انا فتاة مسيحيه احب شاب مسلم منذو اربعة سنوات وانا اكبر منو بي 6 سنوات تعرفنا على بعض من الانترنت وهو ببلد وانا من بلد منشوف بعض كل كم شهر مره بس متواصلين بلتصالات ومنحكي كل يوم مع بعض انا بحبو كتير ومتعلقه فيه جدا وما فيني استغني عنو ابدا وهو بيحبني ومنحكي مع بعض بس انا خوفي يجي بيوم واكيد بدو يتزوج وحاولت كتير اني ابعد ما حسنت وانو نتزوج انا وهو مستحيل منشان اهلي واهلو مستحيل يرضو وما بيحكي عن امور الزواج بس دايما بيقلي انتي مرتي وانا بعشق الارض يلي بيمشي عليها شو ساوي اكيد حتقولو اتركيه منشان ما تتعذبي بعدين بس انا ما فيني بهتم فيه كتير بحبو اذا طلع من بيت ليسهر ما بنام ليرجع انا كتير خايفه يترك او يتزوج راح كون مبسوطه الو اذا بيتزوج بس راح يتركني وانا ضيعت من عمري 4 سنوات بس مو ندمانه لان انا مالي غيرو بلدنيا كلا بموت عليه صارحتو اني تعال نتزوج بيقلي اي ليش لا لمى بطلع لعندو صرت حس انو بيتهرب من هل موضوع انا بدي اتزوجو منشان كون الو وبس حتى لو ما حدا عرف بلموضوع منشان اذا قرر يتزوج ما يتركني وكون انا كمان مرتو بلحلال كان ابل غير مهتم فيني صار بعد فترا من كتر اهتمامي فيه صار هو كمان يهتم وتغيرت معاملتو انا واثقه ما في بنت متلي حبتو ولا راح اتحبو ولا راح اتخاف عليه انا قريت موضيعكم وما بعرف اذا يلي حكيتو حدا راح يقدر يقدملي الحل هي اول مره بكتب مشكلتي بموقع شكرا
في الشريعة الاسلامية يجوز للمسلم ان يتزوج من مسيجية ولا يجبرها علي تغيير دينها وان يحسن معاشرتها ويكرمها . اذا كان حبيبك جاد فليس هناك عقبة الا موافقة اهلك وهذا الامر يخصك انتي في اهميته او عدمه
اختي العزيزه لايوجد حل الا دعاء الله عزوجل والمحاوله وعدم الياس والقنوط من رحمه الله عزوجل فجربي ان يتقدم لك مره واذا امكن اكثر فان رفضوا فارضي بحكم الله عزوجل واقطعي علاقتك به هذا افضل لك وله