انا عندى 24سنة وهو عند24 سنة هو اكبر منى بخمس شهور بس المهم انا اتعرفت علية فى الشغل وكنا زمايل وبعدين هو كان بيحب واحدة بقاه شهرين وهيا سابتة من غير سبب وهو كان بيحكلى عليها وبعدين موضوعهم خلص وانا كان بيجيلي عرسان كتير فى الشغل وفجاة لاقيتة بيغير منهم وقالى انة معجب بيا وجة اتقدملى واتخطبنا وانا معرفش ازاى وفقت علية ولا اعرف ازاى اهلى وافقو علية برغم انة معندوش شقة وكان لسة بيدرس وانا كنت مخلصة المهم اننا بقالنا سنة 4شهور مخطوبين واحنا من ساعة ما اتخطبنا واحنا بنعمل كل يوم مشكلة بسبب خروجة مع اصحابة الكتير جدا وهما مش كويسين وهو الى بيجى يحكيلى عليهم انهم مش كويسين وقاعدتة على القهوة وشربو الشيشة وهو لغاية دلوقتى لسة مجابش شقة ولا بيحوش فلوس وزهق من كتر ما انا بقولو جيب شقة اعمل حاجة السنتين الى اهالى محددنهم قربو يخلصو هو بيقولى انا فى ايدى اية اعملة انا امى بتبيع الارض الى عندها وهيا مش راضى تتباع ودلوقتى بيقولى انة مبقاش طايق الزن ولا المشاكل بتاعت كل يوموعاوز هو يكلمنى لما يحب يسمع صوتى وانا متصلش بية وهو اول لما يلاقى فى مشاكل او اى كلمة مش عجبها عايز يقفل السكة انا تعبت من كل حاجة وامى بتقولى اصبرى علية لحد ماامة تبيع الارض واخويا وابويا مش راضين والناس كلها بدات تتكلم فى الشغل علينا وهو بيقولى احنا مالناش دعوة بكلام الناس وامى بتقولى مينفعش تسيبة بعد كل المدة دى عشان الشغل كلة هيتكلم عليا وعلى امى انى انا بعد كل دة اتسبت وانا مدايقة انى بدات احبة ومفيش حاجة بتتصلح وكل شى بيبوظ اعمل حد يرد عليا عشان انا قربت اتجنن
شوفي يااختي العزيزة مسالة انو خطبك ومش عاوز يعمل حاجة لاجل تجهيز الزواج وتحمل مسوولياته فهو ملوش لزمة من اصلو عاوز يخيب املك ويخليك كدا زي بيت الوقف لاانت متزوجة ولاهم يحزنون وكلام الناس عليكم يكثر سوا في الشغل او في اي مكان ترووح معاه مستغرب جدا من كلام الست ماماتك ومعارضتها انك تسيبه لحد امتى وانت منتظره على الحال كدا انت بقيت كبيرة ومتعلمة وفاهمة الحياة جيدا ومش محتاجة لحد يعرفك الصح من الغلط اتخذي قرارك الحازم بفسخ الخطوبة من الشخص ده وخليه يغور واشتري سعادتك يابنت الناس والف من يتمناكي ياقمر الشباب ولاد الحلال كثار وهتلاقي نصيبك مع ابن الحلال اللي يستاهلك ويقدرك ويصون مشاعرك ويسعدك طوال حياتك واياك والاستمرار معو في خطوبة المشومة دي بناقص منها ياستي ربنا يؤفقك ويكرمك ان شاء الله