السلام عليكم ورحمة الله وبركاته انا شاب أبلغ من العمر 27 عام احب فتاة 25 عام احببتها من فترة بسيطة احببتها بجنون وهيا بتحبي بجنون انا مغترب وعايش فى السعودية لظروف شغلي نزلت اجازة مصر واتعرفت عليها وحبيتها والمفروض انى كنت هتقدم ليها وحصلت ظروف ان رجليها اتكسرت وبعديها خالها توفي و الاجازة للاسف كانت قربت على الإنتهاء هيا عرفت والديتها بس باباها راجل صعب جدا والدتيها كانت موافقة على الموضوع عشان حسيت من كلام بنتها انى شخص مهذب بس العائق كان موضوع السفر لانها بعد الزواج هتسافر معايا المهم للاسف مرت بظروف صحية جالها الزايدة وحصوة فى كليتها وعلى طول الضغط عندها واطي والاجازة قربت على الإنتهاء طلبت منها اكلم والدها واتقدم ليها وعلى الأقل نقرأ فاتحة والبسها دبل على الضيق عشان مكنتيش عايز اسافر الا واحنا مخطوبين قالتلي طيب انا هاخد رأية الأول وخلت مامتها تفاتحة فى الموضوع مجرد ما سمع الموضوع ولع نار فضل يزعق فيها وانتى رايحة تحبي واحد وكلام لا يعقل بتقوله دة انسان محترم وجاي يتقدم ليا مش بيلعب قالها مش عايز كلام دلوقتي فى الموضوع دة لما يجي من السفر السنة الجاية نتكلم ولما عرف انى هاخدها واسافر قاد نار وفضل يزعق اكتر من الأول فيها ورفض انى حتى أكلمة قبل ما امشي المهم فضلت تعيط كتير وبقت حالتها النفسية وحشة قالها انا لسة مارفضتيش لما يجي السنة الجاية هنشوف الموضوع دة المهم طلبت منها انى اشوفها قبل ما اسافر عشان أسلم عليها للاسف صعب تنزل من البيت بسبب والدها لما عرف فكان لازم اشوفها بأى طريقة فهيا كانت رايحة تعمل إشاعات فى مستشفي واتفقت معاها انى هاجي اشوفها واسلم عليها ووالدتها كانت معاها المهم ادتني عنوان المستشفي وصلت قبلي بربع ساعه وبعتت رساله تقولي انا عند المستشفي انت فين المهم وصلت المستشفي تقريبا قعدت ساعه ومش لاقيها اتصل بيها تقولي انا قدام المستشفي وانا اصلا واقف قدام المستشفي وهيا مش هناك طبعا انا اتجننت قولت دية شكلها بتكدب المهم اتصلت بيها قولتلها شكرا بجد على اللى بتعمليه دة وانا فعلا غلطان اني جيت المهم لقيت السكة اتقفلت فى وشي بعديها بشوية لقيت رقمها بيرن رديت لقيت واحدة بتقولي انا والدتها احنا فى الشارع واول مرة كنت اكلم والدتها فى التليفون بس صوت والدتها زيها بالظبط انا طبعا شكيت انها هيا وعاملة نفسها والدتها قفلت فى وشها وروحت وبقيت مش عارف فى اية واية اللى بيحصلي دة هل ذنبي انى واخد موضوع جد المهم فضلت تبعت رسايل ان والدتها هيا اللى كلمتني وتقسم بالله المهم سافرت بعديها بيومين وهيا خلال اليويمن دية اتصلت بيا كتير وانا مكنتيش برد عليها بس رديت عليها وانا فى الطيارة قبل ما تطلع المهم فضلت تقولي سامحني انت ظالمني وكلام من دة وبتقولي انها هتعمل عملية الزايدة كمان يومين وادعيلي وانا حاسة انى هموت وكلام من دة قولت حرام اقسي عليها ودعيت ليها المهم سافرت كل شوية تبعتلي رسايل وتسال عليا وتحلف انها بتحبني وانا طبعا شكيت فى كل حاجة بسبب موضوع المستشفي وانى حسيت