ياريت تعرضوا مشكلتى بجد انا تعبانه ومخنوقه اوى
انا بحب واحد من سنتين وكنا فى الاول قصة حب تحفه يتمنى اى حد انه يعيشها. ضحيت كتير اوى عشانه ووقفت فى وش اهلى عشانه ورفضت عرسان كتير اوى عشانه مع انه كان ابتدى بيعاملنى وحش اوى بس فى كل مره كنت بضحى فيها كان بيبقى كويس معايا بعديها بس باسبوع وبعد كده يرجع تانى زى الاول هوه قاسى اوى معايا وساعات كتير بحس انه مش بيحبنى لما كان بيقسى عليا كنت بستحمل عشان كنت ببقى واثقه انى لما بشوفه بنسى كل حاجه .المشكله دلوقتى انه سافر عشان يكون مستقبله وبصراحه لما سافر اهلى بداوا يهدوا شويه معايا عشان حسوا ان فى امل وكمان كلم ماما بس هوه بقى شخصيه تانيه خالص بقى اسوا من الاول بقى بيعاملنى كانى جاريه وبيشتمنى شتايم صعبه اوى وبقى مش مهتم بيه وبقيت مش فارقه معاه وحاسه انى بقيت حمل تقيل عليه وبقى قليل اوى لما بيكلمنى كلام حب يمكن مش بيقول اصلا وكمان افكاره اتغيرت اوى وبقى شايف كل الستات زباله .انا بجد عملتله حاجات كتير مش ممكن تتوصف مش متخيله ان ده يبقى المقابل هوه بيعزبنى انا كل يوم بنام وانا بعيط انا حاسه ان انا بعطى ومش باخد بقالى سنتين بدى ومش باخد حاجه وكمان حاسه انه بيتهرب من انه يخطبنى انا عمرى ما حتحايل عليه انى يخطبنى بس نفسى يبقى صريح معايا ويقولى لو عايزنى ولا. انا فعلا بعشقه ولو فى حاجه اكتر من العشق يبقى هوه ده مقدار حبى ليه .هوه بالنسبالى كل حاجه خايفه اسيبه واعانى بعد الفراق وكمان انا استحاله فى عمرى اخد قرار زى ده لة اهلى عرفوا انى سيبته حتبقى مشكله جامده عشان انا اتحديت العالم كله عشانه حتى صحابى وكمان كل يوم بيعدى بحس انى بفقد كرامتى اكتر حد يقولى اعمل ايه انا بجد تعبت اوى وحاسه انى كبرت مليون سنه لو هوه ده الحب يبقى لو ياريتى ما احب
بليز اعرضه المشكله انا بجد منهاره وعايزه حد يساعدنى
من حبنا حبناه وصار متاعنا متاعه ومن كرهنا كرهناه ويحرم علينا اجتماعه .
بجد انتى اكيد احسن منه اوعى تدورى دايما على كلام حب كلام الحب مفيش اكتر منه ؛
خديها منى نصيحة اوعى تسلمى قلبك لحد كدا وخلاص تأكدى من اللحظة الاولى اذا كان يريد أن يتحمل مسئولية كاملة ام لا .
