ساعة ماتقدملى ابن عمى كان عندى 19 سنة وفى كلية تجارة وهو معاه اعدادية وبيشتغل عامل بناء ولسة فى الجيش وفترة الخطوبة لحد ما يخلص جيشه وانا هكون فى نص السنة الاخيرة فى الكلية فى البداية ما كنتش مهتمة بالمظاهر وفكرة انه اقل منى فى التعليم بس انا ملتزمة وعلى خلق والحمد لله واتفقت معاه قبل الخطوبة انى مش هسمح باى تجاوزات فى الخطوبة ووافقنى ووعدنى بانه عمره ما هيجبرنى على حاجة انا مش عايزاها بعد الخطوبة اعترفلى ان هو بيشرب منشطات وحشيش ( هو وانا لسة فى الثانوية كان ملتزم جداجدا بس حصلت ظروف خلت اهله ضغطه عليه عشان يبعد عن طريق التزمت ويحلق ذقنه وكدة لحد ما انهار وساب كل حاجة حتى الصلاة نفسها بطلها وبطل يصوم رمضان وبقى يشرب ) وانا عمرى ماقصرت فى الدعاء بان ربنا يرزقنى زوج صالح فحسيت انه ممكن يكون فيه خير عشان كدة ربنا جعلنا من نصيب بعض وقررت ان اقف جنبه لحد ما يبقى انسان نضيف تانى فطلبت منه يسيب اصحابه وسابهم عشان خاطرى ويبطل شرب بس دة كان محتاج منى انى احسسه انى جنبه اوى وانى حاسة بيه فبدات اتصرف معاه وكأنه اخويا من ناحية الهزار باليد وتجاوزات كتير انا مش قادرة اوصفها مع ان التجاوزات دى بتتعبنى جدا بس كنت دايما اقول مش هينفع انقذه من الغرق اللى هو فيه وانا واقفة على الشط لازم انزل للميا واتبل لانى حسيت انى بحبه اوى وبخاف عليه زى ما يكون ابنى وعلى الرغم من كل التنازلات اللى بعملها عشانه كنت بحس انه بخيل معايا حتى امى واخواتى كانوا يتكلموا معايا فى الموضوع دة لحد ما خلونى بقيت اتخنق منهم ومنه انه بيحطنى فى الموقف دة وكمان لقيت نفسى تديجييا بقصر فى العبادات وعلاقتى بربنا بتتغير قررت انى امنع اى تجاوزات وعاملين مشكلة بسبب الموضوع دة لانه مش متخيل انه يبقى خاطب واحدة وبيحبوابعض وما يعرفش يمسك ايديها بس انا مصرة على اللى فى دماغى وبقول انه لو بيحبنى زى ماانا بحبه هييجى على نفسه عشان خاطرى بس حاسة انى قلبى مقفول من ناحيته اوى مش عارفة اذا كنت بحبه بجد ولا صعبان عليا يعنى جوايا خوف ان بعد الجواز يفضل بخيل كدة لانى مش عارفة هو بخيل فعلا ولا ظروف جيشه هى السبب وكمان خايفة يكون لسة ما بطلش شرب ودة اللى بيخلص فلوسه وبصة لفرق التعليم كل الحاجات دى اتجمعت مرة واحدة فى قلبى من ناحيته مع انى من اسبوع بس كنت حاسه انى مقدرش اعيش من غيره مش عارفة اعمل ايه اكمل معاه ولا لأ
مشاكل الحب والزواج
مخطوبة ومحتارة افسخ الخطوبة ولا استمر
اضيف بتاريخ: Wednesday, October 19th, 2011 في 23:48
كلمات مشاكل وحلول: الخطوبة, مشاكل البنات
لزم تخترى وتحد على خلق
يعنى مفيش تعليم يعنى مفيش اخلاص يعنى مفيش دين يعنى مفيش قيم ولا مبادئ ومن اسبوع بس حاسه انك متقدريش تعيشى من غيرو طيب قليلنا انتى هتعيشي معو ازاى جاريه ولا مجرد زوجه لتفريخ اطفال ولا معلمه فى الاخلاق ولا من باب العطف هو انتى متخيله ان الزواج ده رحله للمرح ده مسئوليه كبيره ثم مفكرتيش ولادك هيطلعو ايه اكيد زي ابوهم لان فاقد الشي لا يعطيه وهو فاقد للعلم والاخلاق اولا المستقبل بيد الله بس لابد من التكافؤ وانا شايف انو مفيش اى تكافؤ بينكو وانتى صاحبة القرار وشكرا
السلام عليكم ورحمة الله وبركاته..
