اولا السلام عليكم ورحمه الله
ياريت تفيدونى فى حل لمشكلتى خطيبى فى ضغوط نفسية بسبب شغله وبيتنرفز من اقل حاجة ومش طايق اى حد هو نزل اجازة دلوقتى وعندة ضغوط فى بيته بسبب مامته لان مامته قاعدة لوحدها وكل اخواته متجوزين هما ولاد مش بنات فبتصعب علية انو هى قاعدة لوحدها فدا بيضايقه وعندة اخوه تؤام بردو نزل اجازة وهو كان مسافر من سنتين تقريبا يعنى من اول منزل وهو عند خطيبتة ومش بيروح عند اهله غير كل فين وفيين فدا بردو بيضايق خطيبى وزعلان انه مش بيقعد معاهم ولا بيجى فهو عندة ضغوط (للعلم خطيبى عاقل جدا ومش عصبى خالص ) بس الايام دى لية مش عارفه بقا كدا وبيفضل يحكيلى وانا والله بستحمله وبتكلم معاه وممكن يتنرفز على حاجات صغيرة ممكن يعديها ولانى عارفه هو فى اية فمبعلقش هو مبيغلطش فيا بس بيتنرفز بس
امبارح كان عندى وقعدنا مع بعض وبنضحك وكان يوم حلو جدا ونزل من عندى وانا بتابعه واشوفه وصل ولا لا واتاخر برا استنيته علشان اتكلم معاه لحد متاخر فلسة بكلممه بيقولى صوتك ماله( كنت مرهقة شوية بس والله صوتى مكنش فظيع يعنى وفنفس الوقت عاوزة اتكلم معاه) فقولتله مفيش ياحبييبى انا كويسة انت كويس لقيته بيزعق ويقولى فى اية وبتتكلمى كدا ليه واتنرفز من اية معرفش مع انة سبب ميستدعا كل دة بصراحه حسيت انى مش قادرة فقولتله انت لية بتتنرفز كدا يعنى انا مستنياك وعاوزة اتكلم معاك انت تتنرفز عليا فى حاجة متستدعاش لقيته سكت وحس انو غلط قولتله انا بستحمل لان بحبك ولانك مش غريب عنى بس مش معنى كدا انك تتنرفز عليا من اقل حاجة عمما شكرا على اسلوبك وكلامك بي ممكن اسالك سؤال لقيته بيقولى لا قولتله اوك شكرا انا هنام تبح على خير فقالى طيب قولى وهو حزين كدا قولتله لا وقفلت معاه .. لقيته بعتلى ماسدج بيقولى انا محتاج اقعد فترة لوحدى ارا نفسيا علشان مش عاوز اجى عليكى اكتر من كدا قولتله لو دى حاجة هتريحك اعملها وان كان عليا مش هكلمك ولا هضايقك وانت لو حابب تكلمنى فى اى وقت انا مستنياك لان انا اكتر واحدة اتمنى انك تكون مبسوط ومرتاح وانت عارف دة بس خلى بالك على نفسك وابقى طمنى عليك وقفلت معاه ( للعلم ان هو مسافر بكرة 🙁 ) (على فكرة انا 22 سنه وهو 27 )
ياريت تفيدونى اعمل اية اسيبه لوحدة شوية ولا اكلمه ولا اعمل اية ياريت تقولولى رايكم ؟؟؟؟؟
مشاكل الخطوبة
خطيبي بيتنرفز علطول واعصابه تعبانة
اضيف بتاريخ: Thursday, December 21st, 2017 في 18:48
كلمات مشاكل وحلول: الحب, الخطوبة, بنات, بنت, حب
عايز اقولك ان العصبية والنرفزة اللي مالها اي مبرر الموجودة في خطيبك ده سوف تؤثر على حياتكم الزوجية دي الحقيقة وممكن من اي حاجة تجديه يزعق فيك ويخاصمك ويصعب التفاهم معه وقد تصل الى تعديه عليك بالضرب من غير ايتها اسباب وانتما لسه في بداية الطريق يعنى في مرحلة الخطوبة وبيعمل معاك كدا امال بعد الزواج وكثرة الضغوط عليه وتحمله لاعباء مسووليات الحياة هيعمل فيك ايه ارى انك تحاول تعرفي منه اسباب العصبية الزائدة اللي عنده التي لاداع لها فهل يقدر يتركها ام لا وان كنت اظن انها متاصلة فيه وصارت طبعه ولن يتخلى عنها ابدا وسوف تجدين متاعب وصعوبات في التعامل معه على مدار حياتكم حتى بعد الزواج فمن الافضل تنهي تلك الخطوبة معه وكل شي قسمة ونصيب وتاكدي ان ربنا عزوجل بيعوضكي ويكرمكي بحسن منه بابن الحلال الصالح اللي يقدر مشاعرك ويصونها ويحسن المعاملة لك ويسعدك طوال حياتك