انا بنت من صغرى وانا مميزة فى كل شئ متفوقة جدا فى دراستى وفى اسرتى وكل الى يعرفونى كانو بيحترمونى جدا لانى متفوقة وجميلة ومن اسرة مميزة حصلت على مجموع كبير فى الثانوية ولكن للاسف دخلت كليه اقل من مستواى وفى الوقت ده اتخطبت لعريس وسيم ومنصب عالى بس اسرته اقل شويه من اسرتى فى المستوى ويكبرنى بعشر سنين شخصيته كانت ضعيفة قدامى كنت بحس انى اذكى منه وبفهم كتير عنه كان غشيم فى تصرفاته حسيت انى مخنوقة منه ومش عايزاه وفسخت الخطوبه واهتميت بدراستى وحافظت على تميزى وبعد مخلصت اتخطبت علطول لشاب وسيم جدا وزكى ومنصب كويس بس كان فى فارق اجتماعى كبير بينا فى الاول كنت فرحانه جدا بعد كده حسيت انه عنده نقص وانه بيرسم على ومبيحبنيش اتخنقت من اسلوبه وقلتله خلينا اخوات وفسخت الخطوبه وبعدها بشهر تقريبا اتخطبت لعريس كويس جدا دكتور واخلاقه عاليه جدا وبيحبنى جدا جدا بس يمكن انا اعلى منه شويه فى العيله وانا مش عارفة انا بحبه ولا لا بس ساعات كتير بحس انى مش قادرة احبه هو مسافر وانا لسه مشفتوش بس بنكلم بعض وخلاص هو بيجهز شقته وهيجى على الفرح انا خايفة محبوش بعد الجواز بس مش عارفة اعمل ايه اهلى قالولى ده عريس كويس ومحترم وهيحافظ عليكى وهو فعلا محترم جدا واخلاقه عاليه بس انا مش عارفة احب خالص ونفسى ابنى اسرة ناجحة ومميزة ساعدونى فى حل مشكلتى جزاكم الله خيرا
يابنتي انت عايزه ايه بالضبط انامش عارف انت تفكري ازاي والا ايه اللي يدور في راسك 3شبان زي الفل رفضتيهم وفسخت الخطوبة معهم ليه مش عارف لوعلى الشهادات والمناصب والفلوس طزفيهم اهم شي في الارتباط للبنت هوالدين والاخلاق للاسف انت مش مهتمةبهم وده هوسبب تعاستك وفشل خطوباتك السابقة مع الشبان اللي تقدموالك تاكدي انك غلطانةمليون مرة في تفكيرك لاختيار العريس المناسب راجعي نفسك واحكمي على الناس مش بالمظاهرالكذابةاوالمزيفة وانمابالاخلاق والتدين فاظفربذات الدين ترابت يداك وهذاحديث الرسول الكريم للشباب وللبنات سواء اتمنى انك تحسني الاختيار لشريك العمر وتسالي عنه جيدا وتتاكدي من دينه واخلاقه فان صلحا فالشاب صالح للزواج منك وان فسدا فلاخيرفيه اطلاقا حتى وان كان ابن وزير اوريس جمهورية
انتي محسساني انك نازله من السما باسرتك دي ومستواكي العالي ايه ياعم الغرور ده