انا اتخطبت بقالى 15 يوم بس تقليدى وفى فرق سن بينا 13 سنه هو عنده 32 وانا عندى 19 بس قبل ماوافق اعترضت ع فرق السن وكده بس كله قالى ان عمره مابيعمل مشكله بس انا لحد دلوقتى مش قادره احس نحيته اى مشاعر خالص واتكلمت مع بابا وماما واخواتى وكلهم ضدى وشايفين انه عريس ميتعوضش وان انا بتكلم فى حاجات تافهه وان فرق السن مش مهم خالص بس كل اصحابى لما شافوه قالولى كبير جدا وشكله واضح عليه السن وده عقدنى اكترر وبيقولى هو هيكبر وانا هافضل لسه صغيره ومش هيعرف يعيش معايا سنى وانا كرهته اووى بس اهلى كده يعتبر غاصبين عليا ياريت حد يرد عليا بسرعه عشان انا تعبت من التفكير
بصي نصيحه متحكميش علي مشاعرك من دلوقتي
ادي نفسك فرصه كافيه انتي خلاص اتخطبتي واتحسبت عليكي حطوبه ممكن جدا يكون انسان كويس وتحسي دا مع الوقت وتحبيه
كل المطلوب منك تدي نفسك وقت وفرصه اكبر وصدقيني هتاخدي قرارك عن اقتناع كبير
ونصيحه مني متاخديش راي اي حد من اصحابك لانه وارد جدا يكونوا بيحقدوا عليكي انا بقول وارد مش اكيد ودايما قرارك انتي اللي تاخديه مش اصحابك ومتتسرعيش عشان ماتندميش في وقت لا ينفع فيه الندم
انا بقولك كدا عن تجربه واعتبريني اخ ليكي وربنا يكتبلك اللي فيه الخير
كيمو
طالما مش مرتاحة من البداية كنتي ترفضي ليه تورطي الشاب ف لعبة بينك وبين اهلك كلميه يجي ياخد حاجته وانهي الموضوع مع اهلك مش ناقصة ظلم للناس طلاما مش مرتاحة قبل ماتدخلي ف زواج وتظلموا بعض
طيب لو مش مرتاحه معاه ممكن تتكلمى معاه وتشرحيله انك مش حاسه نحيته بأى حاجة وهو المفروض كشاب فى السن ده حيتفهم الموضوع ورجعيله حاجتة كاملة وربنا يوفقك
يابنتي اهلك معاهم كل الحق فيماقالوه لك انت لسه صغيرة وتستاهل احسن منه بكثير فكري في الزواج من شاب في مثل عمرك ومتقارب لك في السن علشان يكون في تفاهم وارتياح وانسجام وتطابق للافكار بينكما وطالما انو مافيش مشاعر ولاارتياح منك لخطيبك هذا فانهي خطوبتك منه وكل واحد يروح لحاله الزواج قسمة ونصيب وهتلاقي نصيبك مع ابن الحلال اللي من سنك ويستاهلك ويقدرمشاعرك ويسعدك طوال عمرك