مشاكل الخطوبة

خطيبي بدأ يتحجج وانا مصدومة

انا كنت مخطوبة من 3 شهور وبعدها بفتره خطيبي ابتده يتحجج في حاجات انا كنت مصدقه مع ان في ناس قالولي انه بيعمل كده علشان خاطر يسيبني بس انا مش كنت مصدقه لان تصرفته ومواقفه بتبين انه بيحبني بعد كده عرفت انه فعلا عايز يسيبني وانه عايز ياخد الشبكة وقالي الجواز قسمه ونصيب انا بجد مصدومه لاني فعلا اتعلقت بيه ومستغربه اوي لما هو مش عايزني اتقدم ليه من البدايه انا مش غصبته علي حاجه وازاي بعد كل تصرفاته ده وانه طلع مش عايزني ولا بيحبني انا عايزه اعرف هو ليه عمل فيا كده ومش عارفه اخرج من اللي انا فيه ده ازااااي ساعدوني

مشاكل وحلول ذات صلة

اضيف بتاريخ: Friday, March 11th, 2011 في 12:01

كلمات مشاكل وحلول: , , ,

16 رد to “خطيبي بدأ يتحجج وانا مصدومة”

  1. نور الهدى
    06/04/2011 at 18:31

    ببصى هى نفس مشكلتى بس انا اعد معاه سنه وتص وكان مكتوب كتابنا وحبيته جدا جدا وكلمته كتير حتى بعد لما سبنا بعض بس هوه للاسف ميستهلش حبى ليه تعرفى انا ربنا كرمنى والحمدلله كملت تعليمى لانه تعليمى كانت احد الحجج بتاعته وحاجات تانيه ربنا عوضنى بيها تعرفى علشان هوه ظلمنى ربنا ظلمه اتجوز ومكملش السنه مع مراته وطلقها كنت ممكن انا اكون مكانها صدقينى عاوزه ترتاحى ادعى ربنا كتير وهوه هيبعتلك الاحسن ولو هوه الشخص ده خير ليكى ربنا هيرجعهولك بس استنى شويه المهم قربك من ربنا هوه الحل الوحيد وحاولى اشغلى نفسك باى حاجه ومش تعدى لوحد اعدى مع اهلك قدام اى حاجه تشغلك وانتى شويه شويه هتنسى وهتلاقى الاحسن هيجيلك بس الاهم قربنك من ربنا

  2. mood
    02/04/2011 at 08:25

    انا شايف كل الناس بتتكلم على طرف واحد ياجماعه الخطوبه دى معموله للتفاهم والتعارف ولو مفيش نصيب ربنا مقدر كده مش احسن ما سيبو بعض بعد الجواز مش عاوزين نحكم من طرف واحد ممكن يكون فيه اسباب مش واضحه ومفيش بنت بتكون غلطانه وتقول انا غلطانه

  3. دودو
    18/03/2011 at 03:27

    بيقول ربنا سبحانه وتعالى \عسى ان تكرهوا شيئا وهو خير لكم\ لا تحزني عليه ما انتي لسة صغيرة خلاص مادام هو عامل فيكي كدة انسيه في مئات رجال مش واحد وربنا حيعودك باحسن منو كتير

  4. mema
    15/03/2011 at 16:01

    vربنا معاكى بجد لانى حاسه بيكى جدا لانى اتعرضت لنفس موقفك ده زعلت عليه شويه وبعد كده نسيته لانه فعلا ميستاهلش يتزعل عليه وربنا يعوضك باحسن منه ان شاء الله

  5. فرى مختصر فريدة
    15/03/2011 at 00:09

    احمدى ربنا على انوا سابك دلوقتى احسن ما يسبكوانتى مجوزة وربنا مبيوفقش اتتن ولاد حلال اكيد انتى بنت الحلال وهو ابن الحرام اللى لعب بمشاعرك معلشى هو صعب بس كدة احسن انه بنات فى الاول واخترى صح المرة اللى الجاية ومتياسيش من حاجة وخليكى طبعية وهو ولا كانه كان فى حياتك حولى عشان تعرفى تعيشى حايتك بس اهم شى انك متبينش ليه مثلا لو هو قريب منك او عارفك اوعى تبينى ليه انك هتموتى عليها اوعى بجد خليكى عادى وفى الحقيقة بردوا خليكى عادى ربنا يسعدك..

  6. سبحان الله
    14/03/2011 at 17:15

    لو عايزة تخرجي من اللي انتي فيه صدقيني مفيش غيرربنا حبيه اكتر واتقربي منه اكتروهو هينسيكي ويرزقك الزوج اللي انكتبلك من يوم وجودك ف الدنيا.

