انا مخطوبة خطوبة صالونات وحبيت خطيبى جدا وكنت حاسة انه كمان بيحبنى عاملته بما يرضى الله وكنت مابخبيش عنه حاجة لو خارجة او رايحة فرح مثلا وكان دايما يقولى ماشى روحى ومكنش بيعترض مع انى لو ماقولتلوش مش هيعرف بس انا مش بحب الكدب وفجأه لقيته خد قرار مانكملش مع بعض وتعبت جدا وبعديها اتقبلنا واتكلمنا ورجعنا لبعض المهم انه قالى انى مفيش حاجة اسمها حب فى ارتياح وتعود بمعنى انه مش بيحبنى الاكتر من كده انى عارفة انه مش بيحبنى هو مرتحلى مع انى بحبه وكل حاجة حلوة بعامله بيها ولو سيبته هنهار المهم انى حاسة انى مكسورة من جوايا والمفروض هنتجوز بعد اربع شهور انا رفضت عرسان كتير لانى كنت عايزة اتجوز حد بحبه ويحبنى لحد ماقابلته واتهيألى انه هو ده لحد ما قالى انه مفيش حب فعلا حسيت انى انكسرت فعلا مش عارفة اعمل ايه مع العلم انى عندى 32سنة ومش صغيرة علشان ابدأ تجربة جديدة قولولى اعمل ايه
