أنا مشكلتي أني رومانسية بزيادة ودايما أبحث عن الحب تعرفت علي أكثر من شاب لكي أجد فية الحب الذيأ حلم بية طوال عمري وكان أول تجربة لية أني أتخطبت ولكن مكنش في نصيب وسيبتة وأتعرفت بعدة علي واحد بس مكنتش عارفة أحبة وسيبتة وأخر شخص وجد فية كل شي أحلم بية طوال عمري وحبيتة من كل قلبي ولكن بعدها أكتشفت أنة كداب وخاين ومن ساعتها أتعهدت مع نفسي أني مش عايزه أعرف ولا أحب حد تاني ولما يحصل نصيب و أتخطب يمكن ربنا يعوضني خير من اللي شوفتة بس المشكلة هو لازم أحكي لما أتخطب لخطيبي علي كل تجاربي علشان أكون صادقة معاه من الاول ولا ممكن مايثقش فيا ويسبني أنا محتارة ممكن تساعدوني
مشاكل الحب والزواج
هو لازم أصارح خطيبي بتجاربي السابقة
اضيف بتاريخ: Saturday, September 25th, 2010 في 21:59
كلمات مشاكل وحلول: الحب, الزواج, خطوبة, خطيب, رومانسية, مشاكل, مشاكل البنات, مشاكل الحب
باختصار بعد الزواج لما يتاكد من حبك واخلاص هيكون الموضوع سهل وكمان كل واحد فيكم يحاسب التانى من وقت الخطوبة
بصراحه مش عارفه بس ما ممكن يجي في يوم ويكتشف سعتها ها تبقي مشكله
انا من تونس و اتخطبت لشاب من بلدي و قد استحلفني ان احكي له الماضي و انا تبت من معصية اني منذ خطبني كنت اكلم الرجال لكن هذا استهتار مني و تبت منه الان و والله انا جددت العهد مع الله و لم اكلم احدا مطلقا و اخلصت له في حبي لكن هو اخذ مني الفيس بوك و صار يبتزني به في كل مرة رغم اني احبه و يحبني و دائما يقول لي اريد ان احافظ عليك ماذا افعل معه نحن نحب بعضنا و لا نريد خسارة ما بيننا.
ياجماعه انا بمر بنفس المشكله انتو بتقولو بلاش تصارحيه بالماضى لكن الموقف صعب اوى وبيكون اصعب لما هو يحكيلى عن ماضيه كله بالتفصيل وبكل صراحه ويرجع يقولى كان فى حد فى حياتك قبل كده ولا لاء ويقولى قوليلى عادى الحب مش حرام واى حد عنده ماضى ٠٠ فى الحظه دى ببقى مش عارفه اعمل ايه بخاف يكون بيقولى كده عشان احكى وبعد كده يرجع يضايق واوقات بقول احكى العناوين وبلاش التفاصيل بس لو مقلتش التفاصيل هو هيسأل عن كل حاجه وخايفه اقوله ان مكنش فى حد ميصدقنيش واصلا ضميرى هيأنبنى حد لو صدقنى ،،،،، ارجوكوا افيدونى
هو مش من حقه يحاسبك علي اي شئ قبل مايعرفك .. ونصيحه لاتحكي له عن اي شئ قبل ذلك او تفاصيل متحدث لانه لن ينسي ذلك وسوف يذكرك به دائما وقد لايكمل معكي نصيحه اوعي تعملي كده
بصى بصى يابنتى الكلام ليكى انتى ونور لازم تحكيله عن كل حاجه وكمان بالتفصيل بدا انتى هتكبرى فى نظروا صدقينى بكلمك بجد ومن غير مجامله وبقول لسومه كلامك غلط سورى .شكرا تحياتى . مازن
طب انا عايزة اسال عن حاجة لاني محطوطة ف نفس الموقف , هو لو سالني اقوله ان كان في حد قبله و لازم اقوله التفاصيل باظبط يعني ليه سبنا بعض و كده ولا مش لازم بصراحة انا عايزاه يعرف كل حاجة بس خايفة يكون ده سبب انه يسيبني و هو انسان كويس اوي
بس انا معملتش حاجة غلط حتي مكنتش ببقي مع الانسان اللي ارتبطت بيه ده لوحدنا خالص دايما كنا بنبقي مع صحابنا
