انا بنت عمرى 21 سنه بحب واحد اوى و خطيبي كمان اينعم ماكنتش اعرفه قبل الخطوبة بس حبيته بعدها اوى ليه مزايا كتير بس عنده عيوب انا مش متحملاها عقله صغير اوى مش بيحاول يكبر عقله شويه لما يحصل مشاكل بينا بيعايرنى اينعم بينى وبينه بس برضه ليه يعايرنى باى شئ بقربى ليه وبحاجه فيا باى شئ بس المهم انه بيعاير وبيغلط مش دايما بس احيانا بيغلط فيا بالاهل ..هى المشكله هنا انى بجد بحبه بس تعبت من كل شئ بجد انامش بئول انى ملاك ومش بغلط ومش بعلى صوتى عليه بس مهما كان مفروض يكسبنى بس هو بيعلى صوته ويتنرفز ويسمعنى كلام ملهوش لازم مع العلم انى عارفه انه بيحبنى اوى انا صليت صلاه استخارة وكل ما احلم بحلم باشياء وحشه او بحد تانى اناعارفاه بس خطيبى مش بيظهر مش عارفه بئى كده يكون ربنا بيبينلى ان هو مش خير ليا وابعد بس انا بحبه والله اوى ياريت تدلونى ع الحاجه الصح محتاجه رودودكم
مشاكل الخطوبة
بحب خطيبي بس هو بيعايرني ويغلط فيا
اضيف بتاريخ: Tuesday, January 18th, 2011 في 13:05
كلمات مشاكل وحلول: الخطوبة, بنت, صلاة, صلاة استخارة, مشاكل البنات, مشاكل الخطوبة
دي حاجات طبيعيةتكون في زمن الخطوبة وتحصل كثيربين المخطوبين مافي داع تعمل منهامشكلة وصدقيني مع الحب واللقاءات بينكم تزول الحالة وربي يسعدكماويوفقكمافي الحياة
متحترموش زي مبيحترمكيش
علي فكرة لما تجوزيه مش بس هيعيرك ده هيديكي علي عينيكي كمان لو موقفتيهوش عند حده من دالوقتي يبقي تسبيه احسن ودوسي علي قلبك واشتري كرامتك لان الحبيب ممكن يتعوض مرة واتنين وعشرة لكن الكرامة لما تنداس مرة عمرها ما هتتعوض ابدا واشتري كرامتك احسن والخطيب والحبيب ممكن يتعوض لكن الكرامة لا الكرامة لا لا والف لا كمان لالالالالالالالالالالالالالالا
انتى لسه صغيره حاولى تستوعبى خطيبك وفاهميه هو كمان انه لازم يستوعب طريقة تفكيرك وان الأحترام اساس اى علاقة صح بين اتنين ….صدقينى انا كنت ماشية زيك فاكره الحب كل حاجه … لا الحب مش كل حاجه لان انتى فيه بتفكرى بقلبك وبس لكن مش بعقلك مش هتعرفى تمشى …لازم الأتنين … يعنى … تفهميه فى كل مره يجى يغلط فيكى انه احترامه ليكى جزء من احترامه لنفسه لأنك هتكونى مراته وان الأسلوب ده … متعوديش عليه فى بيتكم ابداً + لازم انتى تفهمى ان حل المشكله بينك وبينه مش بالرد عليه لا حتى لوكان ردك بهدوء .. فيه مشاكل لما بتكبر وطرف من الأتنين بيغلط الحل الوحيد ان الطرف التانى يبعد … ابعدى شويه .. ولما يسألك فيه ايه … قوليله انا سبتك تهدى وتعرف ان انا كان قصدى كذا كذا… وتشرحى له وجهه نظرك براحه وساعتها هيكون هو كمان صفى شويه ….. الكلام ده كله … لوانتى بتحبيه بجد وعايزه تحافظى عليه وعلى بيتك اللى جاى انشاء الله …. لوانتى شافيه انك كده خلاص … انتى حره بس اعرفى … ان كتير من الرجاله عصبين جداً
