السلام عليكم
انا محتاره ومش عارفه اخد قرار اتمني تساعدوني انتم زي اخواتي
انا مخطوبه ومكتوب كتابي وخطببي بيحبني جداا وهو انسان طيب ومش بيدخن ورياضي وشكلا حلو طبعا مش مهم عندي الجمال
لكن بقي
هتجنن من عيوبه هو شخصيته ضعيفه جدا انا بحس ان شخصيتي اقوي منه وكمان مش مثقف خالص ولا يعرف اصلا الكمبيوتر بيتفتح ازاي
ولا بيقرا كتب ولا حتي دنيويا مش عارف يتعامل ازاى يعنى انسان لخمه وبيكدب كتير ويحلف بالله كدب وهو بقي من الاخر بتاع ماما واخته كل كبيره وصغيره يروح يحكي لامه ولاخته وهو اصلا دي مش امه دي خالته الي مربياه و بنات وولاد خالته لان امه الي في البلد زمان وهو صغير كانت تعبانه ومعاها اطفال راحت اختها اخدت ابنها الي هو خطيبي وربته لحد دلوقتي بقي يقولي خاللتي دي هي امي وكل حاجه ليا وبنات خالتي وولاد خالتي دول اخواتي ااقوله بس امك الي في البلد شرعا لازم تطمن عليها وتكلمها هو كل مناسبه او عيد لو راح لها
انا مدايقه هو كده مش بار بامه دي لو يهوديه اسلامنا بيامرنا نبرها وكلمته كتير يقولي ما انا بكلمها وكمان ايه يروح بقي يقول لخالته الي هو بيقولها ياماما اي حاجه بتحصل واي حاجه بقولها له وهي بقي بتقلب عليا بصراحه انا مش بحبه حاولت كتير ااقرب منه مش قادره احبه حاسه انه في نظري صغير اوي وكلمته كتير اوى بكل صراحه لازم تتغير برضو مفيش فايده كتير ااقوله حاول تتكلم معايا تحكيلي عنك او عن الشقه هنعمل ايه هنجيب ايه ولا اي حاجه ولا عايز يعرفني اي حاجه عنه لكن امه واخته هما فاهمين كل حاجه وهما الي بيمشوه
وغير كده اهلي مقتنعين بيه لانه طيب وبيحبني لا وايه هيساعدوه بكل حاجه في الشقه انا هتجنن بصلي استخاره بحس انى مش طياقه وساعات احس اني عايزه اكمل واتجوز وخلاص عشان ارضي اهلي لاني اكبر اخواتي ونفسهم يفرحوا بيا انا واخواتي وعندنا بيقولوا انتي خلاص اتكتب كتابك وهو ده مفبش غيره ومعلش استحملي هيتغير بعد الجواز
بالله عليكم انا محتاااااااااااااره ردوا عليا اعمل ايه ده المفروض هنتجوز وفي شهر 6 وانا كل ما اغتكر كده ادايق
بالله عليكم ساعدوني
مشاكل الخطوبة
مش بحب خطيبي ونفسي اسيبه
اضيف بتاريخ: Tuesday, April 5th, 2011 في 04:13
كلمات مشاكل وحلول: الكمبيوتر, بنات, مخطوبة, مشاكل البنات, مشاكل الخطوبة
كنت هقولك سيبيه ……… لقيتك بتقولي الفرح ف شهر 6 واحنا دلوقتي ف شهر 7 مش عارفه بقى اتجوزتي ولا لسه
أختي العزيزة أنا فهمت من كلامك أنك مش راضية عليه من أول وهلة لكن هناك ضغوط عائلية أجبرتك على القبول به لكن أقول لك أن القرار بين يديك ويرجع لك لانك أنت من ستتزوج وليس أهلك ومادام أنت مش رضياه هذا من حقك ومن حقك الرفض كمان وهذا من تعاليم ديننا أن تشاور البنت في اختيار زوجها ولها كل الكلمة في ذلك ،لذا يا أختاه الصراحة راحة صارحي أهلك وأقنعيهم أنك مش رضياه ولو كانو بحبوك ويخفون عليك ما يجبروك على شيئ أنت مش عيزاه وصارحيه هو كمان لو كان رجلا حقا راح يفهم لأنه ما يقبل أي رجل في الدنيا أن يعيش مع بنت ما بتحبه ما بقنعها واذا أقنعوك أن الحب والتراضي يأتي بعد الزواج فهذا جهل وبهتان لأن الأصل الزواج يبنى على الحب والتراضي من الطرفين قبل وليس بعد
وأعلمي أن الحب والتراضي والقبول سر الزواج السعيد
اسوؤ شىء ان يكون رجل ضعيف الشخصية حاولى من اصلاحة لانها جوازة محسوبة عليكى حاولى تحسسيسة باى شىء هو مش فية انو فية خلية يفرض شخصيتة عليكى كونى لة ناصح امين والله الموفق المستعان
انا كنت مخطوبة لواحد تقريبا نفس شخصية خطيبك جربت معاه كل اللى بتقولى علية ده واكتر منفعش اخواتة كانو يجو البيت عندى ويشتمونى ويكلمونى على انى هكون خدامة عندهم مع انى احسن منهم فى حاجات كتير معايا شهادة عالية+دراسات عليا وشغالة فى معهد كمبيوتر خاص ومدرس بالحصة عارفه صدقينى فكرت كتير قبل ما اسيبو حسبتها صح الراجل مش بيغير طبعو حتى لو غيروا بيتغير مؤقتا وبعد كدة بيرجع زى ما هو بس هو على فكرة مش عديم شخصية وهو حافظ الجميل لخالتو مقدرش اقولك شخصية بالوضع ده ممكن تكون كويسة فكرى كويس لحسن تتحسب عليكى جوازة وخلاص و صلى كتير وادعى ربنا يختارلك المناسب ان شاء الله يطلع ظنك مش فى محلة فى حكاية انعدام الشخصية دى احسن دى كارثة
مش عارفة اقولك اية بس حاولى تغيريه قوليله كل الكلام دة شوفى رد فعله اية بس قبلها صلى استخارة تانى وواجهيه بكل حاجة وشوفى الامور هتمشى ازاى ربنا يوفقك