السلام عليكم انا مشكلتي اني بحب شخص زميلي ف الشغل من بدايه علاقتنا واحنا ف مشاكل اولا هو مش جاهز ماديا ثانيا مديرنا ف الشغل مش بيحبه وانا اقدم منه ف الشغل وبدا المدير ينقل كلام لعيلتي ان حبيبي بيتقرب مني عشان ياخد مكانتي ف الشغل وهو اكبر مني ب 6 شهور بس ولما اتقدملي رسميا اهلي كانو اخدين فكرة وحشة عنه من قبل مايدخل البيت والكلام اللي اتنقلهم كان ماثر عليهم ده غير انهم مااتفقوش مع اهله من ناحية تفاصيل الجواز ورفضوه بس هو بيحبني اوي واتفقت معاه انه هيستنا شويه ويحاول يكلم اهلي تاني لكن المشكلة دلوقتي انه عصبي اوي اوي وغيور بشكل مستفز يعني بكون عند المدير وبنتناقش ف مواضيع تخص الشغل الاقيه بيقولي انتو بتتوشوشو ف ايه وبقيت كل ماادخل للمدير اقعد ازعق واعلي ف صوتي عشان ميفتكرش اني بتوشوش معاه ف حاجه وكل يوم بقنا ف مشاكل بسبب غيرته وشكه وسيبنا بعض كذا مرة وانا بدات ازهق من كتر المشاكل مفيش يوم بيعدي غير لما نتخانق ومبقيتش عارفه اعمل ايه وكل اللي بحكيلهم بيقعدو يقولولي اسيبه وانا بعمله كل اللي هو عايزه عشان ميبقاش في حاجه تزعله مني وبرده مش عاجب قولولي اعمل ايه
مشاكل الحب والزواج
حبيبي زميلي ويغير عليا من المدير
اضيف بتاريخ: Thursday, May 26th, 2011 في 00:50
كلمات مشاكل وحلول: الزواج, مشاكل الحب, مشاكل الحب والزواج
المفروض انك تحبى عشان بيغير عليكى وبلاش تسمعى لكلام الناس الى بتقولك سيبية يبقى حرام عليكى انتى وربنا يحسبك ودى حاجة حلوة الغيرة حاجة جميلة
والله انا رأيي انك تسيبيه
اولا : غيرته زايده اوـــــي
تانيا : المدير الوحش دا مش حيسبكو ابـــدا
تالتا : اهلك مش حيسدأوكي وحيسدأو مديرك الوحش دا وكمان اهلك مستحييييل يغيرو رأيهم ابدا
فأنا بانصحك انك تسيبيه 🙂
الشخص ده واضح انه بيحيك أوي و حاجه طبيعية إن الإنسان اللي بيحب حد بيغير عليه من كل الناس.
و أنصحك ما تفرطيش فيه و استنيه لغاية ما يكون قادر ماديا إن شاء الله
و بالنسبه للمدير بتاعك في الشغل : واضح إنه عينه عليكي: حاولي تحسسيه بالذوق كده إنك مش بتبادليه نفس الشعور
و حاولي تخليه ما يتدخلش في حياتك الشخصية و يكلم أهلك و يقول لهم يعملوا معاكي إيه و ما يعملوش إيه. و لو ده مش هيأثر على شغلك واجهية و خليه ما يتدخلش في حياتك الشخصية
اولا السلام عليكم انا بنت عايزه اقلك فكرى جدا فى الموضوع ده لان الغيره ممكن توصل لشك ويحصل مشاكل كتير انا كنت مرتبطه وكنت بحب خطيبى ومكنت اتوقع انى اسيه فى يوم بس من غيرته وعصبيته بجد مقدرتش استحمل ومحصلش نصيب واعرفى ان ربنا بيعوض بالخير والله بس طلما فى مشاكل من الاول ابعدى عن الموضوع احسن وفى الاول والاخر الى ريده ربنا هو الى هيكون وربنا يوفقك ويوفق جميع المسلمين بالخير يارب
طيب انتى فى مشاكل وانتو مش مرتبطين فما بالك لما تبقى مراته هيسمحلك تقولى لمديرك صباح الخير وبعدين ما تربطيش مصيرك بالمجهول
ربنا يوفقك
عليك السلام ورحمه الله وبركاته – اختي حاولي ترضي حبيبك بقدر الامكان انك مش تبعدي عنه وف نفس الوقت تكوني تحسسي مديرك ف الشغل انك مرتبطه بشخص بيحبك وعمرك ما تفكري ولا هتفكري انك تحسي ناجيته غير ان هو مديرك ف الشغل وبس علشان لما يحاول يقرب منك يكون عارف انك بتحبي شخص تاني وياريت تقدري تضغطي على حبيبك انه مش يغير عليكي بمعنى انك تحسسيه انك شايفاه احسن واحد ف الدنيا وعينك مش فيها غيره كدا يتاكد ان مش في حد ف حياتك ولا حد يملى عينك غيره – واتناقشي معاه ف كل حاجه وخصوصا ف حوار غيرته عليكي وان شاء الله ربنا هيوفقك معاه وربنا يهديه ليكي ويهديكي ليه – وعجبني اوي راي اخي اللي قال صلي صلاه استخاره –
