مشاكل الحب والزواج

اهلي رفضوا حبيبي لانه مطلق والان يخونني

انا فتاة عندي 30 سنة حبيت شاب وهو بيحبني جدااااا واتقدملي رسمي بس اهلي رفضوا لانه كان مطلق قبل كده وطبعا حاولنا بكل الطرق اننا نقنعهم لكن مفيش فايده واحنا مش قادرين نستسلم لقرار اهلي لدرجة اني هربت م البيت علشان يتجوزني بس هو رفض ورجعني لاهلي غصب عني وقالي مش هتجوزك بدون موافقة اهلك واهلي حبسوني في البيت علشان محاولش اتواصل معاه تاني وجالي انهيار عصبي ساعتها ولما عرف اللي حصلي تعب جدا ولقي ان الحل الوحيد انه لازم يسبني علشان اهلي يرتاحوا ويبطلوا يعاملوني كده ..وفعلا سابني واصحابه واهله حاولوا يخرجوه م اللي هو فيه فجابوله عروسة علشان يتعرف عليها ويحاول ينساني … وهنا تيجي المشكلة احنا رجعنا لبعض تاني بدون علم اهلي ولسه بنفكر في طرق علشان نتجوز وندخل اطراف في موضوع جوازنا … بس البنت اللي جابوهاله اتعلقت بيه ومش راضية تبعد عنه حتي بعد مقلها اننا رجعنا لبعض وهو مش عاوز يجرح مشاعرها وانا مش عارفه اتخلص منها لدرجة اني بقيت اتعب كل ميجيبلي سيرتها … والقصة دي اتكررت تاني لما مرة اتخانقنا برده اتعرف علي واحدة جارته واتقدملها علشان ينساني ولسه برده في حياته ومش راضي يخرجها علشان قالي انتي سبب الخناقة اللي بينا وانتي اللي اضطرتيني اعمل كده وانا اللي طلبت اتقدملها ومش هصغر نفسي قدام حد .. بس مش هتجوزها مش هتجوز غيرك انا بحبك انتي وبس … هو مش بيكلمهم كلام حب ولا بيعشمهم بحاجة بس هما اللي اتعلقوا بيه ومش عاوز يكسر قلبهم … مش عارفه اعمل ايه بجد كل ميسبني يرجعلي بواحدة في حياته مبقتش قادره استحمل خلاص تعبت بجد

مشاكل وحلول ذات صلة

اضيف بتاريخ: Sunday, August 26th, 2018 في 09:08

كلمات مشاكل وحلول: , , , , ,

2 رد to “اهلي رفضوا حبيبي لانه مطلق والان يخونني”

  1. ابوالبتول
    12/01/2019 at 19:23

    بصراحة دون ماتزعل انت وحدة مش محترمة وبلا عقل ولاتفكير اهنت كرامة اهلك عشان واحد سافل وخاين ولايستاهل الجزمة اللي تلبسيها مش عارف انت ليه عملت كدا من قلة الرجالة ولا خوفك من شبح العنوسة اللي يطاردك لوعندك ذرة من الكرامة لقطعت علاقتك به نهايا واحترمت رغبة اهلك وطاعتهم واجبة عليك ارجعي لربك واستغفريه واندم على ماحصل منك وربنا بيكرمك بكل الخير ويرزقك بالزوج الصالح اللي يستاهلك ويسعدك العمركله

  2. ابوالبتول
    26/08/2018 at 17:12

    شوفي يااختي الزواج قسمة ونصيب وماحدش ياخذ غير نصيبه في دي الحياة طالما ان اهلك مش موافقين على الراجل فخلاص لازم تحترم رغبتهم وتسمع كلامهم والا عاوزه تتزوجيه بدون رضاهم ولا موافقتهم ساعتها يكون زواجكما باطل شرعا اتقي الله عزوجل في نفسك وفي اهلك وسمعتهم وكرامتهم واقطع علاقتك بهذا الشاب نهايئا البنت المحترمة المتربية تعمل كدا خليه يتزوج بمن يشاء وانت برضو شوفي مصلحتك وارضي اهلك علشان ربنا يؤفقك ويسعدك طوال عمرك انت الف من يتمناك والدنيا لسه بخير وهتلاقي نصيببك مع ابن الحلال اللي يستاهلك ويقدرمشاعرك ويسعدك طوال حياتك

اترك رداً أو حلاً لهذه المشكلة