انا مخطوبة ومن بعد ما اتخطبت لخطيبى بشهر خدنا ع بعد اوى لدرجه انه بقى بيكلمنى فى كلام مفتوح عن اللى بيتعمل ليله الدخله وكده وبعد كده بقى يكولى احضنينى وقربى عليه والكلام ده كله وانا ببقى رافضه واقوله لا كان بيقول عليه انى باردة جنسيا فكنت بتكلم معاة فى الكلام ده عشان اعرفه انى انا طبيعيه واستمريت معاة ف الكلام ده وكنت بحاول اخليه يبطل الكلام دة كان بيزعل وينكد عليه ويقولى انه بيحبنى ومش هيتخلى عنى وانا دلوقتى مش عارفه اخليه يبطل ازاى وقعدت اقوله حرام وربنا هيغضب عننا بردوا كان بيتكلم وكمان هو بيسجلى المكالمات وخايفه لحد يعرف او هو يغدر بيه واحنا قربنا نتجوز وممكن هو يقول عليه ايه لما بتكلم معاة فى الكلام ده وانا مابكونش عايزة اتكلم وهو اللى بيضغط عليه عشان اتكلم ولما بقابله بيحسس عليه ويحضنى وانا مش عارفه اعمل ايه وخايفه جدا افيدونى ايه اللى ممكن اعمله مع العلم انى حاولت معاة كتير انه كل ده يبطله ولكن مش بيجى بنتيجه وفى مرة قولتله انى هسيبك لو ما بطلتش وبردوا هو يقولى انى هو تعبان وعنده شهوة كبيرة ومش قادر والفرح باقى عليه 3 شهور ارجوا الرد بسرعه افيدووونى؟؟؟
مشاكل الخطوبة
بحس ان خطيبى بيسجلى المكالمات وهو بيكلمني عن الجنس
اضيف بتاريخ: Sunday, December 5th, 2010 في 12:17
كلمات مشاكل وحلول: الجنس, فترة الخطوبة, مخطوبة, مشاكل الخطوبة
يااختي العزيزة كلامك مع خطيبك في امورالجنس حرام ولايجوز لانكما غير متزوجان ولم يدخل بك شرعا وممكن في اي لحظة تفشل تلك الخطوبة وتفترقا فانت فرطت في شرفك واخلاقك وتربية الاهل لك بتلك التصرفات المحرمة والغير اخلاقية فمن الافضل انكما تقلعا عن تلك التصرفات والسلوكيات المحرمة وتتوبي انت وخطيبك عنها ولاتطعيه في ما حرمه الله عزوجل فلاطاعة لمخلوق في معصية الخالق والله يصلح حالكما ويهديكما الصراط المستقيم ويبعدعنكما كيد الشيطان الرجيم
بصى يابنتى مفيش راجل تأمنيله الرجاله دى ولاد كلب مالهمش امان وصدقينى متأمنيش لجنس راجل ابدآ دول انانيييين وغدارين ومعندهمش قلب
والله مشكلتك دى مشكلة بنات كتير للاسف وانا لسه مخطوبة جديد وخطيبى له عليا انتقادات كتير عشان دايما بقوله انا مش عاوزة ربنا يزعل مننا
بيغضب ويتنرفز وبيخلى اليوم اسود فى التليفون ومع ذلك انا ثابتة على موقفى اعملى زى ما تقعديش معاه لوحدك وخلى الامر يبان انه مش بايدك ده غصب عنك اما بالنسبة للتليفون حاولى تمسحى المكالمات او انتى سجلى له وهو بيطلب منك وانت بترفضى وبتفكريه بربنا واهو يبقى دليل ضد كلامه
بصى فى الاول والاخر كله بقدر ربنا انتى اعملى الصح وسبيها على الله اذا كان على كلمتين حلوين زى وحشتنى وبحبك وكلمتين رومنسيين من غير كلام خارج فاوكى لكن لمس وحركات شهوانية خلى اهلكاهلك يقعدوا معاكى دايما ويتحركوا حواليكوا بحيث ما يبقاش فيه فرصة انه يعمل اى حاجة تغضب ربنا خالص
بصى بلاش تخسرى رضى ربنا فى كل الاحوال اثبتى على الصح انا عارفه ان الشطان هيصعبها عليكى وهو هيضغط علكى بس ربنا معاكى وربنا يحفظك ويقدم لك الخير يا رب
بلاش تتكلمى معاه فى الحجات دى نهائى لانه من الواضح ان الحجات دى مهمة جدا عنده مش انتى اللى مهمة قوليلوا انك اتغيرتى ومش هتتكلمى فى الحجات دى تانى لو بيحيك هيفضل معاكى ولو بيحب الجنس هيسيبك ومتخافيش من المكالمات لانه مش هيقدر يعمل بيها حاجة خليكى قريبة من ربنا وطول ما انتى بترضى ربنا هو كمان هيرضبكى ويقف جنبك.
