انا حبيت شاب من خمس سنين وهو كمان بيحبنى
وانا حاليا فى تانيه ثانوى
وهو اكبر منى بخمس سنين ولسه فى الجامعه
وزاد حبنا مع الايام لحد ماوصل بعد كده اننا اتقابلنا فى البيت عندى وحضنى وباسنى بس والله مش اكتر وبابا شافنا وعرف واهلى كلهم عرفوا وجه يتقدملى كل اهلى وافقوا ماعدا بابا وهو كمان اهله كلهم موافقين مع العلم انهم ناس محترمه جدا وباباه شيخ ومامته منقبة واتقدملى كتير قوى وكل مره بابا كان بيرفض
وبعدها بعدنا عن بعض بس انا لسه بحبه ومش عارفه انساه ارجوكوا قولولى اعمل ايه واتصرف ازاى وازاى اقنع بابا انه يوافق على الخطوبه
مشاكل الحب والزواج
حبيبي حضني و باسني وبابا رافض الخطوبة
اضيف بتاريخ: Friday, January 7th, 2011 في 22:37
كلمات مشاكل وحلول: الجامعة, الخطوبة, الزواج, ثانوي, شاب, مشاكل الحب, مشاكل الحب والزواج
انا برضو كنت بخليه يجيلى البيت بس محدش شافنا و لما قولتله نسيب بعض عشان مش مرتاحة و حاسة انى علاقتى حرام و اتخطبت لواحد تانى و راح قاله انه كان بيجيلى البيت و فضحنى
ابنتي اجلسي مع باباك واعترفي له بغلطتك دي مع خطيبك واطلب منو السماح وخليه يرضى عنك ويوافق عليه وصدقيني مافي اب يوقف في سعادة اولاده
فيها اى
مش فيها حاجه طيب منا كنت بحب ايام الجامعه وباسنى وحضنى وعمل كل حاجه معايا واتجوزنا وعايشين احلى عيشه وبيموت فيا
اعملى المستحيل عشان تقنعى باباكى وخلى ناس كبيرة تتكلم مع باباكى وتقنعية مدام بيحبك وبتحبة لان الحب دة حاجة جميلة جدا وصعب تعوضى حب فى الزمن دة وانا اعرف ناس كانوا بيتياسوا ويتحضنوا والحمد لله اتجوزوا بعض
والله انتي اللي غلطتي انتي وهو من الاول ومفكرتوش في ربنا
فطبيعي اوي ان ده يحصلك
لان لو كان في توبه نصوح عن اللي عملتوه وافتكرتي ان اخر الدنيا هو ان والدك يشوفك ومفكرتيش ان ربنا شافك هو بيحضنك وبيبوسك وهو مش يحل ليكي .. كان وقتها ربنا يتمملكم بخير
انما عشان ربنا اخر حاجه بتفكروا فيها فالمفروض تستحملوا نتيجة المعصية
بصي انا هقولك حاجه هو حرام محدش ينكر لاكن في ناس بتقول انو مش بيحبك مدام عمل معاكي كده طب ليه ميكونش عمل معاكي كده عشان مش عايز يعمل مع غيرك وبيملي عينه بيكي علشان ميزهقش ويبص لغيرك وعرفاه بقالك 5 سنسن يعني اكيد هيحتاج لتغير بس لو الموضوع كان امتد اكتر من كده كنتي اعرفي انه عايز منك حاجه معينه وبس لكن انا شيفه انك بتقولي باسك وحضنك بس ومدام عايز يتقدملك ده دليلي علي حبه حاولي بأي طريقه تقنعي بباكي متضيعيش الي حبيتيه
ياجماعه والله حرام عليكم اللى انتو بتعملوه فى البنت ده مفيش واحده بتسمح لاى شاب انه يلمسها الا اذا كانت بتحبه وبتضعف وهى معاه الحب بيعمل اكتر من كده هى حبته ووثقت فيه وامنته على نفسه مش ذنبها هى غلطت اوك بس مفيش حد مبيغلطش ربنا يهديها ويهدينا كلنا لان اى بنت حبت بجد اكيد حصل معاها نفس اللى حصل ده
انا شايف ان الولد ده كويس لانه مصر يتجوزك بس باباكي مجروح ومش قادر ينسي اللي عملتوه وانا عارف انك بتحبيه اوي عشان كدا سمحتيله يلمسك بس المفروض كنتي تفكري قبل ما تخليه يدخل البيت ويعمل كده عشان مكنش حصل اللي خلي ابوكي يرفض وانصحك تزني علي دماغ ابوكي لغاية ما يوافق واتاسفيله وبوسي راسه وايده واوعديه انكم مش هتعملوا حاجه الا بعد ما تبقي حلاله وتكتبوا الكتاب وان المسامح كريم وانتوا صغيرين مش فاهمين بس مش اكتر
يا جماعه هى غلطت وكلنا بنغلط بلاش بقاا نيجى عليها كلنا
اللى عنده حل يقولوا من غير ما يعمل عليها وصى او واالد
—
الاهم : انا مش بقتنع بأن فى حاجه تحصل بين ولد وبنت زى دى ويتقولوا حب وكلام من دا
والله يا جماعه الحب اللى بجد مش بيخلى الواحد اساساً يفكر يعمل كدا
مابالك بالناس اللى بتعمل كدا !!؟
الواحد يحضن ويبوس وساعات اكتر ونلاقى مشكله هنا بتقول انا بحبه !!