ولللأسف البعض منهم بيفتكر ان علو صوته ساعه المشكله دى رجوله
… حاولى تفهميه انه لازم إحتواءه ليكى بعطفه وبحنانه … ..هو ده اللى بيكبره فى نظرك وساعتها بيبقى فى عينيك حبيبك اللى انتى كنت بتدورى عليه ومستنياه وصدقينى بالأسلوب المحترم ده
اكيد ….. هيتغير وانتى كمان لازم تفهمى ان الأحترام هو اساس العلاقه مش الحب … خلى بالك من نفسك …. وربنا معاكى
بصى لو هو بيحبك بجد ماكنش عايرك ولا كان غلط فيكى بالاهل
سوال الموضوع ده خدتى بالك منه بعد ماالشخص التاني ده ظهر الى عايز يخطبك
على فكره خطيبك مظلوم وانتى الى جانية عليه وكده خونتيه بمجرد تفكريك فى شخص تانى يبقى خيانه فوقي لنفسك وبعدين ليه تعملى حاجه تضيق خطيبك اكيد هو عايزك احسن واحده فى الدنيا وانتى اكيد بتعملى تصرفات صعبه ولما يعدى الموقف بتشوفى نفسك غلطان
المشلكه انه بيتنرفز مش بيتكلم معاك براحه
حاولى تصحبي خطيبك واعتبريه حبيبك وانسي موضوع انه خطيبك ده هترتحي وهو يرتاح وخليه يعملك كده
انك واحده صحبته واخته وبنته واهم حاجه خطبته
وعلى فكره لو سبتى خطيبك .الشخص التانى عمره ماهيطمن ليك علشان سبتى واحد علشان ممكن تعمليها معاه برده صح
يابنتى ليه التشويش الى انتى فيه انتى عايزه ايه عايزه مين وبعدين اذاى واحد تحبيه وانتى مخطوبه حتى لو كان غصب عنك مينفعش والى بتحبيه ده لو اتقدملك عمره ماهيأمن لك وهيفكر مليون مره قبل الارتباط لانك ذى ما سبتى غيره هتسبيه فكرى كويس بعقلك مش بالقلب والعواطف
على فكره الحلم فى دليل لصلاة الاستخاره
المهم
كلميه بوضوح شديد وقوليله هنجرب فتره لو مكنش كل واحد يروح لحاله
بس مظنش هتقدرى لو بتحبيه ” مراية الحب عميه ”
ولا حتى اهلك هيوافقوكى ” هوا حد لاقى عريس فى الزمن دا ”
ولا حتى اللى حواليكى هيقدروا ” اكيد شايفه شوفه تانيه ”
ولا حتى اللى هيجوا بعد كده ” اللى خلاها تسيب حبها يخليها تسيب التانى ”
دا مجرد كلام
المهم
أرجو من الله لكى التوفيق
لالالالالالالالالالالالا بلاش الجوازه دى من اولها غلط فى الاهل وفيكى فكرى كويس لترجعى تندمى فى وقت مينفعش فيه الندم
انا صاحبة المشكله بس هو حنين اوىعليا بس اناالصراحه مش بسكت برضه برد عليه دايما وخايفه يطلع عليا كل اللى كنت بعمله معاه ف فتره الخطوبه الصراحه كل مشكله بكون انا سببها وهو بيزعئ ويغلط زى ماقولتلكم يمكن شوفت عيوبه زى ماهدى قالت طيب لو اتعرض عليا ف فتره الخطوبه حد وانا غصب عنى حبيته واتعلقت بيه ابعد عن خطيبى واقرب من الشخص دة هو عايز يتجوزنى وبيحبنى اوى بس خايف يعمل الخطوه وخايف من النقطه دى .. لا يخطب احدكم ع خطبه اخيه ..ياريت حد يدلنى انامحتاره اوى والله محتاره بس انا مشوحشه اناكويسه ومخترمه اوى بساللى انا فيه ده قدر والله
بصى اذا كان وانتو مخطوبين وبينكم الحب ملتهب بيشتم شتايم وحشة كدا وكمان مخه مخ عيل صغير فكرى شوية وشوفى هل هتقدرى تستحملى كدا بعد الجواز؟ انا لو منك اخد ديلى ف سنانى وافلسع