بصى يا حبيبتى انتى تقولى لخطيبك انك سمعتى شيخ ف التليفزيون بيتكلم عن فترة الخطوبة وعرفتى ان اللى بيحصل بينكم غلط كبير وعرفية انك ندمتى وان مش حيحصل بينكم شىء تانى الا بعد الزواج وكونى حازمة قى قرارك وأحمدى ربنا ان ربنا لسة ساترك الى الان
بصي هقولك حديث عن الرسول صلى الله عليه وسلم (من التمس رضى الله بسخط الناس، رضي الله عنه وأرضى عنه الناس، ومن التمس رضى الناس بسخط الله، سخط الله عليه وأسخط عليه الناس)، رواه ابن حبان في صحيحه ].
معنى الحديث ببساطه انك لو اغضبتي ربنا علشان خاطر بني ادم ربنا هيغضب عليكي وهيخلي الشخص ده كمان يغضب عليكي والعكس لو كان همك رضا ربنا ربنا هيرضى عنك ويخليه راضي عنك
انتي ربنا خلقك غاليه اوي وعزيزه اوي بلاش ترخصي نفسك
الخطوبه مجرد وعد بالجواز ممكن تنتهي في اي لحظه لسبب تافه
ربنا معاكي يصلح لك حالك
ببشوفي انا هقولك علي حاجه .خطيبك بيقولك كدالانه حاسس انك بقيتي خلاص مراته فبيعل كدا لانه حس منك في اول الحكايه بقبول و استمتاع بالكلام اللي بيقولهولك في التليفون . كان من الاول بقي كنتي رفضتي الكلام ده انما انتي دلوقتي مينفعش ترفضي الكلام ده و بعدين كويس اوي ان الفرح بعد 3 شهور يعني اللي خلاكي تستحمليه كل فتره الخطوبه و هو بيقولك كدا مش هتستحمليه ال3 شهور دول .انا بنصحك لو بتحبيه بجد تعزريه لانه شاب و اكيد بيستثار جنسيا و كل الشباب كدا . و الف مبروك و ابقي اعزمينا بقي علي الفرح و ربنا يتمملك علي خيييييييييييييييير
كلمة وحدة زي ما بيقولوا بلدياتنا ( الجوازة ديه مش حتم ) هوا كدا بيلقط منك وانته سبتي نفسك ليه وطالما سمحتيله بكدا يبقا انتي محتاجة اللي بيعملوا معاكي واسالي نفسك انه الكلام اللي بقولك عليه صحيح بس نصيحة تخلي بالك من نفسك أوي ودا لعوب وحتفتكري كلامي اوعي تسلميله نفسك حتى لو بيتحايل عليكي عشان ياخد بوسه انما طالما وصلت للتسجيل يبقا هوا ناوي على انتقام ومش حيتجوزك وانا كتاكد من اللي بقوله هوا بيصطنع الحب والغرام لاهواء دنيئة عاوز يتسلا فقط وابقي قولي الراجل الصعيدى اللي علق علاموضوع دا راجل كداب وانما انا وضحت الحقيقة ولاخر مرة خلي بالك من نفسك وخدي موقف جد معاه معاني عارف مش حينفع دلوقتي لانه تعود ****
انتو ايه !!!! ايه الدماغ دى !!!!!!!!! الحب يا سيدتى مش كدا ابدا … الحب كلام جيل فيه احاسيس ومشاعر ودفى وخوف على الحبيب ….. مش اللى انتو بتعملوه ده كدا احنا بقينا حيوانات ـ اسف فى اللفظ ــ بس دى الحقيقة الحاجة دى يا سيدتى لا تستغرق اكتر من ساعتين فى الاسبوع او تلاتة بالكتير ويا ترى باقى الاسبوع هاتعيشوه ازاى !!!! لازم تعرفى حاجة مهمة جدا جدا جدا