السلام عليكم ، انا بنت عندي 19 سنة اتقرت فاتحتي من شهر 3 و احنا نعرفو ونعرف عيلتو من زمان وهما عيلة محترمة جدا وهو كمان لانو بيكون صاحب اخوية وكنا هنعمل خطوبة بس حصلت ظروف كتير من عندي وعندو فالموضوع اتأجل بس الناس كلها عارفة وكمان لبسني تونز يوم الفاتحة هدية منو فيعتبر مخطوبين وهو بيزورنا كل اجازتو او علي حسب الظرف ومع مرور الوقت والايام ظهر الحب بينا وحب كبير كمان وانا اصلا كنت من البنات كانو فاكرين اني عمري ما هلاقي انسان اقدر احبو بجد بس وبعد ما اخدنا علي بعض بدأت تحصل حاجات انا عمري ما تخيلت انها ممكن تحصل بدا يمسك ايدي مرة يبوس ايدي في كل لحظة مثلا نكون لوحدنا يعمل كدة بيوسني مثلا او كدة والموضوع بقي يتكرر ومرة كنا في البحر كلنا وهو راح واطة تحت الماية ولمس قدم رجلي ومن ساعتها وهو كل ما نكون لحظة لوحدنا عايز يلمس ويمسك قدم رجلي والموضوع دة تكرر وبقي يجيلي احساس بتأنيب الضمير اني بعمل حاجة غلط بس لحظتها بكون مبسوطة بس بفضل اأوح واقلو لا مينفعش ومبعدين من فترة قولتو انو مينفعش نعمل كدة مش عايزين نغضب ربنا ولو واحد في مية ممكن نكون الحاجة دية غلط اقنعتو لحد ما وافق بس عند وموضوع ماسك الايد دة ويبوسني فيها دة الي مش راضي وبيزعل لما برفض ويقولي اني الحاجة دية بذات ميقدرش ميعملش كدة فأنا عايزة اعرف انصحوني اعمل اية واية هيا المفروض تكون حدود العلاقة الي بنا لاني انا بتعامل بطبعتي جدا وخايفة تكون دية حاجة متنفعش مع خطيبي مع العلم اننا لما بنخرج بنخرج كلنا العلتين يعني ومرة واحدة بس الي خرجنا فيها لوحدنا مع طولت عليكو اوي سامحوني بس ارجوكوا ساعدوني ودلوني علي الصح لان دية اول تجربة في حياتي وتاية خالص وجزاكم الله كل خير
اولا- مبروك خطوبتك وعقبال الزواج ياعزيزتي ثانيا – هناك امور يجب عليك معرفتها والالتزام بها اثناء فترة الخطوبة ولايمكن تجاوزها او التعدي عليها 1- ممنوع البوس والقبلات والاحضان ومسك الايادي 2-عدم الخلوة معه او الخروج لوحدكما 3- عدم الكلام في مواضيع محرمة كالجنس اوالجماع اوالعادة السرية واثارة الشهوات والغرائز 4-يمنع كثرة النظرات او التلميح بالاشارات 5-عدم الاحتشام في اللبس اواظهار المفاتن للجسد كلهذي امور محرمة يجب الابتعادعنها في فترة الخطوبة والحرص على تجنبها حتى تحافظي على شرفكي وسمعتكي وسمعة اهلك وكرامتهم وعشان ربنا يؤفقكم ويسر اموركم للزواج ويبارك لكم في حياتكم القادمة
لا يجوز ان يمسك ايدك او يبوسها او تجلسوا مع بعض بدون الاهل ولا يجوز حتي الكلام بينكم في التلفون لان العلاقه بتبدا بالكلام ثم مسك الايد وتتطور الي امور اخري فنصيحه من اخ لاخته انو لا يتجاوز حدوده معك لان في حالات خطوبه كتير انتهت بالفشل ولو عاوز يعمل اللي بتقوليه اكتبوا الكتاب غير كده لا يصلح