يمكن رأيي يدايقك بس انتى وقعتى فى ناس مبترحمش ولا حبيبك فاهمك وعندو ثقه فيكى واكيد هيقعدك من الشغل دا بعد الجواز ومدير رزل بيزود غيرة حبيبك واهلك اللى اخدو بكلام مديرك دا .انا من رايى بلاش تكملى الموضوع دا اولا اهلك مش موافقين .ثانيا غيرته زايده عن الحد بشكل هيدايقك انتى وهيقلل الحب بنكو ثالثا المدير دا مش هيسيبكو فى حالكو بلاش تعملى حاجه وترجعى تدمى عليها لان لو لا قدر الله حصل بنكو مشاكل وانفصلتو بعد الإرتباط اللى هيشمتو فيكى كتير وأقل كلمة هتتقالك هو دا اختيارك فبلاش وصدقينى هتلاقى اللى يستاهلك بجد ويحبك ويقدر ظروفك
وعليكم السلام ورحمة الله وبركاته
اختي السائله لا ادري من اين ابدا في تعليقي على مشكلتك لتعدد الاطراف فيها !!الحبيب الغيور ..المديرالماكر ..والفتاة الحالمه …واقسملك بالله ان اكثر ما استفزني واثار غضبي في مشكلتك هو هذا المديرالذي اعطى لنفسه بدون وجه حق دور الواصي عليك هذاان لم يكن له اغراض ونوايااخرى .هو يغتاب الناس لينقل كلام لعائلتك(صدق اوكذب) عن شخص متجاوز حدود الدين القيم والاخلاق اولا ومتجاوز حدوده كرئيس عمل ثانيا وصدقني غيرة حبيبك منه في محلهاوامر طبيعي جدا جدا..ومن غير ما تعلي صوتك عند المدير ولا تهمسواتتطلبي منه عدم التدخل في حياتك الخاصه كما اتمنى ان تحجمي علاقتك بيه بمعنى مديرك في العمل فقط وحياتك الخاصه ملك لك لا تدعي له مجال في اقتحا م خصوصياتك ابدا ,,,,بالنسبه للحبيب الغيور فقد ذكرتي انك تحبيه وان من بدايه العلاقه يوجد مشاكل وهو غير جاهز ماديا اترفض من قبل اهلك عصبي لم يكن هناك اتفاق بما يتعلق بتفاصيل الجواز وغيور بشكل استفزازي +دخل البيت من الباب وتقدم رسمي ,,,,تطلبي منه يتقدم تاني ولاخر مرة بدون تاخير ليضع النقط فوق الحروف امام الاهل ولتضعي حد لهذه العلاقه المترنحه .غير كده فرجاء كل الرجاء ان تقطعي علاقتك فيه وبسرعه لان الموضوع لا يحتمل صبر وتلكيك,,, اماالفتاه الحالمه وهو كل ما يهمني في القصه فاحب ان اقول لها ان البنت “ســـمــعه”دعي القلب والحب جانبا حبيبتي وفكري مليابعقلك …. الله معاكي
يا سيدتى إجلعى نفسك مكانه ماذا ستفعلى ؟؟؟ هل لاحظتى إعجاب من مديرك ناحيتك أم لا؟؟ ومن ناحيتك أنت من تفضيلين… من غير تجريح ومن غير زعل…الشخص بيحبك وطيب وإنتى؟؟؟ لسه بتحبيه…لو لسه بتحبيه تجنبى الكلام مع المدير إلا فى حدود العمل بس ويكون حد عنه؟؟ أما حبيبك فلا أحد يلومه على غيرته عليك …وما دخل مديرك إنه ينقل كلام مش كويس عنه؟؟ لماذا أنتى الوحيده التى تعرفى الإجابه؟؟ لو أى شخص مكانه هيزعل وممكن يترك الشغل
صعب ان الواحد يأخذ منه شيئ غصب عنه بسبب الظروف الماديه ؟؟ صعب جدا ولكن يبدوا إن مديرك له رأى آخر؟؟؟ إحذرى وخدى بالك من نفسك وإتركى ذكرى جميله لأى شخص تتعاملى معاه أى كان؟؟ وربنا معاك ويوفقك…تحياتى
انتما من البداية فى مشاكل وانت الان على البر صلى صلاة استخارة على ان تتركيه فإن ارتاحت نفسيتك لتركه اتركيه وان شاء الله سوف يرزقك الله بمن هو افضل منه وليكن اختيارك على اساس الالتزام والصلاح
السلام عليكم يا اختى واضح ان حبيبك دة عندة غيرة بجنون ونوع الغيرة دة للاسف اتحمل لشك مرضي عندة واضح انه حاجة من الاتنين يا اما مش واثق فيكى يااما مش واثق في نفسه وانا شايفة الاكتر رقم 2 هو تقريبا حاسس بنقص بسسبب ظروفة وعشان كدة هو بيشك ان المدير بيقربلك حاولي تتكلمى معاه بهدوء وتفهميه ولو الطريقة دى منفعتش يبقي خلاص سيبه لانه بالطريقة دى هيعيشك في جحيم ونار الغيرة بتموت وربنا هيبعتلك اللي يستاهلك وقتها
okhti madam birar 3aliki da bya3ni ino bihibik hafdi 3alih ana batmana gozi irar 3alaya 3achan a3raf ino bihibni