مشاكل الخيانة الزوجية

دخلت شات وانا متزوجه وندمانه

سلام عليكم.بعد اذنكم طالبه منكم تدعولي وتساعدوني اتخطي محنتي,, انا متجوزه وبحب جوزي جدا والله العظيم بحبه. الي حصل اني اتاخرت في الحمل فتره وبعدين كانت نفسيتي تعبانه ومش بخرج وبعدين صاحبتي الله يسامحها بعتتلي لينك دردشه شات صوتي قالتلي تعالي ياستي الناس عالمايك بيعملو مسابقات وغيري جو شويه وكدا المهم دخلت وبقيت افتح واتسلي معاهم وضفت منهم ناس عندي الايميل بنات واولاد بس قلت مش هقول اني متجوزه بس الي حصل ان في يوم حد هكر اميلي واخد من عليه صور ليا كانت تخصني صوري بشعري وفستان سواريه وكدا الله يسامحه وراها لاولاد من الي هناك فالدردشه هما الي يعرفوه عني اسمي ومنين وبس وانا مش من المدينه الي هما منهاانا بس اللي قاقلني ان حد يعمل حاجه بالصور دي ومن وقتهاوانا يعني متضايقه ولما ببص في وش جوزي بيني وبين نفسي بقول ياريتني ما عملت كدا هوا مكنش يستاهل مني كدا وانا صليت كتير وتبت توبه نصوحه وبعد شهرين لمامبقتش اروح ربنا رضاني بحمل وبقيت مبسوطه بس كل ما افتكر موضوع الصور ده بتضايق اني غلطت وخبيت علي جوزي مع اني مش متعوده اخبي عليه حاجه . بس قلتله انا مره فتحت موقع مسابقه وكدا وحد بعت رابط فتحته وتقريبا جهازي اتهكر وكنت حاطه صوري وكدا وقالي خلاص كويس انك عرفتيني بس متفتحيش اي روابط تانيه ومقلتش علي اسم الدردشه الي كنت بروحها عشان ميكبرش الموضوع ويحصل زعل فلو سمحتم ادعولي بالستر وناقشوني ونا مبقتش افتح اي مواقع تانيه والله بس خايفه حاجه تضرني في يوم من الايام

مشاكل وحلول ذات صلة

اضيف بتاريخ: Thursday, November 30th, 2017 في 07:07

كلمات مشاكل وحلول: , , , , ,

3 رد to “دخلت شات وانا متزوجه وندمانه”

  1. ابوالبتول
    30/11/2017 at 22:36

    اختي اطمني تماما لن يحصل لك شي ولاداعي للخوف والقلق طالما انك نادمة على ماحصل منك وصارحتى زوجك بالحقيقة ولم تخفي عنه شي فربنا بيسترعليكي ويبارك لك في حملك وترزقي الذرية الصالحة وتسعدي مع زوجك بس عايزك تحذري من الدخول للشات مرة اخرى او تسمع كلام صديقتك دي التي اشارت عليك بدخول الشات فكل المصايب والبلاوي تجي من النت ومواقع الشات ربنا يسترعليكي ويكفيك شر الاشرار

  2. عبد الله
    30/11/2017 at 20:56

    تكملة الحل
    والحاجه دي غصب عنك يعني متشغلش بالك ربنا يستره

  3. عبد الله
    30/11/2017 at 20:55

    السلام عليكم ورحمة الله وبركاته
    متشغلش بالك انشاء الله ربنا يستره
    مين هيقدر يعرفك
    ام اتوب الي الله لا تقنط من رحمة ربك انشاء الله ربنا قيبل توبتك

اترك رداً أو حلاً لهذه المشكلة