ان الشهوة لما بتخرج من الانسان بيحصل عند الراجل درجة من الكراهية او بغض للطرف الاخر فالحياة مش كلها جنس الحياة احساس ومشاعر واذا كان الكلام فى الاحساس والمشاعر خلص يبقى ابعدو عن بعض حبة وماتخلشه يشوفك كتير حرام نفكر تفكير حيوانى بعد كدا نندم ونقول الراجل السبب واعرفى حاجة مهمة جدا ان الراجل عمره مابيقدر ياخد حاجة غصب من البنت او الست حتى لو كانت مراته فنتى اللى شجعتيه وانتى اللى لازم توقفيه وتغيريه وتحبوا بعض بالمعنى الحقيقى مش بالكلام الفاضى اللى بينتهى فى ثوانى شوفوا الاحساس افضل من التصرفات الحيوانية هو دة الحب يابنتى وعمر الحب ماكان كلام فى الجنس … انا اسف ان انا منت حاد معاكى شوية بس دة اللى لازم يحصل
اولا خطيبك غير متدين بالمرة ولا يصلى ولايعرف ربنا وانا شايف انك تكونى اكثر جدية مهما كانت النتائج وهو لو ناوى ينصلح سوف ينصلح وربنا يهديه الى الصواب واتمنى لك التوفيق
انتى بتقولى انا الفرح باقى عليه 3 شهور يبقى هو دخل من الباب واكيد انتوا جهزتوا الشقه وجبته عقش وكده يبقى استحمليه وهو كده كده هيبقى زوجك وهو بيسجلك عشان وهو معلش فى الكلمه بيمارش العاده السريه يسمع صوتك فتكون اسهل بس كده وخلى بالك من نفسك باى
انصيحتى صرحى لاهلك وهما يسعدوكى بس قبل ماتصرحيهم حولى معاه تانى لومارجعش عن كدا صرحى اهلك وسبيه
اابنتى العزيزه هذا الشاب اذا كان خطيبك كما تقولين كيف يسمح لنفسهان يقول لك هذا الكلام الفارغ وانت كيف تسمحين له ان يقول لك هذا الكلام الذى لايرضى ربنا وانتى قولى له لو عندك اخت مخطوبه هل تسمح لخطيبها ان يقول لها هذا الكلام قبل ان تجمعهم غرفه واحده اقصد ليلة الدخله
وتذكرى يا ابنتى جيدا ان الفاكهه مغريه وتشتهيها النفس طالما هى فوق الشجره او عند البائع اىبعيده المنال وتعافها النفس طالما ملكتها اليد فخطيبك هذا لو لم يحترم نفسه معك ويتقى الله فيك لاتلتقى به وحدك ابدا ولاتنس ان هناك زيجات لاقدر الله تفشل فى ليلة الدخله بسبب الاختلاف على الامور الماديه فربما يطلع شاب معندوش دين وفىى ظل الملعون اللى اسمه المحمول بترتكب به اشياء ممكن تدمر حياة اى بنت واخيرا ياابنتى لاتنسى قول الله تعال مايلفظ من قول الا لديه رقيب عتيد صدق الله العظيم
شوفى ماشاء الله الناس هنا افادتك كتير وقالوا كلام كتير اوى كويس انا بس هاقولك كلمة صغيرة من اخ مهام قلك وعاملك الغلط صح والصح غلط وحلل وبدل الامور صدقينى كل ماتتنازلى خطوة انتى بتنزلى من عينه ميل وده بجد اكتر حاجة يحبها الولد الانسانه الصعبه الشغف باللى قدامة وانه يتمناه انما لو الشخص وافق بالبدايه وقدر انه يفتح سكة هايفضل كده لحد النهايه والحلول