مشاكل الحب والزواج

محتار اتجوزها ولا لاء

السلام عليكم احبائى ارجومنكم حل للمشكلة دى

فى البداية انا كان ليه بنت خالى كنا بنحب بعض واتخطبنا لبعض لفترة قصيرة وافترقنا بسبب امها والبنت ليس لها حول ولا قوة لانو امها انسانه متسلطه وقوية وقت ما حبينا بعض كان عمرها 16سنه وانا كان عمرى23 وصل عمرها17وخطبتها بموافقه ابوها الله يرحموطبعا امها كانت موافقه غصب عنها وكنت اقلها امك مش موافقه تقلى اهم حاجه ابويه موافق وانا موافقه المهم امها ما سكتتش الا ما فرقتنا المهم عرفت انها هتجوزها لواحد غيرى كانت فاكرة انو حالته المادية حلو طبعا ضحك عليهم وكزب وقلهم انا عندى وعندى الخ ضغطو عليها يا عينى وضربوها واجبروها انها توافق على الجواز منه طبعا انا عملت المستحيل وكلمت خالى اتضح انو خالى ضعيف قدامها انخطبت له وانا جانى عقدعمل فى احد دول الخليج بصراحة الفترة اللى كنت فيها فى مصر تعبت جدا لانى فعلا كنت بحبها بصدق المهم سافرت والتهيت فى العمل ونسيت حتى نفسى مش هكزب انا فعلا نسيت كل شىء الغربه برضو كان لها دور فى النسيان
كنت بتابع اخبارها من خلال بنت عمها لانو اخى متزوج منها عرفت انها فى مشاكل دائمه معه حتى الاموروصلت للطلاق لانو بخيل طبعا واتضح انو صفر مش معاه ولاحاجه بالعكس ده بقا يرميها فى بيت ابوها وياكل ويشرب هناك ومعاه منها بنتين حاليا
المهم تفاجئت فى يوم برساله على تلفونى تقولى اتصل عليه ضرورى الرقم انا معرفوش اتصلت وسمعت صوتها قلبى كان هيقف قالتى انا لسه بحبك يا؟؟؟ومن وقت جوازى وانته لسه بقلبى بس انته نسيتنى انا معرفتش ارد اقول ايه اخد قرارالطلاق منه بلارجعه انا مليش زمب فى كدا هى اللى قررت تطلق وقالت بيك بدونك هطلق
قلت لها استهدى بالله علشان بنتينك هتخربى على بيتك ونفسك قالت لا يهمنى اى شىء الا ان اعيش معاه تانى انا ممكن انتحرانالم افاتحها   ان اطلقت اجوزها بس فى قرارة نفسى لوحصل انا هجوزها بس المشكلة انو عندها بنتين لانى الى الان لم اخطب ولم اتزوج وعمرى وصل 29سنه
فما رئيكم بالله عليكم
لاحظوانى لم اتصل بيها خلال فترة جوازها ولا حتى حاولت امرمن قدام بيتها علشان مكنشى السبب فى مشاكل لها

مشاكل وحلول ذات صلة

اضيف بتاريخ: Sunday, October 17th, 2010 في 18:38

كلمات مشاكل وحلول: , , , , , , , ,

15 رد to “محتار اتجوزها ولا لاء”

  1. ابواميرة
    07/05/2020 at 22:21

    شوف ياحبيبي الزواج قسمة ونصيب وكلواحد يأخذ نصيبه اللي كتبه الله له في هذه الدنيا وبنت خالك خلاص صارت زوجة لراجل اخر وعندها بنات منه فلازم تبعد عنها وتنساها ولاتكون سبب في خراب بيتها وطلاقها من جوزها اياك ان تشجعها على طلب الطلاق من جوزها اعتبرها زي اختك وخاف عليها وعلى سمعتها وشرفها واتركها في حالها تحل مشاكلها مع جوزها وانت ربنا بيكرمك بابنة الحلال اللي تستاهلك وتقدرك وتسعدك طوال حياتك

  2. حلال المشاكل
    27/12/2014 at 15:31

    اذاكانت تطلقت من زوجها وانت شايف انها الزوجةالمناسبة لك وماتزال تحبهاوهي تحبك ومتاكد من مشاعرها تجاهك فعلى بركةالله تزوجها ومافيش مشكلة نشاءالله وان كنت غيرقادر على الزواج منها وتحمل المسولية فبلاش تعلقها بك صارحها وقل لها انك ماتفكرش في الزواج وكل شي قسمةونصيب

  3. ابواميرة
    02/02/2013 at 21:18

    دام انك تحبهابجد وهي تحبك يبقى ماتتخلاش عنهاتزوجهااذاطلقت من زوجها وربي بناتها تكسب الاجرمن الله وتعوضهاخير ربي يسعدك ويوفقك معها

  4. زملكاوية
    13/03/2012 at 04:43

    اتجوزها وبلاش كلام الناس وشف البنتين دول جزء من غرامك وحدة عين والتانية عين يعني انت بتحبها لازم تتحب كل حاجة متعلقة بيها ومتعولش هم اتجوزها ومتشيلش هم ربنا يسعدكم دام في حب

  5. ضي القمر
    31/10/2011 at 23:58

    السلام عليكم ورحمة الله وبركاته
    لو انت فعلا بتحبها حب حقيقى لاتتردد ابدا فى الزواج منها وخصوصا
    ان هى كمان بتحبك وعيزاك واذا كان على البنات ربيهم وادخل الجنه
    بيهم مدام فى مقدرتك انك تعيشهم وتصرف عليهم ومتنساش تستخير ربنا
    فى الخطوه المهمه دى وربنا يجعلك اللى فيه الخير ليك وليها يارب

