السلام عليكم… انا فتاه عمري 25عام متخرجه من كليه.. احب شاب وهو يحبني ولكن ظروفه غير مناسبة لي واهلي مش موافقين عليه وحاولنا نبعد كتير عن بعض بس مبنقدرش… وهو ميقدرش ميطمنش عليا.
ولو قفلت الفون او عملت ليه حظر عشان احاول ابعد بلاقيه بيكلمني برضو من رقم تاني الشاب ده فقير جدا ومعاه دبلوم ومعندوش بيت هيأجر.
حل اننا نبعد عن بعض ده مستحيل، احنا مش عارفين نعمل ايه ولا تتصرف ازاي.
ياريت يكون في حل للمشكله دي غير ان انا ابعد عنو لانه هيحاول يوصلي باي طريقة، بابا مش موافق عليه خالص شايفو اقل مني في كل حاجه.
انا بنت متخرجه من جامعه واستغلت فتره قصيرة ف مكان و بطلت شغل وكان ف نفس المكان شاب معجب بيا و انا مش عارفه وجيت بعد فتره كبيرة جدا لقيته باعتلي ع الفيس بوك ودور عليا ووصلي ووعدنى هيجى ف الشهر دا وفعلا جه قالي كلمى اهلك عنى وخدى ميعاد اجى وعرفيهم ظروفي
ظروفه..هو شغال ومكافح جدا ومرتبه الحمد لله كويس جدا .أهله ميتين والده ووالدته من الصعيد لكنه ساكن هنا ف مصر جمب الشغل ومعاه أخوه لكنه مش شغال ع عكسه تماما هو مكافح وشقيان وعارف معنى القرش ومحترم اوى وهادى جدا راجل بالمعنى والله وبيحبنى اوى بقيت كل حاجه ف حياته لانه ملوش حد وقال عرفيهم هأجرلك شقه مكان ما هما عايزين وطلباتهم يكفي أنهم يوافقوا ان اكون خطيبك ومقدرش أنهم يبعدوكى عمى لانه حبنى جدا وكلم ناس معاه ف الشغل من بلدى سألهم علي اهلي قالو كويسين بس دماغهم ناشفه شويه
انا كلمت اهلي لكنهم رافضين حتى يكلموه ف التليفون ليه معرفش ..بيقولوا ايجار ايه ..من غير اهل ازاى صعيدى مالوش حد قاعد مالوش حد مش عارفه ايه واتغابو ف الكلام حسسونى أنهم بيعايروه باللي ربنا قسمه له زعلت اوى لانهم بيقولوا يبعت حد من الناس اللي معاه ف الشغل من بلدنا رساله مثلا انه فلان عايز يجى ..لكنه رافض مش عايز جمايل من حد وأنه يحرج اللي هيجى من ناحيته دا مع اهلي بسسب كلام المؤذى دا..وبيقولوا نقول ايه للناس انه ايجار والكلام دا طب الناس مالها جاوبونى مش كفايه هكون مبسوطه انا فرحانه معاه اوى ي جماعه ومش متخيلين ان حد يبعدنا والله جاوبوني..
مع العلم مش هيجى لوحده عمته جمبه وخاله وأخوه واخته متجوزه ومش وحيد وايه يعنى ايجار خمس سنين ع ما ربنا يكرمه ونشترى ليه حتى رافضين يكلموه فون ..مع العلم ان الكلام دا حكيته لولاد عمى رجاله هما اللي مربينى وكده وخايفين او مكسوفين يقولوا لابويا دا فلان حالته كذا كذا ..بس انا اول مرة ف حياتى اكون مبسوطة كده وافتح قلبي وارتاح بالشكل دا انا طول عمرى يتقدملى ناس فوق اوى لكنى رافضه عايزاه بسيط زى دا لكنهم صدى ومستحيل أقبل بغيره
قولولى اكلمهم و اقنعهم ازاى لو سمحتم انا حزينه اوى!!
انت تقولي انو الشاب ظروفه صعبة وفقير جدا بكلمك بمنطق العقل ده زواج مش لعب عيال منين هيعيشك ويصرف عليك ويوفر لك الحياة الكريمة وبكره يجيبوكم اطفال لو تزوجتم هتقدروا علي ايه ولاايه الحياة بقت صعبة جدا جدا يابنت الناس والغلاء في اسعار المعيشة شئ ماتتصوريه اهلك معاهم كل الحق وعارفين مصلحتك اكثر منك فلازم تسمع كلامهم وتصرفي النظر عن هذا الشاب وكل شئ قسمة ونصيب ربنا بيكرمك ياقمر باحسن منه ده رايي وانت حره بس تذكري انك لو تزوجت منه فلن تكوني سعيدة طوال حياتك
شوفي يااختي الحب مش كل حاجة لبناء حياة زوجية سعيدة عايزك تجاوبيني بكل صراحة اذا فرضنا الشاب خطبك بعدها هتعيشوا من فين وهل يقدر على تحمل وتكاليف الزواج ومسووليات زوجة وبيت وهو بهذا الوضع مايملك شئ من حطام الدنيا خليك عاقلة وفكري بعيدا عن العواطف والمشاعر هل تظني ان ده الشخص هو العريس المناسب لك وانك هتكون سعيدة ومبسوطة في حياتك معو تبقى واهمة جدا وتغالط نفسك استمع لكلام اهلك فهم ادرى بمصلحتك اكثر منك ومن اي حد ثاني واياك والاستمرار في العلاقة مع ده الشاب انهي علاقتك به فورا واخبريه بان الزواج قسمة ونصيب واحترمي رغبة اهلك علشان ربنا يرضا عليك ويؤفقك ويكرمك بابن الحلال اللي يستاهلك