ليكى بسيطة ماتعديش معاه لوحدكوا زى ماقال الشرع وما تتكلموش باليل متاخر ولما تكلمى قوليله اسفة ماينفعش الكلام فى الحاجات دى وانا اهلى دايما جنبى فى البيت وعرفيه ان فى كل الاحوال انك مستغيه ومش بتتهددى وموضوع الصوت والتسجيل والتليفون ممكن اى حد ببرنامج كمبيوتر تافه يعمله وفهمى انك خالاص اتغيرتى عاجبه انك تكونى فى الحلال اوك مش عاجبه الباب يفوت جمل وشوفى النتيجة اكيد هايتعدل ولو ماتعدلش وفكر يسيبك يبقى ده اصلا كان ناوى يلعب ويجرى ومالوش غير فى كده
لاتفريط لاتهاون لا استسلام حتي تكتبو الكتاب وما عدا ذلك حرااااااااااااااام
ادى دقنى لو اتجوزك دا واحد بيدخل البيوت وبعدين يتسلى ويحسس ويحضن والمرة الجاية يبوس وف لحظة شيطان ……….. وتبقى…….انتى فاهمة طبعاويقوم واخد ديله ف سنانه ويقول يا فكيك ويقول لك اسف مقدرش اتجوز واحدة …………. كملى انتى النقط
واضح من خلال كلامك انك مؤدبه ومتدينه مش زي بنات اليومين دول..انا شاب يا اختي وكاتب كتابي علي خطيبتي عمري مالمستها الا بعد كتب الكتاب ممكن ابوسها او احضنها او نتكلم في اي حاجه ..قبل كتب الكتاب غير مسموح انه حتي يقولك بحب ..غير انتي ازاي تخليه يتجرأ عليكي ويحضنك ويحسس عليكي اللي بينكم ده وعد بالزواج فقط بس حتي الان انتو اغراب عن بعضكم..حتي لو بيقولك انا بحبك ومش هفرط فيكي وكلام الاسطوانات ده.. اني ليه خلتيه يتجرأ عليكي و يقولك انتي بارده عشان انتي تثبتيله عكس كده فيوصل للي هوا عايزه..شفتي يا اختي الصغيره خطيبك ده زي اي راجل في الشارع غريب تماما عنك الا لما يكتب الكتاب يكون زوجك ممكن تكون فيه بعض التجاوزات بس .. وقفيه عند حده وماتخليهوش يتجرأ عليكي تاني ولو اتجرأ اقفلي التليفون في وشه عرفيه انك مؤدبه وانه مش جايبك من الشارع ولو زعل خليك يخبط راسه فالحيطه ولو حتي قالك كل شئ نصيب صدقيني انتي كسبانه . تحياتي لك اختي و ارجوكي ماتفرطيش في نفسك واللي هيلمسك يكون بالحلال واللي مش عاجبه كده الباب يفوت جمل. اتمني رسالتي تكون وصلتك
اخوكي محمدالمصري – سلطنه عمان
انصحك لا تسمحي له مرة اخرى باي تجاوزات لان خطيبك ما زال اجنبيا عنك ولا يجوز له اي شئ معك ولا حتى السلام باليد . ولو كنتي خايفه على زعله يخبط دماغه في الحيط لما يزعل هو احسن ما تضيعي نفسك اما عن تسجيل المكالمات حاولي تخدي الموبايل منه وتخدي منه كرت الميوموري او تمسحي كل حاجة من عليه بس طبع بدون ما ياخد باله . واوعي تطاوعيه في اي حاجة تاني . وحاولي تقربيه من ربنا لان النوع ده بعد اشباع الشهوة مهمة الست عنده بتنتهي . ربنا يوفقك
انسان غير متزن لايصلح للزواج
