السلام عليكم :-
انا عندي مشكله ارجو الافاده
انا بقالي فتره طويله بيأتي الي خطاب كتييير و كلهم عن طريق خاطبه , بس بنلاقيهم ان كلهم مش جد و جاين يتفرجوا و يقضوا و قت و خلاص !!
و احنا مش لينا معارف كتيير و اعتقد ديه الطريقه الحاليه و الله أعلم !
من فتره كده اتقدملي واحد من قرايب ماما بس انا عمري ما اتكلمت معاه قبل كده و لا أعرف عنه حاجه و بس المشكله بقي ان الموضوع في حساسيه شويه احنا طول عمرنا في الخليج و انا متخرجه من طب و هفتح عياده قريب ان شاء الله و هما اقل شويه في المستوي
و بالتالي لما حبوا يفتحوا الموضوع مش كلموا ماما و لا بابا كالموا جارتمهم تاخد رأي انا الأول قبل ما الموضوع يدخل في الجد
المشكله اني حاسه انه مش مناسب ( طبعا مش عارفه عنه اي حاجه ) , دايما كل واحده فينا ليها طموحات و أحلام , انا كان نفسي في حد قريب من تفكري , ملتزم , نسافر بره ندرس و نشوف الدنيا , مرح ,
و هو خريج تجاره و بيعمل دكتوراه وهو ساكن في الاسكندريه ( طبعا بعيد عن مكان شغلي انا و دراستي )
وزي ماقلت مشكلتي مش عارفه اوافق ولأ , لو قلتولي اقعد معاه و نتكلم ده مش هينفع لان علشان اقعد معاه لازم اقلهم ماشي موافقه يجي يوزرنا و لو جيه و اكتشفت انه مش الشخص المناسب لو قلت لأ علاقات العائله هتبوظ ويقلولي طالما مش موافقه وقفتي ليه من الاول !!
لو قلتولي أسئل عليه , صعب لأن اللي يعرفه هو عيلتي و انا مش عاوزه الموضوع يتسيح !! و هما سكنين في بيت عيله يعني لو حد كح كل الناس تعرف 🙁
و الخوف كمان من مشاكل جواز القرايب !!
لو مش وافقت و نهيت الموضوع وخلاص , مش عارفه كده يبقي انا غلطانه ” من أتاكم من ترضونه دينا و خلقا فزوجوه ” و يبقي ضيعت فرصه كويسه في حد جد ناوي الزواج فعلا !!
لو أخدنا موضوع انه مجتهد انه بيعمل دكتوراه –> مش عارفه ليه بحس انه عامله علشان بس يحسن من وضعهم مش عالشان فعلا عاوز يكمل !! ان بعض الظن أثم !
مش عارفه ارد عالي جارتهم اقولها ايه ؟!!
بجد حيرانه اووي :(((((((((((
مشكلتك نفس مشكلتي ماتفرق ولا باي تفصيل … حاسس فيكي اتمنى لك بالتوفيق والخير مااقدر احكي غير هيك لاني فكرت عنك ولساتني متلك محتااره
لماذاالحيرة يااختي الزواج قبول ورضا من الطرفين ماحدش يغصبك على احداوشي انت مش عاوزته مهماكان وانت متعلمةودكتورة وست العارفين اقعدي مع الشاب ولكما النظرة الشرعية واعرفي طباعه وطموحه واخلاقه والانسان اهم شي فيه الجوهر الدين والاخلاق بغض النظر عن شهاداته ومركزه ومسالةانواهلك عارفينه هوواهله فهذا شي طيب ويحسب لك اكيد اهلك مايرضون لك الاكل خير وسعادة وتهمهم مصلحتك توكلي على الله وقابلي الشاب ولتكن خطوبة عشان تدرسوا بعض وتعرفوا بعض اكثر وربنا يتمم لك بالخير ويكتب لك الافيه النصيب يادكتورة
ياسيادةالدكتورةالمحترمة في دماغك حاجةمش كويسة ارجوعدم الزعل من ردي لكن دي هي الصراحةوعاوز اعرف انتي بتفكري في ايه اوليه تضعي كل الفرضيات حجرعثرةفي طريقك وكانك تعلمي الغيب اوتتوقعين الشي قبل وقوعه واسمحي لي اقولك ان تفكيرك غير سليم ولامنطقي اطلاقا ايش يمنع انك تشوفي الشاب وتتعرفي عليه وعلى طموحه واحلامه وبعدهاتقرري الاختيار بدلا من التسرع في الحكم على الاخرين ودي قمةالانانيةوالغرور والتعالي على الناس والشاب ماغلط عاوز يرتبط بك واكيد سال عنك وعن عيلتك وعارف الاصول خلااحديكلم اهلك ومنتظرالردمنهم وانت خليه يجي يتقدم لاهلك وتكون حتى خطوبةمنهاتتعرفواعلى بعض ويحصل التفاهم والانسجام وبعدين تقدري تحكمي عليه بالقبول كزوج لك اوالرفض ده من حقك الشرعي ولااحد يقدريغصبك عليه اوبفرضه عليك تماما وعمرالحياةماكانت بالتباهي بالثروة اوالشهادات العالية انماالحياةبالحب والتفاهم والشعوربالسعادةوراحةالبال وربي يوفقك يادكتورة ويسترعليك
طيب انت هتعرفيه ازاي الا اذا قابلتيه واتعاملتي معاه هيبان اسلوبه في الكلام وتفكيره يناسبك ولا لا ، فيه ناس كتير بيكون اهلهم متواضعين ماديا بس بيكون راقي في تصرفاته ومنفتح في تفكيره وطموح مدام هو انسان اخلاق ومحترم وملتزم قابليه ومش هتخسري حاجة وكله في الاخر بتاع ربنا استخيري بعد متقابليه وربنا يوفقكم ان شاء الله
بالنسبة لي لا أستطيع تقيم الأمر لكن عليكي بصلاة الاستخارة فإن كان خيرا لك سوف يجعله من نصيبك وإن كان لا فسوف يبعده الله عنك.
وفقك الله لما يحبه ويرضاه