زى ما الولد بيسأل على البنت قبل مايتقدم ليها البنت كمان لازم تسأل عن الولد اللى هترتبط بيه حتى وان كان ارتباط عاطفى . الارتباط العاطفى كثير منه يتحول الى عشق ثم زواج فأحذرى ان تتكرر هذه الغلطة . احرصى دائما على ان تكون هناك ثقة انك فى قلب من تحبى
الواضح من كلامك إنه مش بيحبك بجد حتى لو كان في الأول كان بيحبك ف هو دلوقتي إتغير وحس انك حاجه عاديه جدا معاه وجيتي على نفسك كتير ونزلتي من كرامتك .. هو مش يستاهل منك تضحيه .. مش ترخصي نفسك بإهانته ليكي وإنه يشتمك دي مرحله صعبه جدا .. هنقول حتى لو اتخطبتوا واتجوزتوا كمان هو دلوقتي بيشتمك بعد الجواز هيعمل إيه .. معلش تعالى على نفسك واختاري نفسك واحترامك لنفسك وكرامتك وابعدي عنه ولما تبعدي لو بيحبك هيجيلك ويعرف قيمتك ولو مش رجعلك يبقى مش بيحبك ومتزعليش على إللي يبيعك علشان يبقى مش يستاهل حتى الندم …. إختاري كرامتك ومصلحتك وابعدي عنه .. ومع الوقت هتنسيه والله الوقت بينسي ….. أنا كنت بحب واحد أوي كان أول حد آمنت على نفسي معاه وكلمته وكنت ليه كل حاجه وهو كمان كان بالنسبالي حياتي كلها بس كانت علاقتنا الحمد لله في حدود وعرفتهم عليه في البيت عندي وماما كانت بتحبه جدا بس صراحه كانت عارفه انه زميلي مش كانت تعرف ان بينا اكتر من كدا .. وعمره ماغلط فيا كان بينا كل حاجه حلوه ولما فاتح باباه في موضوع الإرتباط باباه قاله مش ينفع خالص علشان كان لسه مش عنده شقه ولا مستقر ف الشغل المهم باباه قفلهاله .. فطبعا قالي الكلام دا وبعدنا واحنا متفقين .. بس هو كمان كان ممكن يكمل معايا لحد مايقدر يتقدم رسمي بس للأسف انا حسيت انه استسلم بسهوله وتقريبا اقتنع بكلام باباه إللي هو الحب الحقيقي بييجي بعد الجواز ومع الوقت هتنسى وكل دا .. طبعاانا كنت بموت وقتها وكنت حاسه ان عمري ماهنسى بس كنت بنسي نفسي قربت اوي من صحباتي وشغلت نفسي بشغلي والوقت والله نساني احساس الزعل الكبييييييير إللي كان جوايا .. انا دلوقتي مش بكرهه وعمري ماهكرهه بس هو مش نصيبي .. انا دلوقتي مخطوبه لواحد بيحبني اوي وبينا كل احترام الصراحه مش عارفه احبه زي أول مره حبيت فيها طبعا بس كفايه انه بيحترمني وشاريني وان شاء الله مع العشره ربنا يرضيني بيه ……………… إنتي احفظي كرامتك وابعدي عنه ولو خايفه ان اهله يلوموكي مش مهم دا مستقبلك كله يابنتي .. دا جواز لازم تاخدي إللي يقدرك ويعرف قيمتك
كفايه الاهانه وعمر الحب ما كان بأهانه انتى بتفكرى فيه بعد ما اهانك تذكرى اهانته وعدم اهتمامه وكفايه انو خدعك وقفتى جنبه ولما سافر عايز يسيبك انصحك بتذكر كل اللى بيعمله فيكى وهتلاقى نفسك بعتى عنه وممكن كمان تكرهيه واتمنالك كده لانه مش يستهالك ابدا
والله يا بنتى انا شايفه انك محتاجه دكتور نفسى يعالجك لأنك ماسوشيه بتستمتعى بتعذيبه لك ورثائك لنفسك من امتى الحب يستمر فى مناخ الإهانة ده مش حب لا من طرفك ولا من طرفه هو سادى وانتى ماسوشيه فجمعكم المرض النفسى مش حاقولك احترمى نفسك لأنك فقدتيها من زمان لكن حاقولك فين ضميرك وانتى بتهينى والدك اللى إنتى شايله اسمه أمانه فى رقبتك اللى كل امله اسعادك مقابل رجل غريب كل متعته فى إهانتك إنتى بتبيعى الغالى قوى بالرخيص قوى قوى …وعلى فكره انا اقصد والدك تحديدا حيا او ميتا لايستحق منك هذه الخيانة لأمانته التى تحمليها للأبد وهى إسمه
