اتقدملى شاب انا مشفتهوش غير مرة هو من الصعيد وانا من اسكندرية المهم طباعه صعبة اوى هو غيور جدا وممكن لدرجة الشك
انا بحاول اطمنه على قد ما اقدر لانه مسافر وانا مش قدامه المهم بسبب مشاكلى معاه فى الموضوع دة والدتى ( جدتى بعد وفاة امى ) زعلت على بكائى وحزنى لانها شايفانى قدامها كلمته بعصبية ان كدة مينفعش ولو انت طبعك كدة سيبنا فى حالنا
المهم هو واخد منها موقف واتفاجئت انه مش عاوز يكلمها وبيقول انه مالوش دعوة بيها تانى ، وقبل كدة كان الخلاف انا ماليش غير اخت وهو بيقول ان مايكونش ليا علاقة بجوز اختى غير السلام عليكم وعليكم السلام مع العلم انى اختى موجودة برة مصر وطبعا وجودها فى مصر هيكون طبعا فى وجود جوزها ازاى ميكونش ليا علاقة بيهم ، انا خايفة من ردود افعاله يكون قلبه قاسى على اهلى
ياريت تفيدونى
مشاكل الخطوبة
خطيبى ممكن يقطعنى عن اهلى بعد الجواز
اضيف بتاريخ: Sunday, February 24th, 2013 في 16:13
كلمات مشاكل وحلول: الحب, شاب, مخطوبة, مشاكل الخطوبة
انتم مخطوبين و لازم انو يقدر وجود اختك و زوجها في حياتك هاد الموضوع لازم تتناقشو فية قبل الزواج و من المهم حلة موفقة
مينفعش طبعا اللى هو بيعمله ده مع أهلك(جدتك وأختك وجوزها)مهما وصلت الغيرة متوصلش انه يقطع علاقتك بأهلك والمفروض يثق فيكى وبعدين فترة الخطوبة بتبقى دراسة للطرفين عشان الارتياح والقبول كزوج,نصيحة منى ارفضيه والا حياتك هتبقى جحيم بعد الجواز