بجد ياجماعه انا مش عارفه اقول ايه انا مخطوبة انا عندي 16 سنه انا سني لسه صغيره بس انا حبيت ابقي زي كل اصحابي اتخطبوا انا قولت اتخطب وابقي في النور مع خطيبي احسن من ان احب من ورا اهلي بس بعد الخطوبة ندمت اني اتخطبت لان كتر عليا مشاكل وحسيت اني شايله مسئوليه واحد وانا مش قدها بس انا مش كنت اعرف اللي هيجرا انا خطيبي عنده25 سنه المشكله دلوقتي ان ليه مرات ابوه عايزاني اني اروح اعيش معاها واني اخدمها وهي مش كويسه ودايما عامله معايا مشاكل كتير ومغلطاني وانا مش بحبها بس المشكله ان هبقي في نفس البيت معاها وهو بيسافرانا قولت ليه انت لما تمشي انا هروح اقعد عند بابا هو وافق بس برضوا مرات ابوه مش سيباني في حالي وعايزاني افسخ الخطوبة باي طريقه وعلشان ابوه بيحب مراته بيسمع كلامها وخطيبي ميقدرش يقول لا لباباه علي حاجه هو عايزها علشان باباه راجل صاحب مرض بس هو قالي هعملك اللي انتي عايزاه وقالي انا مش هخلي حد يعمل معاكي مشاكل هو اصلا مش بيحبها بس بيحب ابوه وانتو عارفين الزن علي الودان امر من السحر وهي مرات ابو دايما بتقوله عليا اني مش كويسه علشان ابوه يكرهني ويفسخ الخطوبه علشان هي بتكره خطيبي لان من صغره وهو عامل ليها مشاكل فهيا عايزه تاخد حقها منه وكل مايروح يخطب حد تفسخ الخطوبة بس هو حبني ومش عايز يسبني مش عارفه اعمل ايه بس اختي وماما مش بيحبوه لان زعلان مع ماما واختي في حاجات كتيره وماما دايما تقول ليا هي واختي انتي لو ختي خطيبك احنا مش هندخل ليكي بيت وانا بحب ماما واختي ومش عايزه حد يفرق مبنا بس بابا بيحبه وكل مااجي اخد قرار اني اسيبه كلام من ماما واخوتي وكلام من بابا وبيشتتوا تفكيري انا مش عارفه اعمل ايه ومش عارفه اخد قرار خايفه الوعود اللي هو بيدهالي مش تتحقق بعد الجواز وعشان ابوه يعمل خطيبي معايا مشاكل ومش عارفه اعمل ايه معلش كترت عليكو بس انا عايزه حد يسعدني لان انا معنتش قدره افكر ولا استحمل
مشاكل الخطوبة
خطيبي بيحبني بس مرات ابوه معقدة الدنيا
اضيف بتاريخ: Thursday, March 24th, 2011 في 09:29
كلمات مشاكل وحلول: الجواز, الخطوبة, مخطوبة, مشاكل البنات, مشاكل الخطوبة, هموم البنات
عندى حل لو هو بيحبك قوليلو انك تخدى شقه بعيد عن مرات ابوه وبكدة هتخلصى من مرات ابوه ومامتك اكيد مش هتهونى عليها ولا هتقدر مش تجيلك ولزم تصلى صلاه استخاره علشان ربنا يسهل الطريق
الحل ان تشترطى على خطيبك انك تعيشى فى مكان لوحدك اذا كانت المشاكل من البدايه بعد الجواز هيكون الوضع ازاى لازم يجهزلك مكان لوحدك والا هتندمى وساعتها مش هينفع الندم
ياحبيبت قلبي الموضوع ده كله مشاكل وطالما البدايه بدات بمشاكل اعرفي ان حياتك كلها هتبقي مشاكل انتي بتقولي ان مامتك واختك مش موافقين وكمان زوجة والده قصده تخرب عليكي من اولها لا وفوق كل ده هو هيسيبك ويسافرصدقيني مش هترتاحي في العيشه دي وقبل ماتخدي اي قرار ياريت تستخيري ربنا (عسي ان تحبوا شيئا وفيه شر لكم)والله المستعان ربنا يوفقك