السلام عليكم
انا فسخت خطوبتي من شهور وخطيبي بيحاول بكل الطرق عشان ارجعله
كنت فسخت عشان اهله بيشتموني وكنت لما احكيله يكذبني و يصدقهم
ده غير ان اهله تفكيرهم كله في الفلوس ياخدو مني ازاي ووالدي يمتلك كام
ودايما يطلبو نديهم فلوس لو هم احتاجو
وكان وقتها بيكدبني ويقول مستحيل اهلي يعملو كدة
حاليا هو ندمان وبيقول انه عرف الحقيقة ومستعد ينفصل عن اهله تماما ونعيش في شقة مستقلة عنهم
المشكلة انه مش معاه فلوس وايام ما كنا مخطوبين كان ناوي يعتمد علي مساعدة والده
اما حاليا هو هيعتمد علي نفسه وده هيحتاج فترة طويلة وانا سني 26 سنة ده غير اني خايفة بعد الجواز يصدق اهله تاني ويظلمني
انتي ربنا كان معاكي … ابعدي عنه ونصيبك هيجيلك دا واحد هيستغلك لانه مش مسئول ولا يعرف يفتح بيت وانتي بتقولي ممعهوش فلوش وهيعتمد ع نفسه .. انتي 26 سنة هتكوني مبسوطة لو اتجوزتي وحصل مشاكل واتطلقتي مثلا هتبقي مطلقة
شوفي يابتت الناس الكرامة فوق كل شي اياك والرجوع له مهما حصل صدقينى عمره مايحترمك ولايصون كرامتك ولايسعدك احمدي الله انك عرفت حقيقته قبل فوات الاوان وربنا بيكرمك باحسن منه مليون مرة ياقمر الف من يتمناكي وهتلاقي نصيبك مع ابن الحلال اللي يستاهلك ويقدرك ويسعدك طوال حياتك