خلي بالك الشاب ده عارف انتي بتفكري ازاي عشان كده بيقدر يدخلك من طرق يقدر يخليكي تنفذي اللي هو عايزة وخلي بالك برده ممكن يستدرجك بطريقة زكية ومن غير ماتاخدي بالك وياخدك مكان ويعمل معاكي علاقة غير شرعية وبعد كده يسيبك وانا مش مصدقة انه خطيبك يعمل معاكي كده المفروض انه خطيبك يراعي ربنا فيكي يعني انتي تعتبري جوهرته المفروض يحافظ علي بريقها مش يطفيه وبعدين ليه بيسجلك وبعدين مش بعيد ده في ليلة الدخلة تلاقيه بيسجلك برده علي فكرة ده بني ادم مش طبيعي والمفروض انتي لما لاقيتيه كده من اول مرة كنتي سيبتيه ومش قادرة اقولك سيبيه دلوقتي لان اللي زي ده لو سيبتيه حايفضحك وحايبوظ سمعتك بتسجيلاته دي حاولي تشوفي اقرب حد ليكي من اهلك الرجالة واحكيله وخليه يتصرف معاه
المشكله حسب نيته
حولى توصلى للمكالمات ده باى طريق ملتوى زى الدلع او غيرة هتلاقى الحاجة ده فى الموبيل او الكومبيوتر وتمسحيها . انتى اكيد ببتروحى عنده البيت حولى تدورى من وراه وربنا معاك وخلى بالك من نفسك
انصحك انك تعترفي لأهلك قبل ما يفشي السر هو وبكده اهلك هيقدروا الموقف وهما هيتصرفه كويس
واكيد هيسمحوكي وربنا يستر على ولايانا
ياريت تحاولى معاه انه يمسح المكالمات وسيبيه فورا
انتى تستهلى اللى اتنازلتى من الاول بنى ادم زى ده ميستهليش انك ترتبطى بيه بس مينفعش الكلام ده بعد اللى حصل يبقى تستحملى علشان الفضيحه
ده إنسان معندوش دين ومابيخفش ربنا إزاي هيخاف عليكي وهو بعد ما حسس عليكي وسجلك عشان يسبت لنفسة واصحابة انو قدر يسيطر عليكي لدرجة انك تكلمتي معاة في أدق تفاصيل الحياة الزوجية ارفضي الكلام معاه في الموضوع ده وحاولي توصليلوا انك بتخافي من ربنا تذكري بسم الله الرحمن الرحيم ( أتخشونهم والله احق ان تخشوه ) انا كا شاب معتقدش اني ممكن يكون عندي رغبة في واحدة خلاص مبقاش عندها حاجة تشدني ليها عرفت عنها كل حاجة مش هي دي الخطوبة وهو ده التحضر والتقدم وناس اسبور وبنت مثقفة ومتفتحة ده عمرو مكان تقدم ده جهل بكل حاجة للاسف المفروض انا احافظ عليها دي هتكون مراتي وتشيل اسمي وسنعتي وكل حاجة بدل ما احافظ عليها احاول افضحها إلجأي لربنا واستغفري تخيلي لو ان الشخص ده مات قبل حدوث الزواج والتليفون ده أي حد من اخواته أخدو وسمع المكالمات دي أنتي هيكون وضعك ايه إحسبي أي حاجة البنت دايما وضعها حساس خدي بالك من كل حاجة
بصراحة هاد الشخص مش بتاع زواج ولا بحبك نصيحتي حطي حد لانو ماخدك بس عشان هدف ويمكن بس يشبعو يزهق وكتييييير بتصير