انها بتكدب من يومين بعتتلي رساله لقيتها بتقولي والله العظيم انا مظلومة وضحية لبابا وماما اتصلت بيها قولتلها ياريت افهم قالت حكيتلي طلع ان باباها عرف انى هشوفها قال لمامتها روحي قبل الميعاد وبعدين امشي قبل ما يجي انا عايز الموضوع دة ينتهي ولما هيا راحت المستشفي مامتها صممت يمشوا بعد ربع ساعه قبل ما اوصل وقالتها هو مش محترم مواعيدة ومش هيجي وبيضحك عليكي وكلام من دة قالتلها احنا يا ماما اللى جينا بدري المهم مامتها زعقت فيها ومشيوا وهيا كان عندها معاد فى عيادة دكتور راحت مع والدتها وطبعا انا جيت ملقتهاش وللاسف طلعت مريضة بالقلب مامتها قالتلها الموضوع دة لازم ينتهي لاسباب كتير انها مريضة بالقلب وبتقولها هو لو عرف مش هيكمل معاكي وثانيا دة عايز ياخدك ويسافر وانتى صحيا مش هتعرفي تعيشي برا مصر لانه هيبقي مشغول فى شغله وانتى ممكن تتعبي المهم هيا قالت انا حكيت كل شئ ليك عشان تسامحني لانى هعمل عملية كمان كام يوم وخايفة اموت وانت مسامحتنيش قولتها مسامحك وانا عايزك وعايز اكمل معاكي سالتني دة حب ولا شفقة قولتها حب وغير كدة اى انسان معرض للمرض دية حاجة بتاعة ربنا فرحت وحسيت بفرحتها ولقيتها بتبكي من الفرحة لما سمعت كلامي المشكلة دلوقتي فى كذا حاجة وانا مش عارف هل هينفع ولا لا
اولاً انا مينفعشي اقول لأهلي على مرضها دة عشان محدش يقف فى طريقي
ثانيا اهلها صعب يوافقوا انها تتغرب وهيا فى حالتها الصحية دية
ثالثا هل هتنفع تتجوز وهيا فى حالتها الصحية دية وكمان تتغرب
رابعا انا مش عايز اتجوز عليها فى يوم من الايام ونفسي يكون عندي أولاد ونفسي اعيش حياة سعيدة فهل مرضها هيسمح اننا نمارس حياتنا الزوجية واخلف منها انا فى حيرة بجد مع العلم لو جمالها مش طبيعي حاجة فوق الخيال ملاك على الارض ومحترمة جدا وموضوع الكدبة اللى كدبتها كان بسبب والدتها وقالتها وانا بقولها انا قدام المستشفي قالتها قوليلة انك هناك متقوليش اننا مشينا ولو معملتيش كدة هقول لوالدك وطلعت والدتها هيا اللى قفلت السكة فى وشي يعنى هيا طلعت مظلومة وضربوها وكانت اول مرة تضرب فى حياتها بسبب الموضوع دة عشان تبعد عني وهيا عايزة تكمل معايا ياريت حد يدلنى على حل انا تعبت من التفكير وياريت كل اللى يقرأ المشكلة يدعيلها ربنا يشفيها واسف انى طولت عليكم
شوف يابني المرض داشي ابتلاءمن الله وماحدله دخل في هذالوكنت جاد في حبك لهااوعك تتخلا عنها ابدا تبقى قليل الاصل ولاخير فيك اهتم بهاواعرضهاعلى دكتورمختص لامراض القلب ونشاءالله تتحسن حالتها وشوف احد يقدريقنع ابوها عشان يوافق على زواجكم وربنايقدم للى فيه الخير ويسعدكما
كلام الاخ زملكاوى صح وان شاء الله ربنا يشفيها ومتسبهاش خليك معاها وادعولها بالشفاء ان شاء الله
ربنا يشفيها يارب ويشفينا جميعاً ان شاء الله
بس الموضوع دا عايز دكتور مش اى حد يقلك كلام تصدقه
وخلص الكلام
وربنا يوفقكم ان شاء الله ويقدم اللى فيه الخير
