محتاره ما بين حبى لحبيبى وحبى لابى بابيا ميعرفشى انى بحب واحد وخايفه لما اقوله انى بحب يتعامل معايا بقسوه وميفهمنيش بس بجد الانسان اللى بحبه اجمل شخص عرفته ع مستوى حياتى كلها انسان بمعنى الكلمه بحبه اكتر من نفسى وخايفه اكمل مع حبيبى علشان مخصرشى بابيا وخايفه اسيبه اخسر قلبى وحبى له محتاره مابين حبيبى وبابيا لان حبيبى مش من مستوانا المدى خايفه يكون ده كمان عائق بالنسبه ليا ولبابيا وكمان حبيبى شغلته مش من مستوانا بردو هو (حلاق)بس والله انسان محترم وعارف ربنا واهله طيبين
الحب قبل الزواج
محتاره ما بين حبيبي وابي
اضيف بتاريخ: Saturday, October 23rd, 2010 في 18:55
كلمات مشاكل وحلول: الحب قبل الزواج, الحب قبل الزواج, بابا, حب, مشاكل الحب
مش المهم انه حلاق المهم هو معاه ايه دراسته مش ينفع يكون اقل منك في التعليم مهما كان الحب اللي بنكم اي حاجة ممكن تكون سهله حلها بس عدم التوازن التعليمي مش هينفع وتعودي فكر في حياتك بعقلك وليس بقلبك لان العقل هو الذي بعث الي القلب التفاهم وتقبل الشئ ………..
وربنا معاكي ويوفقك
الاانا معاكي في انة انسان كويس لكن التقارب في المستوي الفكري والاجتماعي عامل اساسي في نجاح اي اسرة بمعني انك لوفكريا واجتماعيا اعلي منة يبقي لازم تنسيه حتي لو مفيش مشاكل دلوقتي وحصل ارتباط صدقيني عن تجربة هتقابلي مشاكل كتير في حياتك بعد كدة
اتمنالك التوفيق لكن فكري بعقلك مش بقلبك (قلب عاقل وعقل محب )
المهم انتي مستوي تعليمك ايه لو كنتي اعلي منه يبقي ده مش حب
اكيد دي اول تجربه وطبعا الحب الاول يظل فان كنتي اعلي واكيد انتي اعلي منه فالاولي الان انك تبعدي عنه
واخسريه الان هو بس قبل ما تخسري احترام اهلك ونفسك وبرده هتخسريه
جرح قريب ولا بتر بعيد
ربنا يساعدك علي نسيانه
سلام أنا في راي العمل ولا الفلوس مش عائق عشان نحب و الحب هوا كل الحياة و مبدأ كل حياة سعدة….عليك بحبك علي كل شيء
لاول انت من بحرى والا صعيدية لو كنت من بحرى فدة مش مشكلة ياما شفت دكتورة اتجوزت واحد حلاق بالضبط فى مدينة رشيد مبتفرقش مابين المتعلم والجاهل اما لو انت صعيدية فدة اكبر مشكلة حسب العادات والتقاليد ولو اتممت الجواز فانك هتوقفى حال بنات عيلتكم كلها لانة عار فى الصعيد
واية يعنى حلاق على الاقل عيلتكم كلها هتحلق ببلاش على قفاك
يعنى مصلحة والله اعلم