سلام عليكم
انا كان بيتقدملي ناس كتير بعد الجامعة بس كنت مش بوافق علشان كنت بهتم اكتر بالشخصية و المستوى التعليمي. ..و جه وقت كان متقدملي اكتر من حد و كان فيهم واحد معاه كلية و اعجب بيه من اول ماشافني حتي من قبل ما تكلم مع بعض و حاولت كتير اقدع ممعاه على الاقل مره لوحدنا علشان على الاقل اعرفه بس ما حصلش… وبعدين حصل شوية مشاكل من ناحية اهله في الموضوع و كان الموضوع خلاص هينتهي و انا مش عارفه كنت فرحانه انه هينتهي بس هو كان مصر عليه جدا و اتحدهم وحاول يحل المشكلة. المهم اصراره ده هو اللي ضعفني و خلاني اكمل الموضوع. . و جه يوم كنت فاكره جاي هو و ولده و لدته بس لاقيته جايب اخواته و خاله و عمه ولاقيتهم بعد شويه قراه الفاتحة و انا طبعا اتصدمت لان لحد الوقت ده ما قاعدنش سوا و لا اعرف اي حاجة خالص عن شخصيته قلت خلاص اللي حصل حصل و حاول تع فه في الخطوبة يمكن يكون انسان كويس
عرفت انه كان بيشتغل و يدرس في نفس الوقتي فقلت دا اكيد انسان مكافح…بس اكتشفت انه خجول جدا و عمره ما كلم واحدة قبل كده فاضطريت انا اللي ابدا بالكلام ة انا اللي افتح المواضيع لانه لو استنيته عمره ما هيبدا هو كنت دايما حاسه ان انا الراجل في الموضوع ده و بعدين اكتشفت ان انا مش متقبله اي كلام منه و دايما مكتأبه و بعيط و اجلت ميعاد الشبكة لاني حتى مش متخيلاه قاعد جامبي او بنرقص حتى سوا …حاسه دايما بالذنب ناحيته لاني مش عارفه اسعده قد ما هو بيحاول يسعدني بس بجد ما حاستش باي لاحظه حلو من اول الخطوبة و أوقات كتير بفضل اعيط و انا بكلمه في التليفون…المهم ان انا عارفه اني مش هلاقي حد يحبني زيه كده لو سبته بس انا بجد تعبانه و مخنوقه و مش قادرة استحمل و الوقت بيعدي و عندنا في البيت قالولي الموضوع في ايدك و خدي القرار…بس انا خايفه اجرحه و اندم
بالرغم من انك جامعية ومعك شهادة الجامعة الاانك بعقلية متخلفة تماما وماتعرفيش مصلحتك فين عايزه ايه اكثر من كدا شاب كويس ومحترم وطيب وصادق في مشاعره وجاك حسب الاصول والاعراف وخطبك من اهلك انت عاوزه ايه احمدالله على النعمة دي غيرك من البنات ماتخبطوش ويتمنوا احد يجيهم وكونه خجول فدا انه انسان محترم ومؤدب وعلى خلق حميد انت الخسرانة لورفضيته صدقينى مش احسنلك من الشاب الوسيم اللي ماعنده لااخلاق ولاتربية ويطلع بتاع بنات وله بلاوي سودا وممكن يكون متعاطي مخدرات او خمرة وعايزك تعرفي ان الحب الحقيقي وصدق المشاعر تاتي بعد الزواج اتمنى انك تحافظ على خطيبك ده وتتقرب منه وتشعريه بالسعادة وتخلص له عشان ربنا يتمم لكم بالخير ويسعدكم في حياتكم القادمة