يا جماعه انا شاب عندى 23 سنه من كام سنه كنت معجب ببنت وكان نفسى اتجوزها وحاولت كتير اتقدملها لكن الظروف كلها كانت ضدى وبعدت عنها وده كان اعجاب من طرف واحد ومع مرور السنين هى تزوجت وبعد مرور حوالى سنتين من زواجها تم طلاقها من زوجها بسبب المعاملة اللى مش كويسه من زوجها واهله لها ومما ادى الى سوء المعامله لها ايضآ انها ما خلفتش لانها ما بتخلف فادى كل ذلك الى طلاقها مع انها هى بنت كويسه جدآ فى جمالها واخلاقها واهلها وكل شئ لكن حظها ونصيبها هو اللى وداها فى وداهيه
المهم انها بعد ما اتطلقت لقيت نفسى رجعت افكر فيها من تانى وعايز ارتبط بيها هى كويسه فى كل حاجه زى ما قلتلكم لكن انا متضايق من الموضوع ومتردد فيه لانها اصبحت بها عيبين العيب الاول انها مطلقه والثانى انها ما بتخلفش وكل عيب اصعب من التانى عندى خصوصآ ان انا نفسى زى اى راجل اتجوز وحده تكون بكر وتكون بتخلف وحتى الرسول وصانا بالبكر وبالتى تخلف وكمان انا عما اتجوزها هيكون سنها بقى24 سنه وانا هيكون سنى 26 سنه وبسنها ده بالاضافه الى انها مطلقة يبقى حاجه تضايق فعلا مع انى صليت استخاره كتير بس بردوا محتار وبفكر كتير وقلقان ومش قادر حتى اواجه اهلى بالموضوع
فانا مش عارف اعمل ايه محتار بجد وهى كويسه اوى بس حظها قليل فى الدنيا وانا خايف احسن اتضايق بعد كده واندم على اختيارى دا غير كلام الناس بعد كده على الاختيار ده
اتمنى من كل من يقرآ مشكلتى ان يرد عليا ويقولى اعمل ايه من واقع خبراتكم وارائكم
اخي الفاضل اتفق جدا مع كل ماقاله لك الاخ -حلال المشاكل- ده هوالراي الصحيح والصواب اعمل به ترى الخيروالسعادةوالتوفيق في حياتك
خلاصه الكلام انت مش بتحبها اللي بيحب حد مش بيشال اجوزه او لا دا زايئ واكيد انت اعلم بحالك مننا
الرسول الكريم قال لاحدالصحابة هل تزوجت قال نعم يارسول الله قال الرسول ابكرام ثيب قال الرجل ثيب قال الرسول هلا تزوجت بكر تلاعبهاوتلاعبك خلاصةالقول ان الزواج من البكر افضل من الزواج من الثيب وانقى للنسل واحب للقلب وده لايتقص من المراةالمطلقةاويقدح في شرفها وعفتهاوطهرها ابدا لكن البكر تكن افضل بعدةمراحل للشاب المقبل على الزواج وموضوع الخلفة بيدالله عزوجل يهب لمن يشاءذكور ويهب لمن يشاءالاناث ويجعل من يشاءعقيما ولااعتراض على قضاءالله وقدره لكن دي تاكدلك انها متخلف بدليل انها تطلقت من زوجها الاول لهذا السبب فلا تربط نفسك بوحدة عقيم ماتخلف الرسول الكريم قال- تزوجوا الولود الودود فاني مباهي بكم الامم يوم القيامة-فمن غير العدل والانصاف ان تحرم نفسك من الخلفة وتتربط بوحدة عاقر احسن الاختيار وعليك بالمراةالبكرالولود الودود تلاقي منها السعادةوالهناءوالاستقرار
شوف يابني مسالةانهامطلقة فهذامش ذنبهاكل شي قسمةونصيب ودا نصيبها تطلق اما مسالة الخلفة فهي بيد ربنا عزوجل متى ماراد لاشي يكن فيكون توكل على الله وتزوجهادام تحبوبعضكم وتاكد ان الله بيرزقك وبيخلف عليك الخير وبسعدكم في حياتكم
اياك تفوت الفرصه
مفيهاش عيب لكن المهم مش رأينا المهم أنت تكون مقتنع نهائيا لأنه دة الزواج التاني بالنسبة لها لو أنت متردد ممكن تضرها بجوازك بيها و طلاقك منها مرة تانية
أتقي الله فيها
السلام عليكم ورحمه الله وبركاته انا حستأزنك في كلمتين هو ان الطلاق امر وارد ومش عيب ولا حرام وده نصيب وربنا رايده اما عدم الانجاب فديه اراده ربنا والمرء لا يملك في نفسه شيء اما بالنسبه ليك ففكر بعقلك قبل قلبك الموضوع بالنسبه لك لا يكون مجرد زواج او واحده بتحبها الموضوع مصيري لو اقتربت هفوه منها لازم تبقي مقتنع انك مش حترجع فيها واترك موضوع الخلفه وتنظر لحب الامتلاك اللي في دماغك من الانسانه اللي انت بتحبها وربنا يوفقك
