انا بنت عندي 25 عشرين وشوية من حوالي 3 سنيين اتقدملي شاب محترم وناجح اتقابلنا صدفة وبعدين حسيت إني ميالة وبحبه وقالي عايز اتقدملك قلتله طيب كلم أهلي وبالفعل كلمهم و اترفض رغم انه حد مناسب ليا جدا وبيعمل في وظيفة مرموقة ومستقبله حلو إنشاء الله لكن مشاكل الأهل والحقد والظلم وحاجات كتييييييييييير المهم انتهى كده الموضوع في أول مرة وبعدين رجع تاني وقالي عاوزك ومش قادرة أرتبط بحد تاني فقلتله طيب حاول تاني ووحاول تاني وتالث والدنيا بقت كأنها حرب وأهلي ناس قبليين وعملوه مشاكل كتييير انا اللي اتأذيت فيها لكن رغم كل ده اتقدم مرة رابعة ووافقوا واتخطبنا لكن مالحقتش افرح لأن بردوه العيلة فشكلوها وعملوا مشاكل كتيير وااللي اتلقوا حجة ان انا كنت بدرس في مكان غير محافظتي وهو شافني هناك وجه واتقدملي لكن قعدوا يقولوا دول بيحبوا بعض دول مظبطنيها وحصلت حاجات وكلام كتييير عمري ماكنت اتوقعه وانا مشكلتي اني بحب العلم وبكمل دراسات عليا بس بعيد عن بيت أهلي وده عامل مشاكل كتيير وبحارب عشان اكمل وده هدفي في الحياه وأمنيتي وعملية وبحب اشتغل في مجالي اللي مالوش مكان في بلدي والشخص ده مسافر دلوقتي لكن هيعيش في نفس المكان وبيشجعني جدا واتقدم اربع مرات لدرجة ان اهله كرهوه وكرهوني ونفسيتنا تعبت واتدمرت وبقينا شبه الأموات مش عارفة ده غضب من ربنا ولا إيه المشكلةان الذنوب جات بعد كده بقينا بنتكلم والكلام بقى اوفر وغلط وانا تعبت ونسيب بعض ونرجع تاني والدنيا اتقفلت في وشي لا عارفة ابني مستقبلي ولا علاقتي بأهلي بقت زي الأول ولا حتى بيه علاقتي كويسة ولا بربنا وده اهم حاجة بس انا مش عارفة اعمل ايه نفسي زي اي بنت يكون ليا بيتي واعيش في امان واستقرار بس كمان اشتغل واكمل دراستي وطموحي هو نفس الميول الوحيد المتفق معايا في كل حاجة بيحب الشغل وبيكمل دراساته العليا وهيبقى دكتور بالجامعة وهواياته نفس هواياتي
ودلوقتي اهلي مش عايزني اكمل عايزني اقعد في البيت وانا لسه في نص الطريق وفي مشروع حد يتقدملي عن طريق ناس معارف و اصدقاء اخوتي لكن مش هيعيش في نفس المكان اللي عاوزه اعيش فيه وكمان هو أكبر مني لكن ساب كليته وهو رايح رابعة لأسباب عنده وبعدين دخل الجامعة المفتوحة
وفي سنة هما موافقيين ومش عارفة اقول لأهلي ايه بس انا بحب الشخص الأول جدا جدا جدا
هو كل حياتي ونور عينيه وأمنيتي الغالية ومابقدرش اشوف غيره رغم كل المشاكل والمشكلة الأكبر اني خايفة لو اتجوزت اظلم الشخص التاني معايا انا بحب الشخص اللي اتخطبتله الأول جدا هو اول انسان في حياتي ومش شايفه غيره وكل مايبقى فيه مشروع خطوبة بتتفشكل لأني مش عارفة اشوف غيره ولا اتخيل حياتي مع حد تاني انا تعبت هو لسه بيحبني وعاوزني فكر يتقدملي للمرة الخامسة بس خاف تحصل مشاكل تانية وتحصل بين أهلي وأهله لأن عائلتينا عائلات قبلية ومتعصبة زهقت مش عارفة افضل معاه ونحاول تاني بأي طريقة ولا اوافق على الشخص التاني ده وخلاص انا تعبت وزهقت من حياتي استغفر الله العظيم بقيت عايشه اتمنى الموت, كل حاجة في حياتي مشاكل الجواز الدراسة الشغل ومابقتش عارفة أركز في أي حاجة وحاسة ان كل ده بيحصلي لأن ربنا بقى غضبان عليا مش عارفة اعمل ايه
ll
مشاكل الحب والزواج
اختار حبيبي واخسر اهلي ولا العريس التاني
اضيف بتاريخ: Thursday, January 20th, 2011 في 03:15
كلمات مشاكل وحلول: اصدقاء, الجامعة, الجامعة المفتوحة, بنت, خطوبة, شاب, مشاكل الحب, مشاكل الحب والزواج
نفسى اعرف هوة لية لما علاقةالحب ما بين البنت والولد تنجح وتخش الاهل وتعرف بتفشل وتفشكل لية نفسى اعرف يعنى لو كنا مقولنلهومش احسن والا اية
اتمسكى بحبك وحوالى تقنعى اهالك
