انا سنى 27مرتبطة مع انسان حنون جدا و طيب قوى مرتبطة بيه من 10 سنين طول الفترة دى كنت بحس بتانيب ضمير فى بعض الاوقات علشان اهلى ما يعرفوا و لو كنت قولتلهم كانوا مش هيفوفقوا علشان لسة ما خلصت تعليمى مع انى كنت بكلمه و اهلة كانوا عارفين و كنت بكلمهم باستمرار حتى فى المناسبات و لما جت مناسبة علشان اعرفهم لانى حسيت انهم بيحبونى قوى و كانوا دايما بيسالوا عنى عن طريقى لحد ما جت مناسبة و روحت ازورهم و رحبوا بيا الى حد ما بس طبعا بعد ما مشيت كل الكلام الحلو المعروف طبعا اتقال و بعد كام سنة ظروفى و ظروفه اتحسنت و اتقدم لخطوبتى بعد خلافات كتيرة من اهله بس الزيارة لكن الموافقة كانت كويسة و تمت الخطوبة بس فوقنها انا كنت مش فرحانة خالص مع ان كل اللى حوليا كانوا فرحانين جدا حتى اهلة و اهلى و انا اللى مكنتش مبسوطة مش عارفة ليه و بعد سنة من الخطوبة حصلت مشكلة بينه و بين اهلى و كانت كبيرة جدا ارتبط بيه ارتباط مش كويس كان هيسبب مشكلة كبيرة او بمعنى اصح فضيحة لكن ربنا سترها و حاولت من بعدها اقرب من ربنا و ما اكررها تانى بس من حين لاخر يساورنى احساس الذنب و احساس الشوق ازاى الاتنين مع بعض مش عارفة و انا نفسى اكمل الارتباط باسرع وقت بس اهلى و اهله رفضين و الموضوع كدة متعلق و انا و هو اللى ضيعين و اللى تعبنا ان كل واحد فينا مش هيعرف يعيش مع حد تانى لان اللى بقى بينه و بينه مش حب و اشواق لا اكتر من كدة بكتيييييييييييييير دى عشرة 10 سنين بعمرنا كله و المشكلة انى مش هعرف ارجع لاهلة و هو يرجع لاهلى ازاى ؟؟؟؟ بس الخلاف اللى بينه و بينه الان انى عرفت انه بيعرف بنات من على النت مع انى عارفة انه بيعملها علشان ينسى همه و عارفة كويس انه حاسس بالذنب ناحيتى و من ساعت خطوبتنا و احنا بنعاند بعض و مش بنعرف نوصل لحل يرضينا و دايرة الحب اللى بينا بدات توسع مش عارفة اعمل ايه
اهلى و اهلة معلقين الموضوع و انا عوزة ارجعله وحشنى جدا و مشكلة البنات دى مجننانى و مش مخليانى ارجعله
مشاكل الخطوبة
الخطوبة معلقة و خطيبي بيكلم بنات
اضيف بتاريخ: Thursday, June 30th, 2011 في 10:29
كلمات مشاكل وحلول: الخطوبة, النت, بنات, مشاكل البنات, مشاكل الخطوبة
يابنتي حرام عليك تعمل كده في نفسك 10سنوات مع الشاب وهولاعاوز يتحرك ويقنع اهله بالزواج منك واعتقدانه رجل فاشل وضعيف الشخصيةتماماومايقدرش يتخذ قراره بنفسه ولايقدرش يخرج عن طوع اهله الافضل انك ماتسكتي على الوضع هذادام انواهله واهلك حصلت بينهمامشكلة زادت الطين بلة وتعقدت الامور للاسوء فمن الافضل لكي فسخ الخطوبةوارجاع الدبله له وكل شي قسمةونصيب وهولويحبك بجد وصادق المشاعر يتمنى لك السعادةومايوقف جحرعثرة في طريق سعادتك مع انسان اخر بالعكس يقول لك اني حاولت مع اهلي ولكن الظروف اقوى مني ومنك والله يسهل عليك ويسعدك مع شخص غيري تاكدي هذةاخلاق الرجل الصادق واللي يخاف الله في بنات الناس ويحب الخيروالسعادةللاخرين من غيرانانية اوحقداوحسد وبدون زعل وربنايوفقك ويكرمك بالزوج اللي يستاهلك ويسعدك
حاولى ترجعيلو وتقربو من بعض ولو انتو بتحبو بعض اتحدو الدنيا علشان الحاجة الكويسة لما بتروح من ايد البنى ادام مش بترجعلو تانى والعمر مش فاضل فية عشان تحبى وتقدرى تتاقلمى على انسان جديد حاولى تسيسى امورك وربنا يوففكم
مش عرفه اقولك ايه ابعدى عنه ولو ربنا ريايدانو يكون من نصيبك ولا اهلك ولا اهلو هيقدرو يمنعو الجواز وربنا يوفق الدنيا على بعضها
طالما انتوا الاتنين بتحبوا بعض و مرتبطين للدرجة دى اقفوا قدام اهلكوا و حاربوا علشان توصلوا للى انتوا عاوزينه و طالما انتوا حسيتوا بالغلط و بتحاولوا تصلحوه اكيد ربنا هيقف معاكوا و بخصوص البنات حاولى تتقربى منه على قد ما تقدرى من غير غضب ربنا عليكوا و تحاولى ترجعيلوا و ترجعيه ليكى و هو لو بيحبك و متمسك بيكى هيفهم انه غلطان و مش هيكررها تانى هو بس يمكن يكون عمل كدة علشان يهرب من اللى انتوا فيه مع انى مش معاه فى الخطوة دى طالما حد بيحب حد و مرتبط بيه طول الفترة دى ازاى يعمل كدة على العموم يقرب ربنا الخير ليكى و ليه