أعتقد أن رأيي لن يكون كما تريدين ولكن اسمعي مني لعلي أكون على صواب وأصل بك إلى بر القناعة..
من أسس التكافؤ بين الزوجين..
1- الخلق والدين..
2- الثقافة والتعليم..
3- الهيئة والشكل الجمالي..
4- المال والنسب والعائلة..
1 و 2 لا يمكن إهمالهما أبدا..
3 يُفضل أن تكون موجودة ولكن إن غابت فلا بأس..
4 ليست ضرورية إلا لأصحاب المظاهر الكاذبة..
أما عن تزمته في فترة وبعدها تركه للتدين بشكل كامل واتجاهه للمخدرات، فهو شخص آسف أن أقول ضعيف وتافه..
أما عن بخله وقت الخطوبة، فالشاب يكون في أعلى أوقات سخائه وقت الخطوبة، فالطبيعي ألا يبخل على مخطوبته بشيء أبدا..
أما عن إنقاذك له وطريقتك، فلم يفرض الله عليك ذلك أبدا، بل حرمه عليك بهذه الطريقة المبتذلة..
نصيحة//// أنت لست له وقد تتضررين بعد ذلك من الزواج، فالأخلاق ليست واحدة والتدين كذلك والتعليم والثقافة متفاوتة جدا، فالأفضل تركه إن استطعت بدون خسائر..
السلام عليكم
اتركيه وافسخي الخطوبة ولا تندمي ابدا على قرار تركه لأنك سوف تتعدبين معه ومن الأفضل أن تخرجيه من حياتك قبل فوات الأوان
وخير الكلام ما قل وذل
يبقه ابعدي عنه خالص وافسخي الخطوبه عمرك ماراح يكون في توافق لانك موهل عالي وهولا استخيري ربك تاني كتير لانه زواج وعشره
انا مع الاخت مدمنة سهر يمكن نشبه الموضوع ده بالمقابل والمعروض لابد ان يكون المقابل مناسب للمعروض والعكس المعروض هو انتي والمقابل هو الشاب ومع احترامي جدا ليه فانه غير مؤهل للمعروض وظيفة وتعليم وتفكير في تفاوت كبير ومع ضغوط الحياة مش هيسمعك ويرجع لما كان رغبة منه في نسيان الحاضر والقدر علي الشغل المرهق وانه لايحب ان تسيطر عليه امراءة لابد ان تكونا ع نفس القدر من التفاهم والتناغم لان الزوجين علي ضفة شاطئ واحد وعلي مركب واحدة غفلان اي منهما سيغرق الاخر اتوقع ان التواصل بينكو سينقطع ف المستقبل..احيانا يصعب علينا شخص مريض ونقف بجواره وندعيله حتي لو لايمت لنا بصلة العاطفة تتحرك..اختي..العقل اولاااااااااااا فكري كويس ولاتسمحي بجود خطأ حتي لو واحد بالمائة ده زواااااااج يعني استمرارية وحياة تزوجي بعقلك لا بقلبك..واولا واخير ربنا كاتب رزقك لو لكي ف الحجر رزق لنفجر الحجر مخرجا رزقك باذن الله ادعي ف صلاتك بنية خالصة والله سيفعل مايريد
انا من رأيي الشخصي لاااااا
بجميع المقاييس ما ينفعش من كل شي
يابنتي مفيش حاجة مناسبة خالص لا تعليم ولا صلاه ولا تدين ولا اي شيء
ايه ده انتي عايزه ترمي نفسك في التهلكة ليه
لا متعلم ولا كريم يعني حتى انسان عادي انتي قولتي انه بخيل يعني تتجوزيه علشان يجوعك انتي وعيالك
وبعدين تجاوزات ايه اللي بتقولي عليها مش عارفة ان ر بنا شايفك وهيعاقبك باللي بتعمليه ده
ايه اللي رميكي الرمية دي
سيبك منه فورا واللي يحصل يحصل
