انا بحب واحد بقالى 5 سنين احنا كنا صحاب وقلتله انى بحبه بس هو كان رافض الموضوع ده لانه اتجرح اووى قبل كده وقالى انا لو فكرت احب هتبقى انتى اول واحده المهم انه من حوالى 5 شهور اتقدملى عريس كان كويس اووى انا مكنتش مقتنعه ولا عايزه اتخطب لحد غيره وقولتله انى مش موافقه قالى لو انسان كويس ربنا يسعدك ووافقت عليه وقبل الخطوبه باسبوع اللى بحبه اعترفلى انه بيحبنى وبيموت فيه من زمان بس هو عايز مصلحتى لان اخواته البنات اكبر منه وعايزهم يتجوزوا الاول وفى نفس الوقت مش عايزنى استنى الوقت ده كله لانه عارف انى بيتقدملى ناس كتيره وبابا عايزنى اتجوز المهم انى اتخطبت لان بابا عايز كده وبعد الخطوبه بشهرين فكتها وبقيت مع حبيبى وبعدها بشهرين طلبت منه يتقدملى عشان اريح بابا واتجوز انا اهم حاجه ابقى معاه وخلاص وهو اتكلم مع اهله وانا اتكلمت مع اهلى وجه اتقدملى بابا ووافقنا واهله ايجولنا 4 مرات اول مره كان لوحده بيتعرف ع بابا و2 مره كان معاه اهله ولما روحوا ساالته قالولك عليا ايه قالى هم معندهمش مشكله وباباه موافق ومقتنع بس ماما واخواتى عايزين يشفوكى تانى وايجوا مرتين وشافونى تانى وبعدها باباه اتصل ع بابا وكلمه كويس جدا عشان يتفقوا وحددوا معاد وقبل مايجوا عشان يتفقوا بيوم كلمنى وقالى بابا مش موافق وبيقولى لو عايز تتجوزها انت حر بس انا مش موافق مع انه قايلى ان اهله سايبنله حرية الاختيار واللى هو عايزها هيوافقوا عليها وقالى انه سأل شيخ وقاله باباك لازم يكون موافق وبقوله ازاى انتو جيتوا 4 مرات وباباك كلم بابا الوقت ده كله وهو مش مقتنع قالى انا كنت ضاغط عليه وبحاول معاه بس مفيش فايده ومكنتش عايز اقولك الا لما احاول قولولى رأيكوا ايه هو بيضحك عليه ولا هو ده اللى حصل فعلا وايه الحل واعمل ايه معاه لانى تعبانه اووى ومش قادره ابطل تفكير
بيضحكوا عليكم وهيقرفوكم لانهم مش عايزين وانتم اللي مرميين عليهم وبعد الجواز ده لو تم هيشغلوك خدامة ومش بعيدد تتطلقي ده استنتاج من روايتك لو مش مصدقة جربي وهتشوفي اذا مع الف سلامةهو بعد خمس سنين انتظار واربع زيارات وما زعلش بابا هو فيه غير هذا الاستنتاج؟؟؟