انا بنت عندى 29سنة احب خطيبى جدا و هو كذلك تأخرت فى فترة التعليم الى ان حصلت على درجة و شهادة جيدة كان يساعدنى بها والدى و خطيبى الى ان تمت الحمد لله و لكن مشكلتنى الان ان والدى مصر اصرار شديد ان اعمل اولا و ان يتم الزواج الى ان اكون جديرة و كويسة فى العمل و حتى حين ان احصل على ذلك لا تتم اى شئ من ترتيبات الزواج خطيبى يعمل بالخارج و يصر على الارتباط فى الاجازة القادمة و هذة الاجازة قريبة جدا كام شهر مع العلم ان خطيبى عنده 35 سننة و ترتيبات الشقة له جاهزة مش فاضل غير العفش هنجيبة لما ينزل و انا مش عاوزة اشتغل اساسا فى حين ان والدى كان مصر على ان اخذ هذه الشهادة رغما عنى و لارضائه نفذت رغبته و حققتها له خطيبى لا يفرق معاه ان اشتغل او لا المهم ان نتزوج اولا و تتم اى شئ بعد ذلك باتراضى و انا لست مستعدة ان اقف مع احد قصاد احد فى حين انى احبهم هما الاثنين
الشهادة والعمل سلاح في ايد البنت ضد غدرات الزمن يعني خطيبك عايش وبيحبك وصحته كويسة وبيشتغل وان شاء الله هتتجوزوا وتخلفواوربنا يسعدكوا ومتضمنيش بكرة هيكون ايه – سبحان الله علام الغيوب ان الله سبحانه وتعالي يغير ولا يتغير يعني ايه – يعني اللي عايش انهارضة بكرة هيموت – واللي غني انهارضة بكرة هيفتقر – واللي بيحبك انهارضة يمكن بكره يكره – واللي سليم انهارضة بكرة يمرض واللي بيشتغل انهارضة بكرة هيقعد – واللي متجوز انهارضة يمكن يتجوز تاني او يطلق – الانسان مننا ابن الاغيار يعني الدني مش بتفضل علي حال في جميع الاحوال الشغل ليكي ضمان ضد تقلبات الزمن – الشغل ليكي حياه وكرامة – اتمني ليكي التوفيق والسعادة – وكل عام وانتم بخير .
عايزك تقري تلك القصة وتاخذي العبرة والعظة منها فهي حصلت لابنة خالي كانت شابة عندها 27سنة ومخطوبة لشاب ولكنها لم تكمل تعليمها الثانوي وابوها سامحه الله اصر على انها تكمل تعليمها وتخش الجامعة ورافض الزواج ويريد منها بعد ماحصلت على الشهادة ان تعمل وتكمل تعليمها الجامعي مما سبب لها مشاكل وخلافات مع خطيبها وخلاه يفسخ الخطوبة منها بعد 3سنوات وهو منتظر انهما يتزوجا والشاب كان مستعد لاعباء وتكاليف الزواج والحياة الزوجية ولكن ابو البنت دمر حياة بنته واقعدها عانس في البيت قرابة 7سنوات حتى كرهت حياتها وكلما تقدم لها عريس ابوها يرفض بحجة انه يريد منها اكمال تعليمها والعمل بعد ذلك وصارعمر البنت 35سنة ولافي احد تقدم لها مع انها تخرجت من الجامعة وتوظفت في وظيفة كبيرة في احدى الدوائر الحكومية وتتمنى الزواج من ابن الحلال اللي يتقدم لها
لست مع ابوك في مايطلبه من تاجيل موضوع الزواج لك فانت في سن 29سنة ولست صغيرة او قاصر عشان يمنعك من الجواز من ابن الحلال اللي يستاهلك ويسعدك بحجة انه يريد منك العمل فلازم تشركي احد من الكبار العقلاء من اهل ابوك او امك عشان يقنعوه بان الزواج هو الافضل لك وفيه السترة والعفاف لك دام العريس موجود وجاهز من كل مايلزم وهو ابن حلال كويس ومخطوبه له من فترة توكلي على الله وتزوجي من خطيبك وربنا يؤفقكم ويسترعليكم ويسعدكم في حياتكم القادمة