ياريت ياجماعة تقدروا تساعدونى محتاجة فعلا مساعدة مشكلتى فعلا انى كنت من زمان مقتنعة تماما ان مفيش حب بين بنت وولد فى فترة المراهقة فكبرت على النظرية دى حتى لما دخلت للكلية مكنتش ببص لاى ولد على اساس حب مكنتش مقتنعة ان اى شاب ممكن يبقى خطيبى اصلا واتخرجت وبرضو محبتش اى حد على الرغم انى اتحبيت كتير لما كنت بعرف ان حد بيحبنى كنت ببعد عنة تماما حاليا انا مخطوبة ومش قدرة احس باى مشاعر تجاة خطيبى وهو بيحبنى جدا محتاج انة يسمع كلام حلو انة يحس باهتمام بس انا مش قدرة احس نحيتة بحاجة علشان اديلة الحب اللى عاوزة منى مش عرفة اعمل اية ياريت تساعدونى واسفة للاطالة
غيرك كان اولي منك بخطيبك دا لان في بنات كتييييير تتمني الشخص اللي يهتم بيها للاسف العيب في شخصيتك انتي مش عندك مشاعر زي اي بنت حاولي تتقربي شوية من خطيبك عشان تعرفي تحبيه لان ممكن ينفر منك وسيبك من التفكير الغلط دا
الحب الحقيقي ما بيجيش يعد الجواز….. ده كدب و نفاق
لو انتي و انتي بتتكلمي معاه او بتبصيله او انشالله حتى بتتفقوا على لون الكنباية.. لو انتي ما حسيتيش انك عاوزة تطيري بيه.. انك عاوزة تبقوا لوحدكوا علشان تفضلي تبصيله و تسمعي صوته… يبقى انت مش بتحبيه و لا حتحبيه حتى لو اتجوزتوا و مارستوا الجنس بشكل جيد و خلفتوا عيال
مش بتحبيه
الحب ما بيجيش بعد الجواز… بس للاسف كلهم كدابين و بيخدعوا نفسهم علشان يكملوا في عيشة مش بيحبوها
انا بريت ذمتي تجاهك و القرار ليكي
و كلمة اخيرة
ايوة في حب و الحب مش كدبة
كما قال الأخ فاعل خير الله يسعده
أن فترة الخطوبة فترة تعارف فترة تفاهم فترة معاينة يتم فيها زيادة المعرفة والمعلومات
عن الشخص الآخر هي ليست فترة حب لأن الخطوبة لاأحد يعلم هل سيحصل بعدها زواج أم لا
نفرض أن كل من خطب حب خطيبته ولم يوفق في زواجه منها
سيبكي خطيبها وستبكي خطيبته
فلذلك لاتأخذي الأمور بحزن وغم
قولي له هذه فترة خطوبة فترة يتم فيها توضيح الصورة الأفضل بين الرجل والمرأة
وكي يرى الرجل هل هي المرأة المناسبة له كي يتزوجها
وكي ترى المرأة هل هو الرجل المناسب لها كي تتزوجه
فلاتحزني ولاتقلقي
هو أحبك لأنه عرفك وعرف طبيعتك ولربما لم يعرف الكثير عنك
ولكنك لم تعرفيه ولم تتعرفي عليه بشكل أكبر
فهذا طبيعي شيء مختلف رجل غريب رجل غير معروف بالنسبة لك
ثانيا الحب ليس في الخطبة الحب بعد الزواج وهذا الأفضل
فترة الخطوبة فترة التعارف والتفاهم ووضع اهداف للمستقبل واحترام الاخر ومعرفة ما يحبه الاخر وما يكره
والحب الحقيقى بأتى بعد الزواج ان شاء الله
وفقك الله فى حياتك