ببص انت لازم تكون واثق من نفسك لو بتحبها فعلا مش هتفكر انها مطلقه ومخلفتش هى معملتش جريمه ولا حاجه بس هو فى الاول والاخر نصيب ايه يعنى سنتين اتجوزت فيهم ومخلفتش ما في كتير بقعدوة بسنين ويمكن ربنا عمل كدة علشان تكون من نصيبك مين عارف اقف بجانبها واعترافلها بحبك والله وصدقني طالما انت اخذت بأيدها ربنا يقف جانبك وهتكون اسعد انسان بس بلاش الظلم بالله عليك
اختيارك يجب يكون مبنى على العقل
انت لو بتحبها فعلا تسيبها لانك لو اتجوزتها بعد ما تبرد نار الحب ستدخل الخلافات بسبب الانجاب وهتبقى قضيت عليها لان حياتك معاها ستنتهي بالطلاق هي الان مجروحة فلا تكن سببا لتعميق جراحها بالمستقبل واكيد ربنا هيكرمك بفتاه اخرى وهيكرمها بشخص اخر ظروفه ملائمه لديه اولاد ينسيها مرارة تجربتها ولا يضيف لجراحها جراح
يارتنى اقدر افيدك واقولك تعمل ايه لان انا غرقان فى نفس المشكله الله يعنينك
السلام عليكم ورحمة الله وبركاته
انا من وجهه نظرى انك تتزوجها بدل بتحبها
ومن ناحيه الطلاق ده مش ذمبها ومن ناحيه الخلفه طيب مانت ممكن تتجوز واحده بكر وتطلع مش بتخلف فى الاول والاخر دى حاة بتاعت ربنا
انا اعرف واحد قريبنا اتجوز واعد حوالى 15 سنه مش يخلف فطلق مراته واتجوز غيرها وخلف…وهى كمان اتجوزت وفجئنا انها حامل وخلفت
يعنى دى حاجه بتاعت ربنا
أما أمرك غريب …
بما ان الرسول عليه السلام امر بالبكر … ونفسك بالخلفة ودي ما بتخلفش .. ونفسك ونفسك ونفسك .. ودي مفيهاش مفيهاش مفيهااااش … يبقى خلاص .. اتجوز غيرها وسيبها لغيرك وخلاص!!
وانا لو كنت ولي أمرها واجاني واحد زيد بأفكاره المتحجرة ما بعطيه ولو تقلها بالذهب والجواهر .. ولا بد أن أعقب على هامش الرد:
هي ليست مجرمة لأنها مطلقة ، فهي لم تأتِ عيبا ولا حراماً ، فالطلاق حلال ، وفي سير الصحابة العطرة الكثير ممن تزوج بأرامل ومطلقات!!!
وفي مجتمع يحمل نظرتك ، أكاد أجزم أن هذه الإنسانة لا عيب فيها من حيث الإنجاب ، بل غالبا الجهل والتخلف اللذان يصران على أن المرأة هي سبب العقم ونوع الخلفة ، مع أن الطب والعلم تقدما !!!
ارحل لغيرها ، فلست حقيقة ذاك الكنز ولا المخلِّص إن لم ترتبط بها!!
السسلام عليكم اسمع يا اخي ان منردد من زواجك منها رغم كتر حبك الها بنصحك ابعد عنها والله بيبعتلك نصيب غيرا يمكن الله يبعتلك بنت كمان تكون احسن منها باخلائها وجمالها — لانك منردد وخايف من المستقبل وهيدا الشي رح يتعسك ويضرك — لو ما كنت متردد كنت بشجعك تتمسك فيها بما انك منردد جدا بنصحك تبعد لحتى ما تضر البنت وتضر نفسك والله بعوضك انشالله
بسم الله الرحمن الرحيم
(ياايها الذين امنو اتقو الله حق تقاته ولا تموتن الا وانتم مسلمون)
اولا السلام عليكم
اولا كل ماذكرته من انها مطلقه ولا تنجب فهذا ليس عيب ولكن اذا كنت ستتقى الله فيها وتحبها ومادامت هى تتقى الله وتخاف الله وليست متبرجه فتوكل على وصلى صلاة استخاره وما يقدره الله لك فسوف يكون فهو الذى يقول فى كتابه الكريم (انما امره اذا اراد شىء ان يقول له كن فيكون)
شوف ياحبيبى اولا من ناحية انها مطلقة فدا مش عيب انته بنفسك قلت حظها ونصيبها يعنى هى ملهاش زمب فى حاجه ولافى حد بيختار نصيبه ولاحظه تانيا دى فى النهاية انسانه ولها مشاعرواحاسيس تالتا حكاية انها ما بتخلفش سبحان الله مقدرلها ذلك طب يعنى هى المطلقه دى مش بشروفيها ايه لواجوزتها ياياخى وتسيبك من اى حد فى الدنيا طالما انته بتقول كنت بتحبها ده لو بتحبها صح موضوع الخلفه ده تسيبه على ربنا وهو اللى بيعمل كل حاجه انما مطلقه وغيرو برضو فكك واجوزها لو كنت بجد بتحبها وراعى ربنا فى بنات خلق الله دى اعراض لو مش عايزها ابعد عنها وحرام عليك ما تعلقهاش وتسيبها كدا كما تدين تدان