انتى خداعتى اهلك كلها ووهمتيهم ان هو كويس طب ياترى هتفضلى تخدعى اهلك ونفسك كتير كده لغايه امته فوقى لنفسك للاسف انتى كدبتى كدبه وصدقتبها صدقينى ابعدى واشترى الشويه اللى فضلين من نفسك وكرامتك وهتقدرى تنسى بس لزم تكونى قويه ومفيش جرح بيتلم بسرعه لزم نخد علاج وعلاجك انك تبعدى عن الشخص دا (نهله طلعت)
حافظى على اللى باقى من كرامتك وابعدى عنه -والشخص دة لو بيحبك مكنش جرحك -وطالما شايف ان كل الستات زبالة يبقى هو مش ماشى مظبوط
انا رأيى انك تنهى العلاقة فورا
لاختى الغاليه قدرى انو بالغربه وبعيد عنك اكيد هو يحبك اكثر لاكن اعباء الحياه بتجعل الانسان يفقد صوابو وبالذات الشي الى بيتمناه مبيتحققش بسهوله وتكوين المستقبل مش بالامر السهل يعنى لازم تقفى جنبو لاكن بحدود كرامتك الشخصيه الى هتبتدى تغيريها تماما وهيه انو لو اتصل مترديش وتصرى على عدم الرد هنا هيظهر مدى حبو لو يحبك بجد هيتصل مره واتنين والف بس متخليهاش تصل للالف همت اربع مرات يرن ومترديش بعدا ردى اكيد هيستعمل نفس اسلوبو بالاهانه اقفلى الخط مباشره بوجهه مش هيسمكت هيتصل تانى قليلو انا خلاص تعبت من اهانتك انا انسانه مش حيوانه وليه مشاعر وانت تعدجيت كل المشاعر اكيد و الى هيقفل الخط وهيبتدى يراجع نفسو تانى وتالت وعاشر بعدها لو ابتعد عنك يبقى فعلا محبكيش ولا هيحبك لو رجعلك اعرفى انك بعدها هتثبتلى لنفسك كرامه لاكن متتخليش بسهوله واحرصى على الحب القديم بيكون جميل اوى وشكرا
انا مجربه الحكايه دى زيك بالظب بس بعد حب خمس سنين وفى الاخر سابنى وخطب يعنى متزعليش على حد ربنا هيرزقك بالاحسن وبدل هو مش بيحترمك قبل الجواز عمره ما هيحترمك بعد الجواز انا بقوللك سيبيه والقرار فى الاخر ليكى
من خلال كلامك انتى مش بتحبيه انتى خايفة تسبيه عشان لوم اهلك واصحابك بس انت انسانة كويسة وانا عرفت من كلامك انك خدتى فعلا قرار بس انتى جايز مش عاوزة تواجهى نفسك بالقرار دة علشان خوفك من اللوم . لاء صدقينى .. انتى كدا بتظلمى نفسك … واوعى تقولى انك لو سبتيه هاتموتى !!! على ايه انتى شايفة منه ايه …. وعلى فكرة الراجل فينا حبه بيقل لما يخطب وبيقل اكتر لما يتجوز وبيقل اكتر لما يخلف وبقل اكتر لما يكبر فى السن … اختارى وانا شايف ان انتى اختارتى ( الفرااااااااااق ) افضل حل
سيبك منه دا مش بيحبك اسلبينى انا اناضحيت زيك وفى الاخرجه قالى انا خطوبتى بعديومين بعدماوقفت جنبه وسافرواستنيته محدش يستاهل صدقينى
الحب شى متبادل بين الطرفين واحسن حب بيكون فى فتره الخطوبه ولكن مادام هو بيحسسك كل النسوان زباله ثقى انه هو بتاع نسوان ومن الى بيشوفه مع النسوان كدا تفكيره فى كل الحريم ولو تزوجتيه هيهينك اكتر بعد الزواج وهيحسسك انه كل الحريم زباله وعاهرات احسن لكى لاتتورطى معاه وههتلاقى الى يحبك وتحبيه وانسى الى بيتعمد اهانتك
الحب شى متبدل بين الطرفين وهذا الشخص مادام بيتعمد اهانتك وبيحسسك كل النسوان زباله هو لايوجد عنده قيم ولا اخلاق انصحك بالبعد عنه لو تزوجتيه هيهينك اكتر وهيشك فيكى لانه مادام بيعتبر الستات زباله فهو غير معتدل وماشى مع نسوان كتير لذلك هذا الشخص لايثق فى امراه احسن لكى ابعدى وستجد الى يحبك وتحبيه الشخص الذى يهين خطيبته هيهينها اكتر لما يتزوجها والله يوفقك
