مشاكل الزواج

متضايق من تجربتى مش عارف ليه

شهر 9 اللى فات قريت فاتحة مع واحدة ظروفها مناسبة ليا بس لظروف سفر والدها اجلنا الخطوبة لميعاد رجوعه

الاب رجع بعد 6 شهور و اختلفنا قبل الخطوبة على حاجات مادية ( عايزين مؤخر كبير و الشقة تكون باسمى مش باسم والدى رغم انى ولد وحيد و عندنا املاك تانية ) اصروا على طلباتهم لدرجة انهم لغوا الخطوبة قبلها بيوم

بعدها بكام يوم البنت اتصلت بيا و قالت انها هتحاول معاهم و كانت بتحاول كمان معايا

فضلنا على الحال ده لمدة شهر و بعدين انا حسيت ان مفيش فايدة و نهيت الموضوع

بعدها ب 3 شهور صحبتها كلمتنى دون علمها بتحاول تعرف سبب المشكلة و رجعت اكلمها و فوجئت انها مرحبة جدا رغم انى نهيت الموضوع قبل كده

بعد كده لقيتهم موافقين على شروطنا و المشكلة اتحلت

المشكلة بعد كده فيا انا

بقيت حاسس انى محتار جدا جدا اكمل فى الموضوع ولا لأ

هى بنت كويسة و بتحبنى جدا جدا و مناسبة ليا

بس انا مبقتش عارف انا عايز ايه

بدأت اختلق مشاكل عشان أأجل الخطوبة

و قلتلها صلى استخارة و انا كمان هصليها قالتلى انا عاوزاك و الموضوع محسوم بالنسبالى و المشكلة عندك انت خد قرارك و رد عليا

شهر اتنين تلاتة و انا محتار جدا جدا مش عايز اسيبها و مش عايز اخطبها

من كام يوم ( هى صاحبة اختى ) كلمت اختى و قالتلها انا نهيت الموضوع خلاص لانى جبت اخرى معاه و انا مش لعبة فى ايده و كنت بحبه لكن دلوقت لأ

اختى بلغتنى بالكلام ده و اتأثرت جدا و كلمت مامتها انى عاوز اجى عشان الخطوبة لقيت البنت نفسها رفضتنى

انا دلوقت مش عارف انا متضايق اوى ليه رغم انى كنت محتار اصلا

مشاكل وحلول ذات صلة

اضيف بتاريخ: Saturday, September 30th, 2017 في 21:12

كلمات مشاكل وحلول: , , ,

2 رد to “متضايق من تجربتى مش عارف ليه”

  1. كريم نور
    01/10/2017 at 09:15

    الممنوع مرغوب .. دا طبع فينا كبشر انسي الموضوع ودور ع واحدة تانية تناسبك وفكر بعقلك المرة التانية وربنا يسعدك

  2. ابوالبتول
    01/10/2017 at 01:01

    عاوز الصراحة البنت معها كل الحق ترددك وحيرتك وعدم اتخاذك القرار خلا البنت تطير منك وترفض الاستمرار معك في الخطوبة طوال 3شهور وانت متردد ومحتار ومش عارف تعمل ايه وعاوز البنت تقبل بهذا الوضع استحالة طبعا ارى انك تسرع في اتمام موضوع اتمام الزواج منها وتوافق على كل الشروط اللي اتفقتم عليها مع اهلها وتبدي اعنذارك للفتاة حبيبتك اللي هتكون زوجتك وشريكة عمرك على كل ماحصل منك وتقدم لها هدية معتبرة لماتروح لها بيت اهلها وشوية كلام ناعم ورومنسي جميل البنات يحبوا الحاجات دي ويموتوا فيها وتجدها في قمة السعادة والهناء انها معك وتنسي كل شي وتبدوا حياة جديدة كلها افراح وسعادة طوال العمر وعقبال مانفرح بكم قريبا ان شاء الله

اترك رداً أو حلاً لهذه المشكلة