انا اتخطبت بطريقه تقليديه … بس كنت معجبه بواحد قبل كده كان في كلام ما بينا بس ما كتش حد فينا قايل للتاني ان معجب بيه … و لما جه خطيبي كان حد مناسب جدا و عيلتي كانت تعرف عيلته وفضلوا يقنعوني بيه وانا اتسرعت شويه في الموافقه .. طبعا ما بقتش اكلم اللي كنت معجبه بيه و كنت فاكره انو هيبقى عادي لكن اكتشفت ان ده كان تاعبلي مفستي في بدايه الخطوبه و كنت بعامل خطيبي وحش بس هو صبر عليت جدا الصراحه لدرجه كنت بستغربها لان هو طيب جدا وحبني جدا و كان بيعاملني احسن معامله برغم معاملتي الوحشه … ده خلاني مع مرور الوقت انسى التاني و ارتبط بخطيبي لانو كان بيعمل اي حاجه عشان يخليني مبسوطه و كويس جدا معايا …. بس انا دلوقتي في مشكله مرت سنتين وانا مش عارفه هل انا تعودت عليه ولا بحبه … ساعات بحس اني مش بحبه واني بتخنق منه و ساعات بحس اني مبسوطه معاه … لما بنبقى خارجين ببقى مبسوطه و بيصعب علبا لما بنتخانق مثلا ما بحبش ازعله لانه طيب جدا و بيتمنالي الرضا بجد بحس ان ربنا هيعاقبني لو دايقته او حتى سبته لانه كويس جدا وبخاف ربنا يديني واحد وحش عشان ظلمته لان لما بنتخانق و نقول كل واحد يروح لحاله ما بيسبنيش غير لما بنصالح بعض …. انا نفسي احبه لانه بجد يستاهل بس مش عارفه يمكن عشان مافيهوش المواصفات اللي كان نفسي فيها .. غير اني بتخنق من التليفونات الكتيره بيبقى عايز يكلمني على طول و انا بتخنق لان بنفضل ساكتين و مش بنلاقي كلام نقوله غير عامله ايه معرفش ايه او مضايق مني عشان ما بقلوش كلام حب وكده … انا بجد مشوشه جدا و مش عارفه ايه الحل … انا عادي بتخيلو جوزي الموضوع مش لدرجه اني مش بستريحله … بس عادي مش حاسه اني بحبه لدرجه الحب
حرام عليك تعاملي خطيبك بالشكل ده طالما انه يحبك وطيب جدا وعلى خلق ومحترم وشاريك بالغالي فاستهدي بالله عزوجل وعاملي خطيبك بمايرضي الله وارضي بنصيبك وصدقينى الحب الحقيقي ياتي بعد الزواج هتلاقي نفسك سعيدة ومرتاحة معاه وتزول كل دي الاوهام اللي في راسك وتعم حياتكم السعادة والهناء والطمانينة والاستقرار وربنا يوفقكم ويتمم لكم بالخير ويسعدكم طوال حياتكم القادمة