  6. حياة
    20/10/2010 at 05:57

    استخير ربك وتوكل على الله وربنا يقدملك اللى فيه الخير واعمل اللى انت حاسه

  7. المرسى والبحار
    18/10/2010 at 21:20

    لا اؤيد زواجك منها بصراحة معلش مش هتبقى مبسوط وانت بتربى بنات غيرك خصوصا لما تخلف وتعامل ابنائك معاملة مختلفة لانهم عيالك صعبة يا عم هتنسى زى ما نسيتها قبل كدة الحياة هتنسيك وفكر فى حياتك وكمان شكلك هيبقى ايه قدام اهلك اللى اكيد مش هيوافقوا ما تدخلش نفسك فى دوامة من اولها الحياة طويلة ومش مستحملة مشاكل كفاية الغلاء

  8. شيرى
    18/10/2010 at 15:59

    انت لا تحبها بل تحب الفتاة الصغيرة ذات الستة عشر عاما وليست المرأة المجربة ذات الابناء …ابدأ حيلتك من جديد مع فتاة تنجب منها اولاد من صلبك ولا تربى اولاد الاخرين

  9. شيرى
    18/10/2010 at 15:56

    الاسرة التى تحركها امرأة لا تنتظر منها خيرا..اذا كان خالك ضعيف امام زوجته فتأكد ان الابنة لا تنتظر من زوجها الا السمع والطاعة..لا ترتبط بها بالطبع خاصة انها ستصبح مطلقة ومجربة الحياة الزوجية وفالة فى علاقة سابقة..لماذا تتحمل كل هذا العناء وانت اصبحت عريس لقطة بالنسبة لغيرها؟؟؟

  10. الفراشه
    18/10/2010 at 01:36

    اختبر شعورك اولا وتقرب منها يمكن تكون نسيت ولوكنت تقدر تعيش وتتزوج غيرها من الافضل ان تتزوج غيرها لان مهما كان مشلها سبب في الانفصال منك بس تعتبر طمعت في الافضل وفضلته عليك وانت مشلك اي زنب في انك تتجوز مطلقه ولديها ابنتان عمرك ماهتكون علي حريتك مع زوجتك لانهم مش ابنائك والي بيقولك خليهم زي بناتك ده مش مجرب ومش عارف يعني ايه بنت غريبه عنك تعيش في بيتك ممكن امها تخاف عليها منك اوالام تتنازل عنهم لابيهم مثلا لانك مش ملزم بلانفاق عليهم واكيدانت لسه ظروفك صعبه بتكون نفسك واكيد اهلك كمان مش هيوفقوا انك تتجوزها لانها رفضتك قبل كده صدقني ابعد عن الشر وغنيله وقول لها انسي الاباعني عمري ما اشتريه وده راي

  11. MOOD
    18/10/2010 at 00:49

    معمعقول تاكل من طبق اكل منة غيرك انسى وشوف نفسك وياقلبى لا تحزن

  12. فيصل
    17/10/2010 at 23:29

    يمكن خيره لك اخوي , الزواج اذاصارمن بدايته مشاكل صدقني ماراح يستمر وفقكم الله

  13. مملكه الحب
    17/10/2010 at 23:11

    بصراحه لو انت بتحبها وبجد وافق انك ترتبط بيها ومش يهمك كلام الناس لاننا لو هانسمع كلام الناس مش هانعمل اي حاجه وكمان خد بالك انك هايكون عندك اجمل بنتين في الدنيا عاملهم كأولادك واكيد ربنا هايجزيك كل خير واحسن تاديبهم ومش تعتبر انه ليهم اب لانه شخص انتهازي دا علي حسب وصفك ليه وانه لا يستهال انه يكون اب لبنتين وبعدان الاطفال احباب الله توكل علي الله وصلي صلاة استخارة ولو ربنا يسرك الامور وتزوجت منها اكيد ربنا هايكافئك كل خير لانك اكيد هاتخدها هي وبنتيها وهي هاتعيش معاك علي الحلوة والمرة لانك قدرتها ورجعتلها بعد العمر ده كله خد قرارك وكن واثق في نفسك واهم حاجه انك تكون مقتنع وعندك ارادة من جواك

  14. حازم حمام
    17/10/2010 at 21:12

    تحياتى ……….

    يعنى انت عايز تضحى بانسانة بتحبها عشان معها بنتين….شئ عجيب!!
    اذاى يهون عليك تشوف انسانة انت حبيتها بتتعذب قدامك وانت لسة بتفكر وتسأل.انك تتجوزها ولا لأ…….
    لو انت بتحب بجد وقلبك عرف معها الحب ما كنتش تفكر انك تتجوزها ولا لأ…

    انا لو مكانك اساعدها على الطلاق مادام هى عايزة تطلق واتجوزها فى اقرب فرصة واساعدها على تربية بناتها واكون اب ليهم وادخل بيهم الجنة.

    حازم حمام/محاسب الكترونى فى الخليج
    صعيد مصر___سوهاج

  15. شيماء
    17/10/2010 at 19:59

    لو بتحبه وهي كويسه اتجوزه وميهمكش حاجه دي حياتك انت ومينفعش حد يقرر فيه وانت بتحبه فخلاص اتوكل علي الله

اترك رداً أو حلاً لهذه المشكلة