السلام عليكم ورحمة اللة وبركاتة
انا هطول عليكم شوية فى مشكلتى اللى بجد احترت كتير فيها وتعبت بما فية الكفاية ارجوكم ساعدونى اغلاقى حل ويا ريت من غير تجريح لانى عارفة كويس اوى انى انا اللى غلطت
مشكلتى بقالها سنين وسنين انا حبيت مش بس حبيت انا اتعاملت مع الانسان دة انة كل حاجة فى حياتى وعاملتة كانة جوزى مش مجرد حبيبى مرت الايام وحاولنا نتخطب وفشلنا فى المرة الاولى وبعد كدة بدأ يبعد عنى ويقولى انتى كدابة وبشك فيكى وسافر وسبنى وقالى انا خايف عليكى ظروفى صعبة وقفت جنبة كتير وقلت لة مش هسيبك بس بردة سبنى و قالى روحى اعملى عملية ترقيع واتجوزى وعيشى حياتك وبعد كام شهر رجع ندمان ويقولى انا غلطت انى سبتك واتخليت عنك المهم رجع تانى من السفر وجة خطبنى بس لما عرف انى هتخطب لواحد تانى بس جة وقعد يقولى انا بحبك وهعوضك عن كل الم سببتهولك وطبعا لانى بحبة جدا وعشان اللى حصل بينا صدقته ووقفت قدام الدنيا كلها واهلى ماكنوش موافقين علية بس اقنعتهم واتخطبنا وهو كمان اهلة ماكانوش موافقين واقنعهم واتخطبنا وكنت طايرة من السعادة وكنت تبت عن اللى كنا بنعملة حرام وفضلت اكتر من سنة محافظة على نفسى بس المشكلة انى قدامة ضعفت تانى وعاملتة تانى كانة جوزى وطبعا كنت بندم كل مرة على انى بعمل كدة بس واللة كنت بضعف قدامة بس انا بردة تبت تانى ومش هعمل كدة تانى ابدا المشكلة انة دلوقتى بدا يعاملنى وحش تانى واوحش من الاول واخر مرة تعبنى جدا وكنت هتشل وكان دة كلة سمعه فى التليقون ومااتصلش حتى يطمن عليا ومن ساعتها بجد شلت منة كتير ومش عارفة هو جه يخطبنى تصليح غلطة ولا حب والا امتلاك حد يساعدنى ويا ريت ماحدش يجرحنى انا عارفة انى غلطت
مشاكل الخطوبة
مش عارفة هو خطبنى تصليح غلطة ولا حب
اضيف بتاريخ: Monday, April 2nd, 2018 في 16:53
كلمات مشاكل وحلول: الحب, الزواج, حب, زواج, مشاكل
مش عارفة اقولك اية والله بس ايا كان هو خطبك لية استحملى طريقتة الزبالة عشان الى عملتوة لحد لما تتجوزوا بعدين فكرى بقى و عيدي حسباتك