طبعا ما تحكيش عن حاجه ابدا الا اذا سألك تجاوبى بصراحه واجابه محدده كان فيه ومحصلش نصيب وخلاص بلاش نتكلم ف اللى فات
وبكده تكونى قصرتى كل المشاكل استرى من ستره الله لا يفضحه العبد
لو تقدرى تقفلى كل الخيوط قبل الخطوبة يبقى متقوليش لكن لو لسة فية خيوط لازم تعرفية
اخيتي في الله
سترك الله فلا تفضحي نفسك
انا اري ان كتب الله لك الخير لا تتحدثي عن ما مضي من عمرك
حاولي نسيان ماحدث
ان ذكرتي له الماضي ربما يشعر بالضيق والغضب او الشك فيكي
فالله سترك فلا تفضحي نفسك
ادعو الله لك ولي ولبنات المسلمين بالستر امين
مدام محدش يعرف وربنا سترك يبقى تبدأى معاه حياه جديده من غير متقوليله حاجه غير على خطوبتك الاولانيه بس
غير كده انصحك بلاش تقوليله علشان قدام ميشكش فيكى
بلاااااااش يعرف أحسن .. مهما كانت تجاربك برئية لازم تخفيها عنه وتنسيها كمان وكأن شيئاً لم يكن .. وربنا يوفقك
هناك أشياء من الماضي تؤثر على مستقبلنا وتطفو في أي وقت ومثلها يجب المصارحة به ، أما ما كان من زلات وهفوات عفا عنها الله وتبت وأستغفرت الله وأستقمت من بعدها ولا تتداخل مع مستقبلك فلا تحدثي بها ولو نفسك وأسألي الله أن يبارك لك في مستقبلك وأكثري من الإستغفار. وفقك الله لكل خير وهداك لأحسن الأخلاق ورزقك الزوج الصالح
انا معاهم مش شرط تحكيله لان اللى فات من عمرك ميخصهوش فى حاجة
انما فعلا لازم تكونى مخلصة ليه من اول ارتباطك
ودا مش معناه انك بتخبى او بتكدبى الا اذا سألك عن حاجة معينة
تردى على اد السؤال من غير كدب او تحوير
وربنا يرزقك بواحد بجد يستاهلك وميكونش كداب لانى كنت محطوطة فى نفس الموقف وربنا يوفقك
انابردة راي من راي الشباب مش لازم تحكي حاجة اللي راح راح
خلاص انتي ابتدي حياتك صح وحاولي تختاري بالعقل وتدرسي الشخس اللي هيجي يتقدملك وتالسئ عنة وتشوفي اذا كان بيصلي ولا
اخلاقة عاملة اية عشان متكرريش اخطائك تاني
وربنا يسعدك يارب ويوفقك
اها مش لازم تقوليله اهم حاجه انك تكونى مخلصله من اللحظه اللى اتخطبتى فيها ويارب الزواج الموفق وكلمه اخيره الحب مش عيب حتى لو بتجارب كتير ادينا بنتعلم
d انا رأى انك متحكلهوش عن كل شئ فى الماضى بتاعك
لان مش من حقه انه يعرف ماضيكى او انه يحاسبك عليه
هو حقه عليكى من يوم ما لبسك دبلته انما الماضى ده بتاعك انتى
هو مش من حقه انه يعرفه ولو عرفه يبقى مش من حقه انه يحاسبك عليه
تقبلى مرورى
عزيزتى مفيش داعى بصراحه نحن الرجال دائما نتحسس من الماضى ونحن ندرك جيدا ان لكل امرءؤه ماض لاكننا لا نفضل معرفتهو ابدا وان عرفنا فيكون من بعيد عن المرءه يعنى من حد تانى ولاكن للرجال ماضى وللنساء ماضى فالخوض فيه كلام فاضى فانصحك عيشى الحظه ولو سئلك ردى بكلمه وحده (قليلو انت حبيب العمر كله ) وكملى بقا من عندك
لا لازم تصارحية من الاول لان خطيبك لو استمر معكى بدون ان يعرف شي واكتشف بعد ذلك انك كنتى تعرفي حد قبلة هيسيبك
لا طبعا لانه ليس من حقه ولكن من حقه من بدايه الخطوبه يبدا الحساب والله الموفق