مشكلتى انى اتخطبت لانسان كان بيحبنى من زمان وحاططنى فى دماغه من وقتها
بس مقدرش يعبرلى عن احساسه ده ولا يتقدملى الا لما يسافر ويطلب ايدى من اهلى
لغايه ما حصل ده فعلا واتقدملى ووفقنا هوه كان بيحبنى بس انا مكنتش اعرف حب من طرف واحد يعنى من طرفه هوه
واتخطبتله وهوه مسافر وبقالنا 3 سنين مخطوبين كل ما ميعاد الجواز يقرب يحصل ظروف يتاجل تانى
المشكله بقا انى مش حاسه بيه خالص اه بقلق عليه وكده عشان هوه فى غربه ويعنى بيصعب عليا ظروف الشباب الصعبه
بجد مش عارفه احسه زوجى خالص اكمنى يمكن مكلمتهوش وجه لوجه قبل كده ودايما متشائمه ومش بصدقه لما بيقولى انه بيحبنى
لانى واقعيه جدا مش بصدق كلام الحب ده
نفس اصدقه واعيش معاه وانا مطمنه
مشاكل الخطوبة
مش حاسه بخطيبى خالص في فترة الخطوبة
اضيف بتاريخ: Friday, October 1st, 2010 في 23:56
كلمات مشاكل وحلول: الخطوبة, خطوبة, خطيب, مخطوبة, مخطوبين, مشاكل, مشاكل الخطوبة
حبيبتي والله نفس مشكلتي هو مسافر وكان بيحبني من زمان ماقدر يتكلم الا بعد مااشتغل وبيموت فيه بس مش حاسه بحب من ناحيتو بس هو فيه صفات صعب تتلقي وكمان اهلي بيحبوه وابوي قال لي قبل مايموت رضاي عليك رسل ليك الشخص دا وخايفه افسخ الخطوبه اخالف كلام بابا ياستي اصيري وتأكدي مافي شخص حيسعدك غيرو في مثل بيقول خد البحبك مش البتحبو
من خلال قراءتى لرسالتك علمت انكى لا تؤمنى بالحب ولا تصدقيه.وهذا لانكى لا تشعرى بالحب مع خطيبك. وهذا ليس عيب فيكى,
بل فى خطيبك,فهو رجل ضعيف لا يجيد فن احتواء المرأة,التى تحتاج دائماً الى شباع عاطفى متجدد.
وانا أرى انكى لا تحبيه, ولو احببتيه ما شعرتى بهذا الخوف والقلق.
واعلمى سيدتى….انكى ستعيشين طوال عمرك بهذا الاحساس”خوف وقلق واضطراب نفسى”
تعرفى لماذا………….؟؟
لانكى تفتقدى الحب مع زوجك”فهو يحبك ولكن انت لا تحبيه الحب الكافى لاقامة علاقة زوجية سعيدة”
..واعلمى سيدتى…ان الحب هو شعور جميل يملأ قلوبنا بالسعادة.
و يمنحنا سعادتين: سعادة لمّا نحب وسعادة لمّا نكون محبوبين.
الحب يعطينا الشعور بالأمان,والطمأنينةوالثقة في النفس و التقدير الذاتي والقبول الإجتماعي
حازم حمام/محاسب الكترونى فى الخليج
تحياتى.
…….الزواج آية من آيات الله جل وعلا شرّعه لغايات سامية ووضع جل وعلا أسساً له ومنهجاً، كما في كل ميدان من ميادين الحياة البشرية؛ ليسعد الإنسان بما حباه الله جل وعلا ويحقّق المطلب الأسمى لوجوده؛ وهي خلافة الله جل وعلا في أرضه. والحياة الزوجية علاقة متينة ورابط قدسي بين الزوجين، أساسه المودة والرحمة والتفاهم والمشاركة النفسية والوجدانية بينهما. ..
..حازم حمام/محايب الكترونى فى الخليج
المشكله انه مش موجود
لو نزل هنتجوز على طول مش هالحق افهمه او ادرسه او حتا اخد عليه
واكمنى مبعترفش باى حاجه اسمها حب
مش بصدقه عما يقولى حاجه
بجد قلقانه
يا رب ريح بالى
تحية لكى سيدتى.
عليكى ان تعرفى, ان المرأة كائن عاطفى,يميل دائماً,الى مداعبة العوطف,
ولذلك تجدى المراة تحب الرجل الذكى عاطفياً,اى الرجل الذى يجيد فن مداعبة عواطف المراة,
وهذه هى مشكلتك,حيث انكى مخطوبه,لرجل ليس لديه ذكاء عاطفى,
و سوف تعيشين طوال عمرك,مع هذا الرجل, بدون اشباع عاطفى… فكيف تعيش امرأة شديدة العاطفة مثلك مع رجل غير عاطفى….الحياة ستكون كئيبة لكى تخلو منها المتعة…
انصحك بعدم الاستمرار معه وفوراً
الرجاء الرد…اذا قرأتى تعليقى
انسخى هذا التعليق واقرأيه من خلال برنامج الوورد
حتى تكون الالفاظ واضحة لكى وسهلة القراءة
حازم حمام/محاسب الكترونى فى الخليج
سبحان الله اقولك من الاخر انتى حاولى تكلميه تعرفىى المعاد بيتأجل ليه تعرفى ايه المشكله قربى منه حسسيه انك خايفه عليه انت بتقولى انك خايفه عليه لانه فى غربه بس ده جواكى انتى هو ممكن ميحسوش منك وده لان واضح من كلامك انك لسه مختوش على بعض لازم تصرحيه بكل حاجه و تحسسيه بالاهتمام اكتر و هو اكيد بيجهز نفيه للجواز هو مش مسافر عشان يلعب مهو شغال و كل تاخيرة وفيها خيره وربنا يوفقك.
يابنات حيرتونا معاكم
الراجل انت عارفة انه بيحبك من زمن ولما ربنا كرمه ووقف علي رجله اتقدم وخطبك ده عن لسانك
هذا معناه انه رجل محترم ويحترمك كثيرا وكذلك يحترم اهلك وبيحبك جدا
والدليل هو اختياره للوقت المناسب لكي يدخل بيتك ويطلبك
ادعي له ان يرزقه ويصلح له الاحوال ويوفقه وانتي اجتهدي بان تكوني خير زوجه له وتعوضيه عن سنوات الغربة والشقي لكي يصل اليكي في وضع مناسب واجتهدي ان تكوني مصدر سعادته وان تعينيه علي الحياة وربنا يوفقك
هى الفكره بس علشان هو مشغول بتكوين البيت وانتى مش متعوده على الكلام فى التليفون ده احتمال اللى مخليكى مش عارفه مدى حبك ليه
السلام عليكم هو اكيد ان شاء الله بيحبك لانه متقدم وانتم مخطوبين بس انتي حاولي تتقربي منو ولما ينزل اجازات اخرجوا واقعدوا مع بعض وقت اطول وحاولوا ديما تتكلموا فويس ومينفعش طبعا تسيبه لانو بيحبك صعب الواحد يلاقي حد بيحبه كده وربنا يوفقكم يا رب وابقي اعزوينا علي الفرح بقي