بصراحه يا حبيبتى وماتزعليش منى الراجل ده ما يستهلكيش والخساره القريبه أحسن من المكاسب البعيده وأحب أقولك حاجه حبك ليه وهم لأن لو بتحبيه مش هتشوفى أخطائه وهةه لو بيحبك مش هيزعلك ابعدى عنه وانتى طيبه وربنا ان شاء الله هيكرمك بلأحسن ان شاء الله
بصى يا حبيبتى الجزار عندة حق يعنى اية يغلط فيكى وفى اهلك من دلوقتى بعد الجواز مش هتعرفى تتعاملى معاة اللى بيحب حد بجد مش بيطلع فية عيب حتى لو كل الناس شايفة العيب دة هو مش بيشوفة وانتى بتقولى بيعيرك وبغلط فى اهلك اركنى مشاعرك على جنب شوية وشوفى هتقدرى تتحملى الاسلوب دة بعد الجواز ولا لا وربنا ينور بصيرتك وداومى على صلاة الاستخارة
الله يخرب الحب وسنينه اللي هتخلي العريس يغلط في الاهل ده وقح صح لما هو دلوقتي اكده بعد الزواج هايبقه ايه اعملي لنفسك كرامه ليكي ولاهلك من اولها والله لو معملتي لنفسك كرامه دلوقتي عمرك مهاتقدري تعملي كرامه بعد الزواج وهاتعيشي حياه ضنك مافهاش احترام انفصلي عنه وبكره ربك هايكرمك بواحد محترم وابن ناس ويحترمك ويحترم واهلك وتبقي علي راسي ههههههههه وجميله بيعلي صوته عليكي قبل الزواج طيب يصبر ههههههههه
لحد ماتتزوجه ده بجد تحفه
treke shou badek fe byejek meeeeeeeeet wa7ad 8ayro w5asa 2za 3ndek se2a be 7alek
اختى الغاليه بعض الشباب بيحاول يدبح القطه من فترة الخطوبه او بمعنى آخر بيحاول انه يظهر بشخصيه قويه على فكره انتى الوحيده اللى تقدرى تقيميه امتى بيكون عصبى وغلاط وامته بيكون رومنسى وحنين ومن هنا تقدرى تحكمى عليه
وعليك بصلاة الاستخاره وانسى خالص فى وقت الصلاه انك بتحبيه ربنا يوفقك
بسم الله الرحمن الرحيم
حبيبتى اخى الجزار رد عليكى الرد المناسب . الان وهو لسه خاطب بيشتم وبيغلط ولا مراعى اى شئ ومش مكبر حد ولا حتى اهلك ولا مراعى احاسيسك ومشاعرك .انصحك ان تبتعدى عنه لانه انسان لا يحترمك ولا يحترم اهلك وانت مش غاليه عنده انا اسفه انى اقولك كده لكن الرجل الشارى يعمل المستحيل فى الخطوبه .اللى بيعاير دلوقتى وبيشتم بعد الزواج ممكن يضرب ويطلق ومفيش حد حيمنعه لانه مش بتحترم حد .ولك الاختيار والله الموفق
انا مش عارفة مدام هو بيحبك هو بيعمل كدة لية مستحيل يمون بيحبك ويعايرك دة يبقى انسان مش محترم الا المفروض تختى حل للموضوع دة بس انتى غلطانة هولوو بيحترمك ميعملش كدة
من البدايه عقله صغير وبيغلط فيكى وبالاهل كمان ؟؟؟طيب بعد الجواز هايعمل ايه ؟؟ ويعنى ايه بيعايرك ..!!احذرى وتنبهى جيدا انتى لسه فى البدايه وخلى لنفسك واهلك كرامه وتقدير: مش عشان بتحبيه يحصل كدا ….فكرى جيدا **وحلمك والله اعلم حق !!الله يوفقك
الاستخاره مش بلاحلام ممكن الموضوع بيقرب او بيبعد واستخيرى تانى وتالت ورابع استخيرى وحاولى تفهميه ان اللى بيعمله ده بيضيقك