hاالحب شعور متبادل وهذا الشخص لو كان بيححسسك كل الستتات زباله يبقى هو ماشى مشيه بطاله ومن هذا المنطلق بيحس انو كل الستتات منحرفين فالافضل لكى تبعدى عنه لانه لو تزوجك هيخونك وهيفكر فيكى انك انتى بتخونيه احسن لكى ابعدى عن هذا الشخص وانسى حبه وهتلاقى الى يحبك وتحبيه ويحترمك ويحافظ عليكى
انا مش عرفه انصحك بايه بجد لانى فى نفس مشكلتك عشان كده لو عندى نصيحه كنت انصح بيها نفسى ربنا يكون فى عونك ويصبرك بجد ويرسيكى على بر يا تكملو فى حب يا تبعدو وتحاولى تتداوى جرحك ربنا معاكى
انا تركيه واكسبي موقف قدام اهلك ونفسك مع الايام انو انتي اللي تركتيه ولا تنتظري ليرميكي
بالله عليكى متزعليش نفسك مفيش حاجة مستهلة بس هيا ديه اخرت الطيبة والحب هو لوبيحبك زى مانتى بتحبيه مش هيعمل كده حولى تبعدى متساليش عليه وشوفى هوهيعمل ايه لو قرب تانى يبقا بيحبك وعايزك لو بعد يبقا ميستهلش تفكرى فيه اصلا وهتنسى وهتعيشى حياتك عادى اه هتخدى وقت بس هترتاحى محدش بيتعلم بالساهل قربى من ربنا اوى هو احسن من اى حد ربنا معاكى
اكيد انتى بتحبيه اوى و عيشتى معاه احلى اوقات بس فكرى شويه بعقلك مش بقلبك انتى واثقه اكيد انك بتحبيه شوفتى انتى بتعملى ايه عشانو يعنى اللى بيحب بيضحى ولما بيشوف حبيبه بينسى كل المشاكل هوا فين من كل ده هوا لو بيحبك حتى نص مانتى بتحبيه مكنش بقى كده اللى بيحب بجد بيكون زيك انتى عشان بتحبيه اوى خايفه تواجهى الحقيقه انو بقى مش بيحبنى و ده غلط حكمى عقلك شويه و قربى من ربنا ده احسن حاجه دلوقتى بجد والحمد لله ان محصلش خطوبه ولسه على البر, حاجه تانيه بلاش تكونى ضعيفه و اقنعى نفسك انو خلاص هوا ميستهلنيش و انك اكييد هتلاقى احسن و اشغلى نفسك الفتره دى كتير عشان متفكريش و حتى لو فكرتى اشغلى نفسك باى حاجه هيكو صعب فى البدايه بس بعد كده هيكون اهون وهتلاقى اللى يقدرك اكيد انشالله
هقولك حاجة حولى تبعدى كام يوم شوفى اية الى هيحصل يسأل عنك هتوحشية يمكن يكون بيحبك بس انتى مش فاهماة و ممكن يكون عايز يبعد و مش عارف يقولك اية هو دة الحل انك تبعدى كام يوم والرقية هتبان
بص انصحك انك تتركيه لانه لا يحبك
ويخدعك
وبعد ذللك هيعرف غيرك
وانت للى خاسره نفسك وكرامتك انت هتعبى شويه وبعدين هترتاحى صدقنى انا مجربه قبل كده
نصيحه طالما هو عمل كده معاكي مدوريش عليه تاني وبصي لنفسك وشوفي مستقبلك ومش قصه حكايه انك اتحديتي كل الناس وخاصه اهلك صارحيهم من دلوقتي مفيهاش مشكله واحمدي ربنا انه انو انتوا مش مخطوبين او مجوزين كانت المشكله بقت اتنين وانتي لسي علي البر ولو هو بيحبك اصلا كان جه وخطبك من قبل ما يسافر قولي الحمد لله وعندنا مثل مصري ( اللي باعك بيعوا ) والقرار في الاول والاخر ليكي
الحب شعور متبادل بين الإثنين .. حاولى تهتمى بنفسك أكيد فى ناس بتحبك
إنتى اللى عايشة داخل دائرة حبك للشخص ده مش بتحاولى تخرجى منها
المهم قبل كل ده قربى من ربنا أكتر هتعرفى إن الشخص ده مش يستاهل حبك لأن اللى بيحب لا يمكن أبدا يهين حبيبه وتخيلى لو فى نصيب وحصل إرتباط رسمى على نفس الوضع ده تفتكرى وقتها ممكن تعيشى معاه وتستحملى تكونى مكسورة دائما
إيه فايدة يوم فرح وفستان أبيض وأعيش بقيت عمرى فى مرار
صدقينى حاولى تخرجى من اللى إنتى فيه ده وإعملى أى حاجة تانية إنتى بتحبيها هتحسى بالفرح وأكيد وقتها عينك هتشوف ناس كتير بيحبوكى وأكيد برده فيهم واحد إبن حلال يقدر إخلاصك فى الحب ووقتها هتعرفى معنى الحب