هل الحب ان تكون تتزوج حبيبتك لسبب العلاقة الحميمة والانجاب وان تكون لك زوجة على اكمل وجة هذا لما يذاكرة الله فى كتابة ربنا قال المودة والرحمة ان تكون رحيم باللى امامك وان تقدر ظروفة انت اذا احببت شى لا تفكر فى ناقصة وهى تناقصها الصحة ولكن افتكر انى اللى اخد الصحة قادر انه يعوضها باحسن منها ومرض القلب مش اول ولا اخر الدنيا وبعدين المشكلة فى ان والداها مش يوافق دى العقبة وليس المرض اوضع نفسك مكانها كانت هتفكر انها تكمل ولا لا ومقدريش اقولك كمل ولا لا هذا قرارك وعايزة اقولك انه اللى مكتوب هتشوفة الزوج والزوجة والاطفال رزق ولو ربنا مش مقدر ليك رزق يبقى خلاص واحب اقولك انى والداتى مريضة من ساعة ما انجبتنى والداتى ععلى صحة اكثر من اى انسان سليم عشان ربنا عوض صبرهها خير
ابنى الحبيب الطب اتقدم وربنا ان شاء الله معها وانت اقف بجانبها وشوف حالتها عند الدكتور ولو كانت صعب انها تتجوز فوض امرك الى الله واتركها لمرضها اما ان كانت ربنا هيشفيها من مرضها فاسرع بالارتباط بيها
اللهم اشفيها وعافايها وخفف عنها
دلوقتى مشكلتك بقت الصراع ما بين القلب والعقل
وللأسف عليك أنك تختار
بس أنصحك استخير ربنا كتييير وهو إن شاء الله هيلهمك للحل الصحيح
وربنا يوفقك ويشفيها يارب
اولا ربنا يصرف عنها كل الامراض ويعفيها فى بدنها ثانيا انت انسان شهم جدا ومعدنك اصيل انا اعرف واحد صديق اتجوز بنت كان عندها القلب وانجب منها اطفال كتير وبقو فى الجامعه دلوقتى وهيه بتتمتع بصحه جيده دلوقتى الحمد لله وكمان انا كنت سبب فى جوازهم من بعض وحتى الان بيعيشو اسعد حياه فى الكون كلو ربنا يوفقك ويعفيها مما هي فيه وشكرا
السلام عليكم
بصراحة انا مش عارفة شو اقلك لانو القرار صعب وربنا معاك وانا رح ادعيلها وانشاء الله تقوم بالسلامة وتتزوجها وتعيشوا مع بعض و وان شاء الله بتشوفوا بعض لما تعجزوا
مرضى القلب هم بيعوشو زي الناس الاخرين وانت تحبها وهي بتحبك راح تعيشو سعداء وكيف انت قلت انت الي بدك تتزوجها مش امك ولا ابوك عشان هالسبب مش ضروري تقول الاهلك عن مرضها
واله انا بتمنى انها تتشافى باقسة سرعة وتتزوجو
مع الرجيم الخاص لمرضى القلب راح تعمر كثير وتاد الاطفال
اخى الفاضل شكلك كدة انتا متردد فى الارطباط بها بسب المرض ربنا يشفيها
اذاكنت مش قادر تقنع نفسك بى ان تكمل معها ازاى ها تقنع اهلك اصلا واضح انك لا تاخذ
القرار لوحدك فيها اية لو عاشت حبك لو ساعة وحدة لو بتحبها وان بعدك عنها مكن ان يقدى
على حيتها اسائل طبيب قلب متخصص وهو الاى يفيدك اكثر لو انتا مقتنع اصلا ربنا يشفيها و
اخي الحبيب انا اعيش نفس الحكاية بالضبط مع اختلاف بعض الاشياء
انا بالفعل اتقدمتلها ومقدرتش اكمل
اخي في الله
ييمكن الكلام اللي هقولهولك يكون فيه من الانانيه شئ ومن القسوه شئ
بس لازم تسمعه
اختي هذه ابتلاها الله بمرض او ببلاء من عنده ولها من الله هي واهلها اجر الصبر عليه ان شاء الله
وانت بتقول انك بتحبها واكيد عن طريق النت
انت نحبتش غيرها قبل كدا ومشفتش غيرها وهيا اللي كانت ليك سلوي في ايام غربتك
هيا اللي هونت عليك كتيير من طول ايام الغربه
