السلام عليكم ارجوكم انا عارفة مشكلتي طويلة بس ساعدوني انا مشكلتي صعبة جدا اول امبارح اختي المتجوزة جت عندنا البيت وسمعتني تسجيل لمكالمة بين حماتها وخطيبي..مع العلم ان خطيبي بيكون ابن عم حماة اختي المهم في المكالمة دي حماة اختي بتشتم فينا وبتقولوا إن احنا بنات مش محترمات وبنعامل ماما وبابا بأسلوب وحش وان احنى متكبرين وقعدت تشتم في اختي وإنها وش فقر عليهم وان اختي تافها وحقيرة ولئيمة وهوا كمان قعدت يشتم في اختي معاها وقال عليها انها حقيرة وتافها وقالتلوا هيا مش هيا برضوا اخت اللي انت خطبها وقالتلوا والله كلهم زي بعضيهم قليلات ادب ومش محترمين وهوا سكت وقاللها ان هوا انغر فينا وفي اخواتي وان اخواتي الشباب متكبرين وبيتكبروا عليه..بس اختي مارضيتش اتسمعني التسجيل كله وسمعتني جزء منه وقولتلها عايزة اسمعوا كله مارضيتش وقالتلي انه في حاجات مابتخصناش..وقالتلي اختي ان خطيبي كذاب وصايع وابتاع بنات وقالتلي ان هيا واخت جوزها خلوا وحدة تتصل بيه وتوقعوا بالكلام وهوا وقع وكمل معاها وقالها انا مش هرتاح لو ماخدتكش..المهم انا اتصلت بخطيبي وقلتلوا انا هفركش موضوعنا قعد يقولي مالك فيه ايه وليه قلت الى خطيبي على موضوع المكالمة اللي بينو وبين بنت عمو اللي هيا حماة اختي وقعدت اعيط فقعد يقولي اهدي وقلتلوا انا عملتلك ايه خسرت كل حاجة عشانك قعد يقولي اهدي وقلتوا احكي بصراحة انت عشان انا دلوقتي بديلك فرصة بس ماقليش الصراحة وحط كل اللوم على بنت عمو وقالي انا هقولك حاجة بس ماتقوليهاش لحد قولتلوا ماشي قالي ان بنت عمو اللي هيا حماة اختي عاوزاه يعني بتحبوا وقالي ان مرات اخوه قالتلوا يمشي معاها في الكلام عشان ماتعملناش حاجة ولو مش مصدقاني اديلك مرات اخوي اتكلمك دلوقتي مع العلم اني سمعت الحاجة دي من قبل من الناس وهيا استغفر الله معروف عليها ان هيا مش مزبوطة وهوا من زمان كان دايما بيقولي ان هيا بتقول عليا اني وحشه وسمره ولما بصحا من النوم بيبقا شكلي وحش وحاجة تانية كتييييررررة المهم بعدها قعدت اعيط كتير ومش عارفة اصرف وقفلت معاه بعدها بسعتين كلمتوا وقعد يزعق ويقولي انتي عرفتي منين الكلام اللي انا اتكلمتوا معاها وانتي بتتكلمي وبس عشان توقعيني بلكلام وانا قلتلوا لو قعدت اتزعق كده انا هخاف منك وقالي انتي مش صريحة معايا وكلامك مش صح وانا قلتلوا يعني بكذب فقالي انتي مش صادقة وقالي من بعد اذنك انا هقفل وقفل بعدها انا اتصلت بيه فعاود عليا وقلتلوا قفلت ليه قالي ارجوك انتي عندك اعصاب غريبة وانا بتعصب بصرعه وقالي ماتخلنيش اعمل حاجة تخليكي تندمي وتحسبني عليا طول عمرك قولتلوا انت اتغيرت ماكنتش كده وقصدك ايه بالكلام ده انت مستهتر بربنا كده ومش فارقة معاك احسبن ولالا قولتلوا انت بتهددني قالي انتي بتعصبيني ومش واثقة فيا وانا بتعصب بسرعة ف انا قلتلوا اوعدني الاول انك مش هتقول لحد فوعدني وقلتلوا اني اسمعت تسجيلات وقالي طيب مين اللي سجلها قولتلوا الموبايل لوحدوا سجل فقالي لا تلقيها بنتها هيا اللي حطتلها البرنامج ع الموبايل فقلتلوا مااعتقدش وبعدها وقالي انتي اكيد سمعتي كل حاجة قلتلوا ايوه وانا اديتك فرصة وانت ماكنتش صريح معايا فقالي انا مش بخاف من حد وبالنسبة الى اختك انا بقول الكلام ده قدام جوزها واخوكي فلان كان كويس معايا لحد مابنت عمي قعدت تحرضوا عليا وخلتوا يتغير واخوكي فلان الناس كلها تعرف إن احنى مخصمين بعض بقالنا سنة والمشكلة اللي بينا وبعدها انا قلتلوا طيب ليه ماحولتش تسكتها فقالي اسكتها ازاي وهيا اولى مني ليكوا وعلى اي اساس اسكتها قلتلوا على اساس ان انا حبيبتك قالي احنا لسى مالبسناش