انا طالبه ف الجامعه مخطوبه وخطيبي مهندس وابن عمي وكنت بحبه اوي بقالنا سنتين مخطوبه وبعدين جاله عقد وسافر شعرت بالوحده وبعدين اتعرفت ع واحد زميلي حبيته اوي مكنتش اعرف ان الحب كده كنت فاكره قبول وخلاص طلب مني ان اترك خطيبي عملت المستحيل بس مقدرتش وبعدين طلب مني اتجوزه من ورا اهلي عشان منسبش بعض وهو كمان ف الجامعه وبيحبني اوي بس خطيبي بيحبني اوي استمر مع مين خطيبي ولا حبيبي بس لو انا اتجوزت خطيبي هيسعدني بس هكون تعيسه بس انا قابلاه نفسيا بس نفسي كنت اتجوز الي بحبه وكمان انا دخلتي بع شهرين اعمل ايه فكرت اني انتحر بس مقدرتش ارجوا الرد بسرعه وابقي مشكوره جدا
بيتسلي بيكي لدرجة ان فكر ف زواج من ورا اهلك ولسه عيل بيدرس هو عاوز سرير وخلاص … الحل انك مش تستاهلي الراجل المهندس اللي طالع عين امه ومسافر علشان يسعدك .. استخيري ربنا علشان مش تظلميه معاكي ولا تظلمي نفسه ومش تقدري تسعديه
بس اهم حاجة الجواز يبقى على سنة الله ورسولو واهلك موافقين علا فهمى اهلك ان السبب ورا انك تسيبى خطيبك اى حاجة ماعادا ان فى حد تانى فى حياتك عشان ميعندوش معاكى ولو سبتى خطيبك استنى شوية وخلى التانى يتقدم
اعرف الى فركشو الجوازة فى نفس اليوم و قبليها باسبوع لو عايزا بجد سيبى خطيبك واوعى تغلطى وتسيبى حبيبك عشان ممكن تعملى زى ناس كتير بعد ماتجوزو الى مش بيحبوهم بيخونوهم مع الى بيحبوهم او انهم يعيشو فى تعاسة سيبى وزى ما بتحبى محدش يقدر يوقفك
حب ايه اللي موهومه بيه ده وزميلك ده بيضحك عليكي هو فيه ابن ناس يطلب من واحده يتزوجها من وري اهلها .. اقلك نصيحه لوجه الله الشاب ده بيضحك عليكي وهياخد غرضه منك ويسيبك واكبر دليل انو عاوز يتزوجك من وري اهلك واتقي الله في نفسك وفي اهلك بعد ما تعبوا عشانك وخطيبك كمان مسافر عشان يتزوجك فالاخر تعملي علاقه حب مع واحد وهل نسيتي ان ده ربنا محرمه !!! راجعي عقلك وليس قلبك ومفيش حب غير بالزواج الرسمي