بس انت زيك زي اي شاب بيحلم بحياته ومستقبله اللي خرج علشانه من بلده
اخي امامك حل من اتنين
اما انك تخرج من علاقتك بيها لانك هتكون بتظلم نفسك وفي نفس الوقت بتخدعها
واما انك فعلا تتجوزها وتكمل بقيت حلمك مع غيرهاوساعتها هتكون هيا اللي انانيه لو رفضت
اخي كلنا في الهم سواء
الله يعينك علي ما بلاك
وادعيلي انا كمان
والله زعلت كتير عليها لانها تقريبا نفس حالتى بس انت اتمسك بيها واهلها لما يعرفوا انك عارف كل حاجة عنها ولسة متمسك بيها هيطمنوا عليها معاك وهيوافقوا وبعدين موضوع الخلفة دة حاجة بتاعة ربنا ممكن لاقدر الله تكون انت مش بتخلف اللى ربنا كتبهولكوا هتشوفوا وربنا يوافقكوا
ال السلام عليكم ورحمه الله وبركاته
تاكد انه لو ليك نصيب فيها هتتزوجها لو احببت شئ بشده اتركه فان عاد لك فهو ملكك وان لم يعد فاعلم انه لم يكن لك من الاول
وكتير بنسمع عن حالات مريضه بالقلب وتنجب بس بتبقا الحياه صعبه وكمان اكيد هيجى يوم وتلاقى نفسك محتاج لزوجه اخرى
السلام عليكم
اولا ربنا يشفيها ويشفى كل مريض ثانيا دى حياتك انت ومتعرفش بكرة فية اية كمل معاها جايز يكون دة ثواب لك فى دنيتك واخرتكانت هتجوزها ولو طلب الامر اتجوزفى مصر وانزل كل فترة اجازة لها دة لو صحيا مش يسمح ومش لازم اهلك يعرفوا طالما نت بتحبها دى حياتك ولو عاوزها بجد خليك معاها الحاجت دى بيد الله وجايز لما تكون معاك صحيا تتحسن من فرحتها وانها تكون معاك ربنا يوفقك ويصلح حالك يا رب خلى بالك من نفسك
بنا يشفي ليك حبيبتك.
موضوع الصحة دي حاجة في ايد ربنا يعني ممكن تجوز وحدة سليمة تماما و تاني يوم تصبح مريضة وممكن تتشافا هي و انت تمرض لاقدر الله .ماافتكرش دي المشكلة الي لازم تاخدها بعين الاعتبار لان الزواج مش بس علاقة جنسية مش هقولك العشرة الطيبة بينكم اهم من العلاقة الجنسية لاانما من تخصصي ممكن اقولك ان حالات مرض القلب مش مشابهة .في مرضى كتير بالقلب بيعيشو حياة طبيعية تماما مع احترام الادوية و بيخلفو و يعيشو عمرهم زي اي حد طبيعي الاعمار بيد الله دا من ناحية من ناحية تانية مرض القلب ينقسم لحالات من ضمن الحالات حالة واحدة خطيرة و دي بتصيب غالبا الرضع و مابعد الرضع و الشيخوخة وديانما معضم الحالات لو علاج سواء بالدواء او بالجراحة زيه زي اي مرض شرط احترام نصايح الطبيب عشان كدا بقول رأي مشرف على الحالة بيكون هو الرائ النهائي.وصحيح لو اتوفرو الراحتين الجنسية و العلاقة الطيبة يكون احسن انما ممكن يكون دا ابتلاءربنا فيك وجايز حتى يكون نفس الظروف بس من وحدة مش بتحبها وينكتب عليك اسم نصيب.ولا المشكلة فاهلك انهم جايز مايوافقوش لو عرفو بموضوع مرضها لان هنا بيجي دورك واحترام اهلك لاختيارك انت الي هتتجوز والنصيحة من الاهل تجوز في الحجات الواضحة ك السمعة السيئة للبنت وماشابه ذلك. انما المشكلة هنا فان اهلها اساسا مش موافقين .و البنت ضعيفة الحيلة قدامهم من غير مرض . فيا اخي في الله بقولك تبقى استشارة طبيبها حاسمة وهي الي ممكن تعتمد عليها بمسألة قرار الزواج و النصيب من ربنااولا و اخيرا.