مشكلتي ان انا وابن خالي بنحب بعض من 3سنين وكنا اتكلمنا مع بعض عن طريق النت ﻻن انا كنت عايشة وقتها فبلد تانية وكان قاللي انه هيخطبني اما نرجع مصر
وكان كلم مامته وباباه ووافقوا بس انا رفضت عشان كنت صغيرة وقتها
وماما عرفت وكان رد فعلها انها منعت النت من البيت ومكنش فيه بيننا اي تواصل لمدة سنتين في الفترة دي قالتلي ان هوا انسان وحش
ومش مناسب ليا وان هوا كان بيضحك عليا واتعذبت بجد في السنتين دول عذاب نفسي وكنت كل يوم بنام وانا بعيط ومكنتش قادرة اعيش
بسبب تعامل ماما معايا في فترة السنتين دول وخلتني اكره بسبب الكﻻم اللي قالتهولي عنه واما سافرنا مصر
وشوفته مسلمتش عليه وهوا اتاثر جدا بعد كده بعتلي عالنت رسايل كتييييير واكتشفت انه هوا كمان اتعذب فالسنتين
اللي فاتت واعز صحابه كان مات وكان محتاجني جنبه فالسنتين اللي فاتو بس انا مكنتش اعرف
المهم فضلنا نتكلم عالنت لغاية اما ماما عرفت تاني ومنعت النت تاني وهوا وقتها تعب ورجعت كلمته تاني وقاللي انه هيخطبني فاﻻجازة واتفق مع باباه وباباه كلم ماما
المهم ماما عرفت تاني قبل اما نسافر باسبوع وقالتلي خطوبة مينفعش دلوقتي مش هوافق اﻻ اما تبقي فتانية كلية المهم بعد اما سافرنا كنت بفتح رسايله القديمة عالنت وكان بيبعتلي بس مردتش عليه ﻻني كنت وعدت ماما وخالي التاني اني مكلموش اﻻ اما اخلص ثانوي المهم سالتني انتي بتكلميه قلتلها ﻻ بس مصدقتنيش وحصلت مشاكل جامدة وبابا عرف ووافق عليه وماما اخيرا وافقت
المشكلة انا في تانية ثانوي وهو خلص كلية وبيشتتغل وهوعايز الخطوبة تبقي اما نرجع مصر قبل الدراسة او في اولها والجواز يبقي بعد الثانوي وانا خايفة ﻻني فثانوي ومتفوقة ونفسي ادخل طب وخايفة اتشغل وكده وماما شايفة ان الخطوبة تبقي بعد الثانوي واما ماما سالتني الخطوبة تبقي امتي قولتلها بعد الثانوي وهو بيقول كده كتير وهو تعب فالسنين اللي فاتت جامد ودلوقتي مش عارفة اخد قرار تبقي الخطوبة بعد الثانوي وﻻ تبقي بعد شهريين ارجو المساعدة و اسفة علي اﻻطالة
مشاكل الحب والزواج
نعمل الخطوبة دلوقتي ولا لما اخلص الثانوية
اضيف بتاريخ: Wednesday, February 20th, 2019 في 02:42
كلمات مشاكل وحلول: الثانوية, الخطوبة, النت, بنت, مصر
انا من رأي طالما هو شاريكي و خطوبتك دلوقت مش هتسببلك احراج مسط زمايلك اعملوا الخطوبة بعد شهرين و متستنيش للثانوي لأن ممكن تفكير ف الخطوبة و فيه و كدة ممكن يبعدك عن المذاكرة انما لما تحسي انه خلاص بقي معاكي علطول هتبقي نفسك مفتوحة ع الدنيا و المذاكرة و خليه هو كمان يشجعك و يحفزك انتي اطلبي منه كدة و قوليله لو احنا قاعدين مثلا بنتكلم و طولنا اقفل معايا و قولي روحي ذاكري او كدة و علفكرا لما حد بتحبيه يطلب منك طلب حتي لو علي معكس قرونك هتعمليه و انتي في غايه السعادة ف ربنا يوفقكوا و يصلح لكم الحال 😚😚😚