللى يخليه عايزك انتى بالذات ومن الواضح من كلامك انك حالاتك الماديه بسيطه مش يمكن علشان هو انسان متكبر وعايز حد اضعف علشان يحس بقوته اعرفى ايه اللى خلى اللى قبلك يرمى كل شىء وراه هتلاقى اجابه لسؤالك وكمان ممكن تفضلى عايشه بعد الجواز فى صراع لانك مش الوحيده فى حياته يعنى مش هتكون الحياة انتى وهو وبس ده فيه نص تانى من حياته انا عارفه ان الكلام ملوش لزمه لانك تقريبا شايفاه طوق النجاه بالنسبالك او شايفه انو فرصه ومركز مش هيتكررو خصوصا فى وجود ازمة الزواج بس بردو شوفى اسباب طلاقه وياريت لو تقعدى مع ولاده فى حضوره وتشوفى بيعملهم ازاى يمكن يكون انسان مش حنين او فيه قسوه خصوصا ان رمه كل شىء ورا ضهرو وهدم بيته
انا رأيي من رأي النبيل شارل علي ما اظن انك غير مؤهله لهذه المسئوليه الكبيرة فعلا هي مسئوليه كبيرة جدا عليكي ممكن انتي في الاول عايشه في دور الحب لان لسه سنك صغير وعايزة تحبي وتتحبي وخلاص لكن الجواز غير الحب الجواز مسئوليه كبيرة وكمان المفروض ان الجواز مرحلة استقرار لكن انتي كده ياحبيبتي هتدخلي في مشاكلة مع الاولاد والزوجه الاولي وكمان هتتحرمي من شبابك ومش هتفرحي بجواز علشان طبعا تربية الاولاد فانصحك ياريت تبعد وتفكري بعقلك كويس اوي لان الجواز مش لعبه ولا مجرد فستان وهيصه بس الجواز مسئوليه شوفي انت اد المسئوليه ديه ولا لأ ………..
أختى العزيزة اذا تاكدتى من حبه ليكى تزوجيه .. هو يعنى المطلق و عنده عيال خلاص كفر يا ناس .. طالما عارفة ظروفه و راضيه بيها أتوكلى على الله و تزوجيه بسرعة و يا رب نسمع منك أخبار حلوة قريبا
حبيبتي انك تتزوجي راجل متزوج مش عيب اهم شي يكون بيراعي ربنا فيكي وبعدين اهم شي راي اهلك وانك تكوني مفتنعه واهم شي تتعاملي مع اولاده بما يرضي الله وخدي راي اهلك وقبل اي شي استخيري ربك لو هو خير ربك يقربه ولو شر ربك يبعده ربي يسعدك ويكرمك
اختى عليكى بصلاه الاستخارة كما علمنا الرسول (ص) ومن يتوكل على الله فهو حسبه وان استطعتى ان تعرفى تفاصيل عن حياته السابقه وان تتاكدى من حبه وسلوكه فعلى بركه الله
لا يوجد شرعا ما يبطل هذا الزواج , تزوجي يا اختي طالما ان وقر في شعورك واستقر في عقلك ان هذا الرجل سوف يحقق لكي السعادة .
يا بنت الكرام الا ترين انكي بعمرك هاذا تستحقين شخص افضل من رجل مطلق ولدية ولد وبنت الا ترين انكي تحتاجي شخص من نفس عمرك او اقرب وان تكوني انتي كل حياته وان تكوني انتي زوجته وامه واخته وبنته اما ان تتزوجي رجل ولديه ولدين فهل ستحسنين لعب دور الام ولعب دور الزوجه في نفس الوقت يا بنت الكرام لربما ما كان بك مجرد اعجاب انتي صغيرة و آلاف الشباب يتمنوا مكالمتك فلا تشدك نظرة اعجاب او لحظه فراغ عاطفي