انا فتاة عندى 21 مخطوبة لشاب عندة 26 سنة هوة كويس ومتدين ومحترم اوى وبيحبنى وانا متاكدة من دة بس المشكلة انى مش حاسة نحيتة باى شعور مش حاسة انى بحبة ولا هوة الانسان اللى كنت بتمناة هوة كان اتقدملى قبل الخطوبة امتر من مرة وانا ماوفقتش بس لنا لقيتة متمسك بية وافقت وقلت يمكن يجى الحب فى الخطوبة بس هوة خاطبنى وسافر بعد الخطوبة بمدة قصيرة ومالحقتش اقعد معاة غير مرتين نظرا لظروف شغلة وكمان انا من اسباب رفضى ان هوة جسمة مليان ومش بيهتم بمظهرة وانا على العكس تماما انا مش عارفة اعمل اية اصارحة واقولة انى مش بحبة وينتهى الموضوع على كدة ولا اجازف واكمل ويمكن يجى الحب بعد الجواز ارجوكم قولولى انا والدى ووالدتى متوفين ومش لقية حد يساعدنى فى قرار زى دة
اوعى تغلطى غلطة بنات كتير تاخد واحد مش بتحبو ومش عاجبها وبعد الجواز بتخونو حتى لو بيحبها المهم مشاعرك انتى اه مفيش حاجة اسمها حب بعد الجواز لو الحب مجاش فى فترة الخطوبة مش حيجى فى الجواز وغير كدة من نفع الجواز غض البصر للرجالة والستات وانتى اصلا شكلو مش عاجبك يبقى مستنية اه اهم شروط الجواز من نظر استشارى العلاقات الزوجية انك تقدرى تتخيلى نفسك معا فى العلاقة بعد الجواز حسا انك رافضا نفسيا وشكليل افسخى الخطوبة وانتى لسة على البر وربنا حيوفق بابن الحلال الى تحبى ويحبك وافتكرى دايما ان العمر مش بيتعاش غير مرة واحدة وان دى لازم تبقى اسعد وامتع حياة نعشها
شوفي يابنتي اولا الله يرحم والديك ويسكنهما الجنة ثانيا- طالما خطيبك على دين وخلاق ومحترم وكويس فاحمدي الله على دي النعمة اللي ربنا اعطاك اياها ثالثا- الحب الحقيقي ياتي بعد الجواز ودي الحقيقة اللي لزوم تعرفيها حافظي على خطيبك واهتم به واسالي عنه وربنا يتمم لكم بالخير ويجمعكم على الخير ان شاء الله وتلاقي كل الخير والسعادة معو في حياتكم القادمة