ازاى تحبى حد مش حافظ عليكى وتأمنيه على نفسك ويعمل كدا؟
وانتى بتقولى انك حبتيه من 5 سنين وحالياً فى 2 ثانوى
يبقى انتى حبتيه وانتى فى سنه كام اصلاً 5 ابتدائى ولا 1 اعدادى ؟!!
وفى كلتا الحالتين مكنش ينفع اساساً تعملى حاجه زى دى
—
حاولى تنسيه بالكلام دا :
– دا باسنى ومش حافظ عليا يبقى كدا مكنش بيحبنى
– انا لسه صغيره وبكرا اعرف احسن منه
– بابا طالما مش موافق خلاص اكيد هو شايف الصح وهو يتمنالى الخير
– لو كان بيحبنى ليه مش عمل المستحيل عشان يخطبنى
– الاهم حالياً انى اذاكر وادخل كليه كويسه وابقى ملتزمه واعرف ربنا عشان اتجوز حد كويس
وان شاء الله تنسيه وربنا يهديكى ويهدينا جميعاً
مشكلتكم انكم بتيجوا بعد ما بتغلطوا يعني ايه واحده تدخل شاب في بيتها وانتي تضمني منين انه هيبوس ويحضن وبس نفترض انه كان عمل اكتر من كده موقفك هيكون ايه دايما بتيجوا متأخرين ربنا يهديكم
والله اللى انا شايفه انك لسه صغيره وبعدين عاوزك تكونى متأكده ان اللى بينك وبينو مش حب انت لسه متعرفتيش على حد دا بس علشان اول واحد فى حياتك استنى اما تكبرى شويه وتتعرفى على الناس علشان متظلميش نفسك وتظلميه معاكى لو حسيتى ان الاعجاب دا بيقل اعرفى انك فى السن الطبيعى للبنات اللى فى سنك وبعدين فكرى فى الوقت اللى محدش هينفعك فيه غير عملك لا اله الا الله سيدما محمد رسول الله
ياجماعه حرام عليكوبالراحه ع البت شويه
ربنا يستر على بناتنا من اللى بيحصل يا بنتى خلى بالك انه حتى لو خطيبك حرام تعدى معاه لوحدك بدل ما تدورى تعملى ايه عشان انتى عوزاه دورى تعملى ايه عشان ربنا يسامحك على الفعل ده وانا موافقه جدا ان باباكى يرفض ده واحد دخل البيت من وراه وشافة فى وضع صعب مع بنته ربنا يكون فى عون والدك
سيبى كل حاجه عللى ربنا ومتستعجليش الامور واتاكدى نصيبك هتاخديه
المفروض تحافظين على نفسك من اقرب الناس في هذا الفتره حتى يقوى وان تبتعدي عن كل الشغلات الذي تثير الوالد
ازاى تتجراى وتخليه يبوسك
وحتى لو اتجوزك عمره مهينسى الموقف ده وهيشك فيكى
وغير كدا خافى من ربنا وحافظى على نفسك
اتركى الامر لله ثم لاهلك هما ادرى منك
وربنا يهديكى
حبيبك مش كويس
لانه لو كويس مكنش دخل البيت من وراه اهلك حتى لو انتى سمحتيلو
والغلط فى الاول وفى الاخر منك انتى
رربنا يوفئك
مش اظن ان الواد دا بيحبك بجد عشان لو هوة بيحبك بجد مش كان اصلا فكر فى كدا تلاقية انتى بس عجابا مش اكتر ولو انتوا اتجوزتوا هيجى يوم و وهيشك فيكى….!!! ومش هقوالك ذكرى وربنا يهديكى لا بس ياريت تختارى صح واعرفى ان ابوكى عاوز مصلحتك و بس و لو اتجوزتوا ابوكى مش هينسة الموضوع دا ابدا ومش هيتيق الواد دا الا علشانك انتى بس دة وجهة نظرى واللة اعلم صح او لا
يا اختى انتى فى سن خطير جدا فيجب عليكى دائما الحذر من جميع افعالك وانا اعلم ان هذا السن يحتاج الى الحب والاحساس بالرومانسية ولكن اذا تركتى نفسك للشيطان ولاتباع هواكى فلا تندمى مما سيحدث لك فى الدنيا والاخرة فاتقى الله واسالى الله الزوج الصالح الذى سيعوضك عن الحب ما تتمنيه وبالنسبة لموقف بباكى فهذا الولد اذا تاب من عمله معكى واذا ايضا انت توبتى فيجوز له ان يوافق اذا كانت تتوافر فيه الشروط الشرعية وما دون ذلك فانسبه وخليكى دائما على يقين انك فى سن خطير جداا والزمى دائما الصحبة الصالحة والاقتداء بهم