  7. اختك في الله
    14/03/2011 at 08:36

    بصي يا حبيبتي انا كنت زيك والله وكنت متعلقة بيه جدا واتصدمت وماكنتش باكل ولا بشرب وهو اللي سابني برده بحجج المهم اني تعبت اوي وربنا عوضني دلوقت سبحان الله ربنا زي مابيقولو محتفظ ليكي بشخص افضل منه في المستقبل وانا بقول كده عن ثقة لان الحياه مش بتقف
    بقولك انا اتجوزت بعد خطيبي الاولاني ده وقعدت معاه اربع سنين وربنا مارزقنيش باولاد واتطلقت منه وربنا عوضني بافضل منه وفي سنة واحده الحمد لله ربنا رزقني بولد وبنت والحمد لله زوجي الحين افضل من الاثنين شكلا وموضوعا وتدينا وكل شيءوالله
    بس انتي ماتزعليش واصبري وبكره هتفتكري كلامي ده
    ربنا بيعمل كده علشان

  8. اختك في الله
    14/03/2011 at 08:29

    ولا يهمك وماتعبريهوش هو الخسران لانه انسان مش كويس وربنا هيعوضك خير واحسن منه بس انتي ماتزعليش
    شوفي اللي حصلك ده حصلي في بداية حياتي واتجوزت وربنا ماوفقنيش في زواجي والحين الحمد لله ربنا عوضني باللي احسن من الاثنين وربنا كرمني بولد وبنت على طول وزوجي طيب وابن حلال فياحبيبتي احمدي ربنا انه كشفوهلك من قبل ما تتجوزيه فاحمدي ربنا على كده وماتديهوش الشبكة علشان دي من حقك انتي وكده مش حرام عليكي مادام هو اللي سايب
    وربنا يوفقك ياحبيبتي

  9. طالبة
    14/03/2011 at 02:25

    هواكتشف انكوا لازم تسيبو بعض بعد3شهور خطوبة!! انارايى ان انت تنسية انا عارفة انى دي حاجة صعبة لكن لازم تهتمي بنفسك وتشوفى مستقبلك لان انت ادتيلة كل مشاعر الحب الحقيقى الى ممكن تحسة اي بنت مخطوبة وبتحب خطيبها وانت مش غلطانة لانك مزعلتيهوش ولااصرتي فى حقة هوالخسران لانة مقدرش الحب دةواكيد ربنا هياخدلك حقك منة ربنا يوفقك ويرزقك بخطيب احسن منة يقدرحبك ويستاهلك والي باعك بيعية

  10. قلوب في الغربة
    13/03/2011 at 08:30

    أختي في الله
    أسأل الله أن يهون عليكي ويصبرك واعلمي أنه ليس نصيبك
    وعسى أن تكرهو شيئا وهو خير لكم
    أسأل الله أن يرزقك بمن هو خيرا منه
    عليكي بالدعاء

  11. مروه
    12/03/2011 at 20:37

    اديله حاجته وقوليله سلامات يا عسل …. وانتى اشغلى نفسك باى حاجه كويه وقوى صلتك بالله لانه ربنا مبيعملش حاجه وحشه والله … كل حاجه بتحصل ليها وسبب وحكمه من ربنا سبحانه وتعالى

  12. مستكة
    12/03/2011 at 02:47

    عشان يعرف ان الله حق وان بنات الناس مش لعبة اوعي ترجعيلو الشبكة

    اتبرعي بيها لأي حتجة … تصدقي بيها او حتي شيليها ليكي بس اوعي ترجعهالو مهما حصل … وربنا يعوضك ويرزقك براجل بجد يتقي الله فيكي

  13. زائر
    12/03/2011 at 01:55

    الأخت العزيزه سلمى أمرك الى الله واعلمى أن الله له حكمه فى كل شىء بيحصل لنا وسيبك من الأسئله دى يا ترى هو سابنى ليه؟ يا ترى بيحب حد تانى والا ايه؟ يمكن ربنا هيبعتلك اللى أحسن منه ويسعدك أكتر بس انتى مش عارفه لانه غيب عنكى تماسكى واهدأى فما دام هو سابك فهذا لا خير فيه ومينفعش تزعلى عليه لان انتى غاليه وقويه وتستاهلى واحد يقدرك وتذكرى دائما قول الله(قل لن يصيبنا الا ما كتب الله لنا)صدق الله العظيم.

  14. توتا
    11/03/2011 at 18:59

    ازاى زعلانة على واحد باعك انتى المفروض تكونى كرهتية ولا يهمك يغور هو اللى خسران مش انتى افتكرىة دايما انك احسن منة وان هو اللى طلع مش قد كلمتة ومش راجل معاكى ربنا هيرقك باحسن منة

  15. حياتى كلها لله
    11/03/2011 at 14:28

    شوفي يا حبيبتى دة من الاول محبكيش عشان اللي بيحب صعب يسيب حبيبة بسهولة دة كدب عليكى في مشاعرة عيشك في الوهم وبعدين سابك من غير سبب مقنع دة متزعليش عليه اللي باعك بيعية انتى كمان وانتى الكسبانة لانة خسر واحدة حبيتوا الحب دة كله لانة مش يستهلوا حاولي تخرجى من الحاله دى بانك تشغلي نفسك في اى شيئ ومتفكريش فيه وعشان تنسية افتكري كل اللي عملوا معاكى دة كفايه يخليكى متفكريش انتى ربنا هيعوضك خير لكن هو هياخد واخدة تظلمة زى ما ظلمك وسابك بدون سبب وافتكري دايما انه كان بيتحجج عشان يسيبك دة كدا سهل عليه دخول بيوت الناس واللعب بالبنات وبقلوبهم صدقينى اوعي تندمى ولا تزعلي عليه واحمدي ربنا انه كشفهولك قبل الجواز كدا احسن تعرفي حقيقتوا وانتى لسه علي البر ربنا يرزقك الزوج الصالح

  16. مريم
    11/03/2011 at 12:45

    salam ya okhti lada3i lilham llah kbir 9adr i3awdak aham chi jat mano howa machi nti rabi kbir ya okhti lah mayday3akch

اترك رداً أو حلاً لهذه المشكلة