السلام عليكم
انا متقدملى شاب بيشتغل فى مصنع ومعاة دبلوم وانا بدرس فى كليه تربيه هو متدين ومحترم ومش بيدخن وباباة ومامته متوفين وله اخ اصغر منه ب سنتين حالته الماديه مش بطاله ولكن انا مش عارفه اعمل اى ارفض لانه معاة دبلوم وبيشتغل ف مصنع ولا اقبل لانه متدين ومحترم ومش بيدخن انا محتارة جامد ارفضه واستنى لسه مع انى انا لسه ف الكليه وممكن يتقدملى الاحسن ولا اعمل اى و لو اى حد من اصحابى سالنى معاة كليه اى هقولهم اى ولا مش هكون محرجه وعادى انه معاة دبلوم ولا اى ممكن اتشرف بارائكم؟
مشاكل الخطوبة
متقدملي عريس معايا كليه وهو دبلوم
اضيف بتاريخ: Wednesday, November 6th, 2013 في 16:35
كلمات مشاكل وحلول: الخطوبة, شاب, مشاكل البنات
اولا لازم تصلى استخاره الاول ..وبالنسبه لانه معاه دبلوم
وانتى مؤهل عالى ده مش عيب فيه خالص ..بالعكس ممكن يكون اسلوبه وتربيته وتعامله معاكى افضل مليون مره من حد معاه مؤهل عالى
استخيرى ربنا وتوكلى ع الله وان شاء الله ربنا يرزقك باللى فيه خير ليكى يارب
من راى طالما الشخص كويس ومحترم ومتدين اكيد هيحافظ لو بيحبك هيخاف عليكى اكتر
لو انتى مرتاحه ليه تؤكلى على الله
وكله فى الاخر قسمه ونصيب ….
قال رسول الله صلي الله عليه وسلم من جاءكم من ترضون دينه فان لم تزوجوه فلتكن فتنه في الارض وفساد كبير)بس لازم يكزن فعلا ملتزم مش كلام وبس لكن المظاهر مبتنفعش حد ابدا وصلي الاستخاره ولومش ليكي مش هتكملوا مع بعض
بصي انا اتخطبت لواحد دبلوم وانا دراسات عليا ومن كتر احساسه بالنقص استهان بيا في كل شئ ومعامله وحشه جدا وكل حاجه واخدها علي كرامته وانا ابدا مجرحتش فيه ولا لمحته باي شئ وحش وكانت نفس المواصفات اللي جالك وانا دلوقت تعبانه جدا وكل يوم بدعي ربنا اني الموضو ده وحاسه ان قبلت بالاقل والاقل مرضاش بيا وكنت فاكره ان هلاقي فيه اللي بتمناه بس كل ده طلع العكس فانا رايي ترفضي لانه ديما هيحس بالنقص وعلي اي شئ هيتخانق ويفرض رايه وتحكماته
دبلوم دي مش مشكله لو الشاب انتي مرتحاله في مليون طريقه ممكن يحسن بيها مستواه التعليمي التعليم المفتوح بيوفر الفرصه لخريجي الدبلومات فممكن يكمل تجارة او حقوق مفتوح واهي تفيده برده في شغله بس اهم حاجة لازم تعملي استخارة علشان ربنا يوفقك للي فيه خير اكتر واتمنالك كل التوفيق
أنا شايفة إنك متتسرعيش إعملى استخارة وفى نفس الوقت متهمليش الموضوع على فكرة صحباك مش هينفعوكى لو اخدتى واحد متعلم وطلع مش محترم او اى عيب تانى مفيش حد خالى من العيوب لكن فيه عيوب نقدر عليها بس اوعى توافقى وانتى مش مقتنعة بيه علشان متظلمهوش وتظلمى نفسك وعلى العموم انتى أدرى واحدة بظروفك وتعرفى اذا كان يناسبك ولا لا
اولا من ناحية الدين والاخلاق حاجة كويسة جدا ربنا يزيده و على المستوى المادى كمان ربنا يزيده انما موضوع التعليم دا صعب شوية الفرق شاسع وانا شايف من الكلام ان ممكن يكون فيه خجل قدام اصحابيك فانتى لسه قداميك العمر وانتى فى جامعة ويمكن تتعرفى على شاب معاكى يكون مناسب اكتر
بصى الاول لازم نعرف ان ربنا مش بيدى الانسان كل حاجة
ولازم تعرفى انتى اولوياتك ايييه التدين ولا الشهادءة
وبعدين انتى لازم تصلى استخارة دايما وتوكلى على ربنا
وشوفى انتى مرتحاله و ممكن تبقى تكلمى معاه ويقدم فى جامعة مفتوحة ويدرس الحاجة الى بيحبها
عشان ولادكوا بعد كده
ولو خير ربنا هيسرلهولك ان شاء الله