حبيبتي الخيرة فيما اختاره الله لك ، تقربي إلى الله تعالة فالقلوب مضغة بين كفيه يقلبها كيف يشاء وهنا أقصد والدك يعني لا تغضبيه حبيبك يتعوض أما والدك ان طالك منه الغضب فلن تفلحي مع أي انسان والدك رجل وقد صدم من موقفك وحبيبك حيث آلمه أن يرى ابنته في حضن حبيبها في قعر داره وهو من يتمنى لك الأفضل ، حبيبتي استخيري الله تعالى في أمر هذا الانسان أعني حبيبك فلو كان فيه الخير والصلاح فستتبدل فكرة والدك وسيقبل به زوجا لك ، واما كان سينغص حياتك فستظهر عراقيل في طريق ارتباطك بك ولا أستخف بك كمحبة لكن رحمة الله وسعت كل شيئ
خليكي مصرة عرأيك لان مارح تنسيه وقوليلهم ياهو يا ما راح اتزوج
ابوكى راجل جدع والمفروض تسمعى كلامة وربنا عز وجل قال(وبالوالدين احسانا)ولازم تروحى تتأسفى لباباكى ويايت تنسى الشاب الغير امين
والدك له الحق انه يرفض لان (حبيبك)جه بيتكم بموافقتك وعمل اللى عمله من ورا والدك لكن ياخساره حظه مش كويس والدك شافه ودى طبعادى كبيره اوى عند الرجاله ويستحيل تتنسى من ذاكره والدك وانتى ياهانم السبب مش هااقول لك عيب كدا وحرام وليه تجيبيه البيت لأ(سذاجتك خلتك تخدعي والدك وتكسرى رجولته امام واحد زى الاستاذحبيبك اللى( بينط )على بيوت الناس !!!*اكبرى شويه واندمى على غلطتك اللى وصلتك لكده/ واسمعى كلام بابا تانى مره 0واللى بيحب بجدوبإحترام يحترم بيوت الناس /ربنا يوفقك فى دراستك وبعدين الحب
بتحبيه من خمس سنين إزاى يعنى وانت فى خمسه إبتدائى وبعدين بتقولى باسك وحضنك مش اكتر يعنى مفيش أكتر من كده
عيب عليك أنت مش فاهمه إنت بتعملى إيه من حق أبوك يعمل أكتر من كده يابنت الحلال ذاكرى وخدى الثانويه وبعدين يحلها ألف حلال وحاولى تصاحبى بنات محترمات عندهن حياء. متزعليش أن أخ أكبر منك وأفهم الأمور دى كويس وبكره تعرفى معنى الكلام إوعى تعصى ابوك.
طيب والله كتر خير الحاج انه عرف وسكت الراجل مادبحكيش وانتي فين ثقة اهلك فيكي علي شان تدخلي شاب البيت احمدي ربك اني ابوكي رفض وابوكي عارف انه لو يصلح ليكي كان وافق عليه
استغفرى ربك وتوبى اليه انتى لسه صغيرة قوى على الكلام دة ارحمى نفسك وارحمى ابوكى اللى ممكن يموت فيها باحساسه انه زليل امام الشاب دة بالعربى ((لوى زراعه )) واصبح مجبر مش باختياره يعنى كمان غلطى وجبتى راس اهلك فى الطين وكمان بتفكرى ازاى تحصريهم
اتاسفى لوالدك وانسى الموضوع دة خالص ولا زم تعترفى انها غلطه ومش تكرر تانى
انت لسة صغيرة وهو كمان وبعد كدة مشاعركم هتتغير ولنتو عملتوا دة مجرد عايزين تجربوا والممنوع مرغوب وعلى فكرة لو الموضوع تم واتجوزتوا انتى هتكبري وهو هيفضل شاب ومش هينسى الي حصل
والدك عنده حق لانه انسان غير محترم وانت انسانة مراهقة بمعنى لم تنضجي بعد اتقي الله في نفسك وحافظى علي عرضك واهتمى بمستقبلك
استحاله يوفق من بعد الى شافو عيب اوى كدة
ربنا معاكى بس اعرفى ان باباكى خايف عليكى لان ممكن حبيبك دة ف يوم يفكرك بحاجة من دى وفيها طلاق