انا عندى 25 سنه ومخطوبه لابن خالى وابن عمتى فى نفس الوقت وهو عنده 31 سنه بيحبنى جدا وانا وافقت بعد ضغط انا بعتبره زى اخويا مش متخيله ان هو يكون زوجى فى يوم من الايام مش عارفه اتعامل معاه غير ان هو زى اخويا
هو كويس وطيب ومستواه المادى كويس جدا بس بالنسبه للتعليم معاه دبلوم تجارى وانا معايا بكالوريوس تجاره و باخد كورسات انا كنت بحلم ان اخد واحد تعليمه كويس وبيعرف يتعامل مع الناس ومثقف
وكمان اللى رفضاه ان هو بيشرب سجاير كتير جدا وقهوه كتير جداومش بيصلى ومش بيهتم بشكله او مظهره ومش عنده اى طموح مع العلم ان هو بيشتغل مع باباه ومعاه يقدر يعيشنى
بس احلامى ان انا عايزه واحد طموح مهتم بنفسه بيصلى واحد يصلحنى نبقى متفقين مش واحد انا اغيره تغيير جذرى
ومشكلتى ان اهلى مش عايزنى اسيبه خايفين من المشاكل هما شايفين ان هو هيخاف عليا هيعيشنى كويس مش هيخلينى محتاجه حاجه انا مش عارفه اعمل ايه انا مش بحب دلوقتى اسمع صوته ولا اشوفه حاسه ان احلامى خلاص انتهيت
انا عايزه حل اعمل ايه اصبر واوافق على كده ولا اعمل ايه انا مخنوقه جدا ومش عارفه ايه الصح
ارجو الرد بسرعه
مشاكل الخطوبة
خطوبتى بابن خالى ورفضي له كزوج
اضيف بتاريخ: Tuesday, February 19th, 2013 في 14:27
كلمات مشاكل وحلول: بنت, شاب, مشاكل الخطوبة
مقدره مشاعرك وهقولك حاجه مش موضوع انه مش مهتم بنفسه او مؤهله متوسط وانتى مؤهلك عالى لانك لو بتحبيه مش هتفكرى فى مستوى التكافؤ بينكم لو حاسه انك خلاص مش قادره حتى تقربى منه وتديله فرصه وتغيرى منه يبقى لازم تاخدى قرارك الصح لانه حرام تظلمى نفسك وتظلميه لانه بيحبك وانتى مبتحبيهوش استخيرى الله وفكرى كويس ولو حاسه ان مفيش حاجه فيكى اتغيرت يبقى لازم تنفصلى عنه من البدايه لان الحياة الزوجيه بتبدى بالحب وبتكمل بالعشره وعمرك ماهتقدرى تحبيه بعده كده ………….. اتمنى لكى التوفيق
وبالنسبه انو ابن خالك وعمتك حولي متفكريش فيها خالص اعتبريه واحد غريب وبيحبك وحاولي متجبيش سيرة الاقارب علي ما تخدو علي بعض واكيد انتي بتحبيه بس مش حاسه وحولي تغيري منو
حولي انتي تغيري منو اللي بيحب حد اكيد هيتغير علي شانو اكيد
من واقع كلامك إن اعتبرته كذلك فأرى أنه لا يصلح لك أصلا
لأنه لا يوجد تكافؤ بينك وبينه وأصلا أنا أنصح الفتيات غالبا بعدم الزواج من المدخنين
وطالما أنك لا تطيقينه في فترة الخطوبة فأظن أنك ستكرهين نفسك بعد الزواج
أختي الطيبة
أنصحك بتركه بطريقة هادئة وبغير مشاكل
فأنت لن تسعدي معه، وليس في الشرع ما يأمرك بأن تصبري على خطيبك، بل الخطوبة فترة اختبار يمكن لأي من الخاطبية ترك الآخر.
لا تضيعي نفسك معه، هكذا أرى.
ولا تجعلي للحرج والكسوف سببا في تدمير حياتك ومستقبلك.
طبعا انا عارف احساسك انه زى اخوكى ومش عارفة تتقبلى انه هيكون زوجك بس ده الطبيعى لكن لو انتى شلتى من دماغك انه قريبك وتعاملى معاه على انه خطيبك فقط وليس قريبك ده بالنسبة للنقطة الاولى .
اما النقطة الثانية
ازاى ان اهلك يوافقوا عليه وهما عارفين انه مش بيصلى والمشكله ان اهلك مقتنعين انه مش هيزعلك وهيعيشك كويس بس على فكرة هما غالطنين فى النقطة دى لان طالما واحد بعيد عن ربنا ازاى هيتقى ربنا فيكى وهو اصلا مش عارف ربنا
بس نصيحتى ليكى اولا تعاملى معاه على انه خطيبك وكانه واحد انتى مكنتيش عارفاه من الاساس وخليه يحبك وخليكى حنينه عليه وبعد كدة حاولى تحببيه فى الصلاه وشجعيه وكل وقت صلاه قولى له يلا يا حبيبى نقابل ربنا ونصلى وخليكى وراه لحد ما يتعود على الصلاه وفى نفس الوقت حاولى تبعديه عن السجاير بحاجات تانية وكرهيه فى السجاير بس بطريقة حلوة فى صورة يحس انك خايفه عليه . وعلى راى المثل ابنك على ما تربيه وجوزك على ما تعوديه .
لكن فى حالة ان محاولاتك معاه فشلت ومش قدرتى تخليه يصلى انصحك انك تبعدى وتقنعى اهلك بكدة . والله المستعان
امممممممم كلامك بالطريقه دي عنو يسبت ان في حياتك حد تاني !
اما بالنسبه للصلاه والاهتمام بالنفس انتي تقدري تعملي ده وهتاخدي اجرو
استخيري ربك وهوا هيهيئلك الخير ان شاء الله