السلام عليكم انا مشكلتى حاسة انها كبيرة جدا ومحتاجة حل مناسب وحلول تريحنى انا عندى 25 سنة متجوزة وعندى ولدين جوزى مسافر وبيجى اجازات ظروفة متسمحش ياخدنا دلوقت ابتليت بالنت والزفت الشات سورى اتعرفت على ناس كتير وشباب كتير محدش يعرف بياناتى ولا اى حاجة عنى لكن شافونى وشافوا صورتى وفتحت كام بشعرى ولببس البيت ولبس مينفعش وبعت صورتى بردو بشعرى ولبس البيت ل2 واحد عرفت انة مسح الصور لانة اتجوز وواحد لا طبعا دايما بفكر ان حد اخد لقطة من الكام وهيا مفتوحة او سجلى او اى حاجة ويستخدمها غلط واتفضح مش قادرة اشيل التفكير دة من دماغى وان الا معاة الصورة دة ممكن تكون لسة معاة ويستغلها مش عارفة انا معرفش عملت كدة ازاى تعبت نفسيا وندمت على الا عملتة كان اكيد ساعة شيطان توبت لربنا وندمت على الا عملتة الموضوع طبعا بقالة سنة ونص منتهى معتش شات ولا كلام ولا اعرف حد لكن دايما حاسة بتانيب ضمير وعدم راحة نفسية من الا عملتة جوزى معرفش ولا اى حد لكن انا غلطانة ومستاهلش جوزى ولا بيتى ولا اولادى تعبانة اوى كل يوم ادعى ربنا يسترها عليا وميفضحنيش لكن دايما الشيطان بيصورلى ان فى حاجة هتحصلى اكيد مع ان من بعد ما بعدت عن الموضوع دة جوزى ماديا اتحسن وشغلى كمان وانا اولادى ربنا هداهم وكل امورى متيسرة حاسة ان كل حاجة بتبقا افضل لكن دايما حاسةى ان كل دة هيدمر فجاة وينهار هل دة رضا من ربنا بس ازاى دة انا اذنبت جدا فى حق نفسى وبيتى وجوزى واولادى وربنا قبل كل شئ يا ترى ربنا هيسترها عليا ولة لا يا ترى خوفى من الفضيحة دة ممكن يكون مبرر لان ربنا يسترها عليا فى كذا سؤال دلوقت ربنا قبل توبتى وهيسامحنى ويسترها عليا ولة لا؟ اعترف لجوزى عشان تانيب الضمير الا انا فية ولة اعيش حياتى واستمر وان شالله ربنا حنبى؟ انا لسة فاكرة ايميل الشخص الا بعتلة الصور تفتكروا اكلمة واقولة لو معاة اى صور او اى حاجة تخصنى يمسحها ولة انسى الموضوع وان شالله ربنا هيقف جنبى وهيسترها ؟دلونى ارجوكم وساعدونى من الا انا فية بدون اهانات ارجوكم انا فيا الا مكفينى مش عارفة ارتاح البال ربنا ما يكتبها على حد ….
كما قال لك الاخوة – أبو البتول – س – عليك بالرجوع الى الله عزوجل والتوبة الصادقة والاستغفار والندم على ماحصل منك وربنا هو الغفور الرحيم اهتمي بزوجك واولادك ولاتفكري في شيء وربنا يستر عليك ويصلح حالك انت وكل اخواتنا المسلمات
زي ماقالك الاخ -س- هو ذا الراي الصحيح ربنا يقبل التوبة من عباده الخطائيين ويغفر ويسامح فاستري على روحك وعلى حياتك الزوجية وابعدي عن المحرمات والمعاصي واتقي الله في نفسك وفي زوجك واولادك وبيتك واهتمي بالحفاظ على دينك وخلاقك وشرفك وسمعة زوجك واهلك وربنا يصلح حالك ويهديك ويسترعليك ويبارك لك في زوجك واولادك العمر كله
شوفي يا اختي ربنا بيقبل التوبه ويبدل السيئات الي حسنات اما بالنسبه لخوفك من المستقبل وانو يحصل ويحصل فده من الشيطان لانه الله يقول في كتابه العزيز… قوله تعالي ٱلشَّيْطَٰنُ يَعِدُكُمُ ٱلْفَقْرَ وَيَأْمُرُكُم بِٱلْفَحْشَآءِ ۖ وَٱللَّهُ يَعِدُكُم مَّغْفِرَةً مِّنْهُ وَفَضْلًا ۗ وَٱللَّهُ وَٰسِعٌ عَلِيمٌ… صدق الله العظيم…. اما بالنسبه ان تخبري زوجك فأياكي واياكي ان تخبري زوجك فالله سترك ولا تفضحي نفسك لان مفيش رجل هيسامح ولا يعطي ثقه مره ثانيه ومتخربيش بيتك وانسي اللي حصل واحمدي ربك انو انتهت وما اتطور الموضوع… واما ان تتصلي بالشخص الذي ارسلت له صورك فأياكي ان تتصلي بيه ولا تكلميه عشان تطلبي منه ان يمسح صورك فده مدخل الشيطان ليبعدك عن التوبه… ولا تخافي هتلاقي صورك اتحذفت من عندهم لانك توبتي الي الله لان الله سوف ييسر امورك وانتي لا تدري… انا فقط قدمت النصيحه من اخ لاخته ولاني اريد لكي الخير انتي وكل بنات المسلمين ولا تنسيني من دعواتك