الخواتم ولواتكلمت هتقولي انت مالك (بس مع العلم الناس كلها تعرف ان هوا عاوزني وطلبني من ابويا رسمي واهلي واهلوا يعرفوا )وبعدها قلتلوا ماشي وبعدها قعد يضحك بشكل هستيري قولتلوا بتضحك ليا قالي سبحان الله خلاكي تسمعي كل حاجة انتي انسانة طيبة وانا الصراحة مااستاهلكيش فقلتوا انت مابتحبنيش وبتسغل كوني انسانة هادية قالي لا والله اقسم بالله العظيم اتحاسب عليها قدام ربنا انا عمري ماحبيت حد زيك ونفسي تبقي معايا العمر ومستحيل انساكي حتى لومحصلش نصيب وقالي انا بستحمل كلام من اخوكي وبيهزقني وبيقولي انت طماع فلوس قدام اخويا الكبير واخويا قالي بصراحة مش بنت اللي تخليك تستحمل كلام زي ده وانت ساكت وانتي بتزيديها عليا وقلتلوا طيب العمل دلوقتي قالي موضوعنا مش هينفع قولتلوا ازاي وليه قالي بنت عمي مش هتسبنا في حالنا وبعدها قلتلوا ازاي تقول كده قالي طيب اعمل ايه انا تعبت من كثر الكلام بعدها انا قفلت معاه لان اختي دخلت عليا وبعتلوا مسجين باختصار..انت فيك حاحة كويسة وحاول تطلعها لان والله مش هينفعك حد الا اعمالك والروح مردها الى ربنا والله يسامحك يافلان..تصبح على خير استودعك الله في امان الله… وانا على فكرة ماقلتلوش على موضوع البنت اللي وقعتوا بالكلام وقالها انا مش هرتاح الا لما اخدك ولحد دلوقتي مكلمتوش ومش عرفة اعمل ايه نفسي ارتاح بقى ان كرهت نفسي لاني بيقولو عليا طيبة وبيقدر ي حد يستغل طيبتي ومش عارفة اكمل معاه ولا ايه..مع العلم ماتقولوليش نعمل فرح لان مش هينفع ابدا لظروف ولاسباب خاصة..واسفة على الاطالة
اختي القاضلة قرات مشكلة بتاعك كاملة وعايزك تعرف ان الشخض ده كداب ومخادع ولايستحق ان يكون زوجا لك عايزه ايه اكثر من تسجيل كلامه القذر مع بنت عمو والكلام اللي قالوه هو بنت عمو عنك وعن اخواتك البنات لااظن حرة شريفة وعفيفة ترضى بهذا الكلام يتقال عنها من شخص خطيبها وهيكون زوجها في القادم اين كرامتك ولاخلاص مالهاش قيمة ولااعتبار عندك لو وحدة غيرك مش تكلمه في الموبايل لا تروح لغاية عندو وتفضحه امام اهله وكل الناس وتحط صوابعها في عيونه ولااحدش يلومك ابدا لانك بكدا هتكوني تدافع عن كرامتك وكرامة اهلك صح الكلام ده يابنت الناس واللي اني غلطان لكنك تساهلت جدا معاه ورحت تكلميه في الهاتف وشي طبيعي انه ينكر كلهذا الكلام اللي قاله وينفيه قالوا للحرامي قال جاك الفرج صدقينى انت ارخصت نفسك وكرامة اهلك وسمعتهم بقبولك الارتباط بهذا السافل الواطي الكداب لازم تفسخ الخطوبة منه فورا لوكنت بنت جدعة وتحرص على سمعتهاوسمعة اخواتها واهلها وترمي له الدبلة في وجهه القذر وتقول له بصريح العباراة انت ماتتساهل ان تكون زوج لي ولايشرفني هذا وكل شي قسمةونصيب وربنا بيكرمك باحسن منو مليون مرة الف من يستاهلك ياقمر جرى لك ايه الكرامة فوق كل شئ يابنت الناس وعمرو مايصون كرامتك ولايحافظ عليها طالما انه بيعمل كدا ويقول عنك الكلام الوحش اويرضى ان احد يتكلم عنك بسوء اتمنى انك استوعبت الدرس وعرفت الحقيقة قبل فوات الاوان وربي يؤفقك ويسترعليك انت واخواتك ويكرمكم بكل الخير والسعادة طوال حياتكم
قدامك حلين ملهمش ثالث…. اولا لو بتحبيه وعاوزة تتجوزيه اهم حاجة حافظي علي نفسك لان ممكن بشوية مشاعر ينام معاكي من الاخر حتي لو صوت هتبقي خسرتي نفسك وسمعتك وافصلي نفسك عن المشاكل اللي حواليكي سواء قرايبه او قرايبك لان الموضوع دا حوارات ومشاكل …. ثاني حل لو مش هتقدري تستحملي كل اللي قلتهولك دا وحاسة نفسك ضعيفة وممكن ينام معاكي وممكن تدخلي ف مشاكل حوارات دا قال دا عمل وشغل وجع الدماغ دا ابعدي عنه وانتظري نصيبك …وربنا يسعدك