معلش هطول شويه بس علشان لما ترد تكون ملم بالموضوع كله
انا شاب عندي 27 سنه حياتي كلها معتمد فيها على نفسي تماما، بشتغل بقالي 18 سنه بالضبط، عرفت في خلال الفتره دي اشكال وانواع كتير من الناس من الجنسين ولفيت اكثر من دولة في مجال العمل، الحمد لله انا شاب محترم بشهادة الجميع، عندي قدر كويس من الثقافة، متعلم تعليم عالي، اجتماعي جدا، أحب الضحك والمرح.
لما وصلت لسن 24 سنه قررت ارتبط، دعيت ربي كتير جدًا بكل ما أريده في زوجتي، والحمد لله ارتبطت من 4 شهور ببنت كويسه وبدون مبالغه فيها كل ما دعيت ربي بيه .
او ما ارتبطت بيها كانت صريحه معايا انها مش اجتماعيه، كنت دايما بفتح ليها المواضيع وبستمع ليها كويس تعبت معاها شويتين في البدايه. يعني انا اللي لازم اتصل واهتم، انا اللي لازم ابدأ بكل حاجه غير كده ولا بتعبرني، نبهتها لكده وتعليقها انها عارفه اني في الشغل او مشغول والا كنت انا اتصلت. تقبلت وباللين الصراحه بقت بتهتم وبتتجاوب معايا بس ببطء..
انا بجد مش مقصر معاها لا بالاهتمام ولا بالكلام ولا بسماع مشكله ليها ولا بالزيارات ولا اي موسم يعدي او غيره.
وكل فتره بخلي مكالمة ففضه نتكلم عن الفتره اللي فاتت ولو حاجه زعلت منها مني، على سبيل اننا لسه بنفهم بعض، ولو في حاجه زعلت فيها بفهمها وجهة نظري وكنت اقصد ايه ودلوقتي تقريبا في تفاهم كويس.
نيجي بقى لمشكلتي معاها
اهتمامها بي قليل جدًا جدًا
لدرجه انها وصلتني اني بقيت اشيل هم اتصالي بيها، بعد ما كنت بشتاق لسماع صوتها.
في البدايه كنت اتصل مره وبعد شويه تاني ولا بلاقي رد ممكن افوت بعدها 6 ساعات واتصل بيها ترد عادي ولا كاني اتصلت. كنت بتخنق منها بصراحة
علشان بقى تهتم اسمعها كلام جميل واتركها فتره كبيره تبدأ هي تحس بفراغ فتتصل وتسألني عن اختفائي ارد اني مشغول في أي حاجة كل ده علشان تحس وتتفاعل معايا شويه.
وهكذا كل فتره لغايه ما بقت تهتم بس ببرود شويتين
عمرها ما قالتلي وحشتني، قافشه على نفسها معرفش ليه
بس معاملتها لي بتدل على حبها.
اليومين دول ممكن اعدي يوم كامل من غير ما اتصل ولا حتى نتكلم، وهي عادي خالص.
على النقيض بقي لما نتكلم، تقولي لما نكون في بيتنا هعملك اكل كذا وكذا وهجرب فيك وهتعلم فيك ونضحك وانا بشاركها مرحها بكل اهتمام، وتبعتلي الوان لشقتنا وصور للعفش والديكور ومهتمه بجد جدًا بالموضوع ده. ممكن تقعد ايام على النت تختار صور للشقه وترسلها لي.
ده معناه انها مش عايزه تفسخ الخطوبه.
لما اغازلها بالكلام (محترم طبعا) تنشكح خالص بضحكه عفيفه كده. بحس انها هبله الصراحة وبرجع اقول مبسوطه وهي اصلا مش بترد غير بكلمة (شكرا).
وبالمناسبة هي متعلمه تعليم عالي، وتصغرني بسنتين، ولو فتحت موضوع بجد واشوف رأيها ايه فيه، فعلا بتفيد وبتدي رأي في الصميم.
ومن جهة المسئولية في الحياة، مش شايل همها لانها قدها.
حلها ايه دي بقى
لاني مش عايز افسخ الخطوبة، وفي نفس الوقت حاسس اني شايل هم علي قلبي.
مشاكل الزواج
اعمل ايه فيها خطيبتي
اضيف بتاريخ: Monday, October 23rd, 2017 في 23:32
كلمات مشاكل وحلول: الحب, الخطوبة, الشباب, بنت, حب, شاب
خطيبتك عفيفة وتشعر إن في حاجات مش ممكن تديها لك الا بعد الزواج،،صدقني انت معك جوهرة صونها لأن هي دي الي حتصون عرضك،،هي بس لأنها اتربت على الحياء،،لو فسخت ربما تحي لك وحدة تندمك على اليوم الي فسخت به،،المفروض تفرح لبراءتها،،اصبرشوية وحتلاقيها بعد الزواج فيض من الاهتمام بك