ياريت حد يساعدني انا حياتي مدمره والله تعبانه ومش لاقيه حد يساعدني انا كنت بحب وحد اوي حبيته سنتنين وبعد كده اتقدم لي شاب علشان يخطبني وحبيبي كان يتهرب مني اول لما اقوله تعال اخطبني المهم وافقت علي الخطوبه وكنت عايشه عذاب الخطوبه استمرت سنه بس عمري ماحسيت ناحيته باي حاجه خالص هو اللي مهتم بي وبيحبني بس ماكنتش بصدق اي كلمه حب يقولها ليا المهم اكتشفت في الاخر عرفت ان خطيبي بيكلم بنت من ورايا وفشكلت الخطوبه الصراحه علي قد ما انجرحت اوي وانصدمت فيه علي قد ما انا تعبانه دلوقتي انا دلوقتي انخطبت تاني من 8 شهور وخطيبي التاني مش بيهتم بيا خالص ولا فيه حب ولا اي حاجه خالص علي طول سايبني لوحدي عمره ماحس بيا وخطيبي التاني كان خاطب واحده برضو قبلي خطبها 3 سنين وكان بيحبها وفشكلو برضو وانا حاسه انه لسه بيفكر فيها ولسه في دماغه علشان كده هو بعيد عني علي طول وانا تعبت اوي مش عارفه اعمل ايه وكل اما اتكلم مع ماما اقولها انا تعبت مش قادره اتحمل اكتر من كده تزعق لي وتقولي دي تاني حطوبه وكلام الناس انا تعبانه اوي والله انا نفسي انسدت عن كل حاجه ولا باكل وعلي طول لوحدي اعيط علي حظي مش عارفه انا ليه بيحصلي كده
انتي اللي مش عارفه تستغلي انوثتك لهرمونات رجولته مفيش راجل بارد
شوف يابنتي الحب الحقيقي ياتي بعد الزواج عايزك تعرفي ده وانت الان مخطوبة للمرة الثانية اهتم بخطيبك وتكلم معه وقد يكون الولد خجول وينكسف فانت اكسري تلك الحالة اللي عنده وتواصل معه عبر الموبايل واسالي عنه وطمني عن اخباره عامل ايه حتى تعرف حقيقة مشاعره ان كان فعلا لايزال يفكر في خطيبته السابقة ام مجرد اوهام في دماغك وربنا يتمم لك بالخير ويؤفقك ويسعدك معاه