وافقى على الثانى علشان لو حصل حاجة او مشكلة مع جوزج الاول تلاقى امك وابوكى وقفين معاكى فى كل حاجة و كل د بسسبب البعد عن ربنا وارجوكى حاولى انك تتقربى من ربنا زى مثلا تصلى تصومى كل 2 و5 وكمان نصيحة اسمعى كلام اهلك او حاولى مرة واتنين وتلاتة وكمان مهما تعملى الى من نصيبك والى ربنا كاتبهولك هوا الى انتى هتخدى ورجاء قربى من ربنا شوية علشان تحققى كل الى انتى عاوزاة
متشكرة قووووووي ياجماعة على ارائكو خصوصا رشا انا عمري ماافكر اخسر اهلي ولا هو يرضى بكده احنا ناس عاقلين ومش صغيرين انا نفسي ربنا يحلها من عنده هو القدير على كل شيء وبجد ميرسي ليكم وادعولي كتييييييييييير
الحب شيء حلو لو ما بيجي مره مابيتعوضش خالص احسن حاجه الحب الاولاني وعلشان ماتزعليش هلك حاولي معاهم براحه واحده واحده شوفي حد كبير من عيلتك بيثق في باباكي او مامتك وكلميه وهو يكلمه المهم حاولي وبردو ماتزعليش اهلك وخليك مع ربنا وهو حيفضل معاكوا مش حينساكو ابدا انت شكلك بتحبي حبيبك اوي مش تقدري تستغني عنه ولو اتجوزت واحد غيره ممكن يحصل انفصال وبردو ماتتجوزيش بدون موافقه اهلك حاولي معاهم تاني وربنا يهديهم ليكي ويوافقوا طالما انت بتحبيه كدا بس المهم يبقي راجل كويس ومحترم يخاف عليكي ويبقي معاكي في كل حاجه حاولي مع اهلك تاني بس براحه وبالاقتناع وحاولي تقوليلهم ممكن اجوز ومعرفش اكمل مع حد غيره لاني بحبه وبيحترمني وديا اهم حاجه في اختيار شريك الحياه وكلام حلو لاهلك اتحايل عليهم شويه وهما اكيد مش حيزعلوك اسمعي كلامي الام والاب عايزين سعاده اولادهم بس فهميهم واحده واحده ان شاء الله خير بس لو حصل واتجوزت اتمني اني احضر فرحكوا مش تنسي تعزميني وانا حدعيلك والله والمهم خليكي فاكره ربنا وهو يفتكرك بالخير والسعاده ان شاء الله وحدعيلك والله يارب يسعدك وينولك الا في بالك الحب شيء حلو لما بيروحش مش حتقدري تعوضيه ومش اي حب الحب الحقيقي الا يقوم علي الاحترام والامان والخوف والادب والاخلاص ياري يسعدك يارب مع الا انت بتتمنيه
حبيبتى احنا مالناش غير اهلنا اياكى ان تخسرى اهلك لاى سبب ان كان
ويمكن يكون دا جزاء من ربنا انك مش قريبه منه لان فى رسالتك بتقولى انه شاب محترم يبقى ليييييييييييه الرفض؟؟؟؟
اكيد ربنا بيحبك وعايز يقربك منه واكيد دا ابتلاء من ربنا علشان تفوقى وتلجأي لله
حاااااولى التقرب لله وادعيه كتيييييييير
واستخريه فى الموضوع دا
صدقينى بقربك من ربنا هترتاحى
ربنا يوفقك
ربنا يقدملك اللى فيه الخييييييير يارب
اعتقد انه من الانسب في مثل ظروفك هذه الانتظار عام او اثنين بدون ارتباط
احزرى من ان تخالفى اهلك
لان المثل بيقول اهلك لا تهلك
وارضى بما قسمة الله لكى تكونى اغنى الناس لان لو باعك حبيبك حتروحى لمين غير اهلك
حاولى ان لاتخسرى اهلك
ممكن فكرة متهورة..
إزا شعرتي بنفسك بهاد الإنسان هو حياتك بالفعل وعن إيمان بالمصير المكتوب عليكي معاه.. فالأفضل إنكم تتزوجوا.. وتضعوا الأهل تحت الأمر الواقع.. بدون أي مقدمات.. لأنك لا أهلك دايمين إلك العمر.. ولا حتى أهله دايمين له العمر.. وليكن بعلمك لطالما وجدكم أهلكم إنكم متزوجين في البداية حتثور ثورتهم والله أعلم شو حيكون بيها وبعد فترة إكسبي رضا أمك ورضا أبوكي.. لانها هاي حياتك وإنتي يلي حتعيشيها مع زوجك.. مش مع أهله ولا أهله معاكي..
توكلي على الله وإثبتي لأهلك وهو يثبت لأهله إنكم رسمتم مصير حياتكم بهالزواج.. وإزا صار إلك نصيب في الشخص يلي بتتمنيه إنشاء الله بتنتهي المشاكل..
هههه حساد أهل العلم كثيرين..
كل ده بسبب البعد عن ربنا حاولى تقربى من ربنا وتعيشى حياتك الطبيعيه واكيد اللى من نصيبك هو اللى هتاخديه وعموما هو ممكن يتقدملك للمره الاخيره وتسافرى معاه وربنا يحنن قلوب الأهل على كل اتنين بيحبو بعض ويحاولو يجمعوهم بالحلال وتمنياتى بالتوفيق والسعاده