يابنتي مفيش حاجة تعوض حاجة
انا بصراحة دمي محروق
مفيش تعليم ومفيش صلاه وبخل وشرب واصدقاء سوء وكمان علمك تقصري في العبادات
ايه الارف ده ماينفعش نهااااااااااااااااائي
سبيك منه ومع الف سلامة المركب اللي تودي خليه يدور على واحده مناسبة ليه
انما انتي كده بتضيعي نفسك وبتتوهمي الحب
اللهم بلغت اللهم فاشهد
وربنا معاكي ياحبيبتي ويعوضك باحسن منه
بالتوفيق
بصي هو فرق التعليم مش سبب عشان تسبيه الا لو كان فيه احساسك بانه اقل منك وانك مش عارفه تتفاهمي معاه وعملالك مشكله دي حاجه تاني حاجه قصه انهبعد عن ربنا ومش بيصوم ومكنش كده قبل كده يبقي حاولي تقربيه من ربنا اكثر واكثر وتعرفيه انك حبتيه عشان تدينه وقربه من ربنا ثالث حاجه بخيل طيب بخيل ده عيب فيه ومحدش يقدر ياخد قرار في النقطه دي غيرك انتي لانك انتي اللي عارفاه وانتي اللي بتحبيه لو شايفه ان العيب ده تقدري تستحمليه او انك حتعرفي تغيري العيب ده بحبه ليكي اوك لاكن لو شايفه ان الحياه مع واحد بخيل مستحيله يبقي خلاص سيبيه دلوقتي احسن من بعدين فكري كويس انتي اللي بايدك حل مشكلتك اهدي وفكري وشوفي هو ده الانسان اللي تتمنيه يبقي شريك حياتك واب لاولادك ولا لا وقربي من ربنا اوي واكيد حترتاحي وربنا حيدلك علي الطريق الصح بالتوفيق ان شاءالله شمس
اختي في الله اي وحدة منا لما تختار شريك حياتها لازم تختاره على خلق ودين حتى يصونها ويصون ولاده بس بعد يلي حكيتيه لا يصلي ولا يصوم يعني اركان الاسلام معدومة يعني لا صليق عليه لقب مسلم..وكلامك عن انك تبلي نفسك حتى تنقذيه غلط في غلط لأن لا يمكن اصلاح غلط بغلط اكثر منه ومستحيل جنسين مختلفين يأثرو ع بعض في موضوع العبادة لان اصلا في حديثهم يحظر الشيطان وهاد مو من راسي الله يلي نزلو بكتابه يعني لازم من ويم ورايح تفكري بحالك وبس وتفكري يوم ما تلتقي بخالقك
هذا لا يصلح زوج لفتاة مثلك بعيدا عن مستوى التعليم والبخل كبري غقلك وشوفي الموضوع بعمق هاد يغضب الله بالشرب واهماله لصلاته وفوق كل هذا لا يصوم لا حول ولا قوة الا بالله فعلا امره غريب هاد شخص بلا ضمير لان مهما اهمل المسلم دينه وعصى ربه من المستحيل ان انسان عادي ما يصوم هاد شي غريب فعلا لا تعملي حالك منقذة لانك في الاخر انتي يلي تندمي ولو في منقذ لازم يكون من نفس جنسه وحتى لو عملتي شو ماعملتي مادام ما عندو ارادة على انه يرجع لتدينه مستحيل تقدري تاثري عليه اذا فعلا بتخافي الله وضميرك صاحي لازم تتوبي وترجعي لاعمالك الصالحة لانها هي وحدها يلي تدوملك اما قصة الحب انا مش شايفة انو حب هاد نوع من الشفقة لا اكثر وانا اتمنالك من كل قلبي ان ترتاحي من وجعك هاد وتعرفي طريق الحق قبل فرات الاوان وكثري من الصلاة والاستخارة لانه لا منجا منه الا اليه والسلام عليكم ورحمة الله تعالى وبركاته