انا كنت بحب واحد من سنتين ومعرفش هو بيحبنى ولا لاء بس اوقات كتير كنت بحس انه بيحبنى المهم الشغل اللى كان بين اهالينا خلص ومعنتش بشوفه بس لحد دلوقتى انا حباة الفترة دى اتقدملى واحد ابن صاحب بابا هو كويس مؤهل عالى زيى هو معاه تربيه رياضيه بس هو الفترة دى فى الجيش لما اتقدملى انا حسيت انى فرحانه بس بعدها بيوم حسيت انى اتسرعت المهم هما جم وقروا الفاتحه بس حصل مشاكل ع الشبكه بس هو قالى ان اللى انا عاوزاة كله هاجيبهولك انا حاسه انه شارينى بس فى نفس الوقت خايفه انى مش احبه وتبقا اتحسبت عليا خطوبة فانا بصراحه مش عارفه اعمل ايه اكمل الموضوع ولا ابعد وخلاص؟
مشاكل الخطوبة
مش عارفه اوافق على تكملة الخطوبة ولا لاء؟
اضيف بتاريخ: Thursday, February 24th, 2011 في 15:24
كلمات مشاكل وحلول: الخطوبة, مشاكل الخطوبة
أوعى تسمعى كلام حد لا أمك ولا أبوكى لا صاحب ولا قريب أسمعى كلام نفسك بس أوعى تفكرى أنه8ا تتحسب خطوبة أنتى متعلمة أومال نسيب أية للجهلة ده نصيب فى الأول وفى الأخر بس ممكن تصبرى علية بس لو كان شاريكى أوى هو وأهلة أوعى تتبترى لان الباتر وحش أوى بس لو معاملة أهلة معاكى وحشة الرك علية والله أعلم
صلى استخارة قبل اى شىء ولو فيه خير ربنا هييسرلكم موضوع الزواج ولو فى شر هيبعد وربنا هيعوضك وانصحك متفكرش فى حب فات لو اللى كنتى بتحبيه عاوزك هيجيلك ويسأل فيك وبعدين مدام حسيتى بحب التانى ليكى يبقى افتحى قلبك وحبيه
متعجرفة متكبرة ! عندك مؤهل عالي ، وتخافين من الاستمرار كي لا تحسب عليك خطوبة وخلاص .. يعني تخشين من نظرة المجتمع لك لو فسخت الخطوبة !!!
ما هذه الأنانية المفرطة التي أراها بين السطور ؟ وكأن من كان قبل لا كيان له ، وكأن العريس الجديد لا قلب له ولا مشاعر ..
كوني قبل كل شيء صادقة مع نفسك … وتذكري أن الزواج مصلحة واستقرار ومسؤوليات .. راجعي نفسك وافعلي ما ترينه مناسبا لك ولا تهتمي بمشاعر أو كلام من حولك .. فالعمر لا يجوز إهداره
بصى اللى حسيتيه نتيجة الاول ده مش حب والا مكنتيش فرحتى ولو للحظة بالعريس التانى بس ده احساس طبيعى من ضمن اوهام ومراهقات البنات فى الفترةدى من حياتها اما موضوع انك خايفة ماتحبهوش بعد الخطوبة فاصلا فترة الخطوبة هى الفترة اللى بتتعرفوا فيها على بعض يا اما بتحسى انه مناسب وبتبداى تحبيه او بتسبيه لكن ماتطلبيش الحب قبل الخطوبة مش هاينفع ولازم كل بنت تعرف ان فترة الخطوبه مش معناها ان انا ارتضيت ان الانسان اللى انا اتخطبتله يكون جوزى لا لا لا فترة الخطوبة ممكن تؤدى لتكملة الاختبار او فسخه ومش عيب انك تتخطبى مرة واتنين
لو كويس اتوكلى على اللة الحب بيجى بعد كدة اهم حاجة تختارى اللى شاريكى وبيحبك مش اللى انتى بتحبية
توكلى على الله واقبلى هذا الخطيب المحترم واللى انتم عارفينه وسيبك من الحب الوهمى من طرف واحد فربما يكون مشغول بغيرك كمان فى المثل يقولون خذى اللى بيحبك ولا تأخذى اللى بتحبيه. فواضح أنكى متردده وقلقه فعليكى بصلاة الاستخاره وتأكدى أنه لن يصيبك الا ما كتبه الله لكى فى اللوح المحفوظ قبل أن يخلق الكون
لو مرتحاله يبقي بلاش تضيعيه من ايديكي
ولو هتظلميه فعلا يبقي بلاش خالص
ولو في اي اشارة استجابة من التاني اوك لو مفيش اقبلي ده انتي لازم تقارني بينهم وتختاري اللي في صالحك
وربنا يدلك امين
يا بنت الناس فى حد فى الزمن الاغبر ده طايل يتجوز طالما هو ابن ناس كويسين وملتزم دينيا وعلى خلق عايزه ايه تانى بلاش تتبطرى احسن يمشى يتجوز غيرك وانتى بعد كده اقعدى بقا لما يجى حد تانى وياترى امتى وحيكون كويس ولا لا اخلاقه حلوه ولا لا انا انصحك طالما هو انسان اخلاقه حلوه وملتزم دينيا تبقى توكلى على الله وبعد الجواز حتلاقى نفسك بتحبيه وهو بيحبك والحياه تبقى فيها موده ورحمه بينكم بارك الله فيكى