يا اختى مادام انتم مش مكتوب كتابكم يبقا حرام اللى بيحصل دة لا يجوز انه يلمسك حتى باليد فمابالك انه يضع ايده عليكى لمفروض انتى مكنتيش عطتيه الفرصة دى من الاول وكنتى عرفتيه حدودة كويس وحتى لو اتهمك بالبرود معلش دة كان بيضحك عليكى برود ايه اللى بيقول علية هو انتى مراته عشان يعرف انك عندك برود والله يا اختى انى اكتب وانا فى غاية الحزن دة فيه حديث فيما معناها ان الواحد يوضع فى راسة مخيط من حديد اهون من ان يلمس امراة لا تحل له وهو مش كاتب عليكى افرضى لاقدر الله محصلش نصيب واتزوجتى شخص تانى انتى عارفة ان الشخص التانى دة بيكون مظلوم لانه اتجوز واحدة مش اول ايد تلمسها ايدة عارفة ان الشاب السوى يحب تكون زوجتة كانها جوهرة فى صدفة هو اللى يفتح الصدفة دى وياخد الجوهرة ويتمتع بيها كل شاب كدة مش ياخد واحدة واحد تانى حضنها ولمس جسدها اقولك يا اختى خطيبك ضغط عليكى وانتى وافقتى ما قولتيش لا حتى لو قلتى لا ما قولتهاش بحزم من اول ما كلمك وهددتيه انك هتسبيها هيعرف ان خطيبته مش سهل ان حد ياخد منها حاجة حتى لو كان خطيبها الا فى اوانها وبعدين كان هيبطل هو خالص يطلب حاجة زى دى اسالك بالله تتغيرى لا تتركيه ولكن حفظى على نفسك الكام شهر اللى جايين دول ولا تختلى بيه لوحدكم قعدى معاكم حد من اخواتك وفهميه ان يصبر لحد يوم الدخلة وحاولى تقربيه من ربنا لو هو بعيد وعرفية الحلال والحرام وانك بتعملى كدة عشان الشى اللى ياخدة فى اوانة يبقا احلى بكتير من اللى قبل الاوان
نصيحتي ليكي خليكي زي ما انتي متمسكه واياكي تضعفي ولا تديلوا الفرصه ومفيش حاجه اسمها عنده شهوه كبيره ولا صغيره ودايما خليكي فاكره انه لو اخد اللي عايزه منك ممكن جدا يسيبك وهيفضل يقولك شويه شعارات انتي اللي سيبتي نفسك انتي اللي غلطانه وهيقولك ممكن بعد الجواز تعملي كده مع اي حد وهيسيبك بكل سهوله وهتندمي علي كل حاجه( واسف لو في كلامي حاجه تجرحك بس دا اللي بيحصل ) والقرار الاول والاخير ليكي طبعا
قوله صلى الله عليه وسلم : (( اتق الله حيثما كنت )) أي اتقه في الخلوة كما تتقيه في الجلوة بحضرة الناس ، واتقه في سائر الأمكنة والأزمنة. مما يعين على التقوى استحضار أن الله تعالى مطلع على العبد في سائر أحواله ، قال الله تعالى :{ما يكون من نجوى ثلاثة إلا هو رابعهم ولا خمسة إلا هو سادسهم ولا أدنى من ذلك ولا أكثر إلا هو معهم أين ما كانوا ثم يُنَبِّئُهم بما عملوا يوم القيامة إنّ الله بكل شيء عليم } [المجادلة:7]. والتقوى كلمة جامعة لفعل الواجبات وترك المنهيات .
نصيحتى ليكى ترجعى وتوبى ودا اكيد انسان هو الى غير طبيعى ولو بيحبك وناوى يتقى الله فيكى اكيد مستحيل يكون عمل كدا واحذرى تضعفى وتخسرى كل حاجه فى لمح البصر http://mashakel.masreat.com/مشاكل-الخطوبة-42/
لا تتسرعى معة فى اى شئ يغضب الله
فنحن لا نعلم الغيب ولا نعلم النوايا