كنت اتعرفت على واحد من النت وارتبطنا 3 سنين وبعد كده اتخطبنا هو من دمنهور وانا من القاهره المهم اتفقنا نجيب شقه فى القاهره عدت سنه وقالى معرفتش اشتغل واجيب شقه فى القاهره غيرنا الاتفاق انى هسكن فى الاسكندريه جنب شغله واتفرجنا على شقق فى اسكندريه بس كانت شقق غاليه اوى وقال هيا ديه مقدرتى اتخطبت سنتين ونص ومن شهر 10 اللى فات مفهمنى انه جاب شقه وبيوضب فيها وانه جايب مهندسه ديكور كمان وعملى نسخه من المفتاح عشان اروح اشوفها فى اى وقت والمفروض متفق معانا ان فرحى كمان شهرين. من كام يوم اروح عشان اشوف الشقه اكتشف ان مفيش شقه اصلا.
مشاكل الخطوبة
قبل الفرح بشهرين اكتشفت ان مفيش شقة
اضيف بتاريخ: Saturday, April 25th, 2015 في 23:23
كلمات مشاكل وحلول: الاسكندرية, الخطوبة, القاهرة, النت, دمنهور
الموضوع مش محتاج سؤال .. ده واحد نصاب محترف بالمشاعر .. عارف ان مكنش قدامه طريقه تانيه عشان يعلق بنت زيك بيه .. سيبيه طبعا الموضوع متنهى ..
ياحبيبتي الجواز لو اتبنى على الخداع والكذب يبقى مش هيعمر أوعي ترضي بالأمر الواقع كان لازم يصارحك من الأول ان مفيش شقه.
أنا من رأيي واجهيه باللي حصل وشوفي كدب عليكي ليه .